ஷாக் நியூஷ்! மகளிர் உரிமைத் தொகையில் தகுதியற்றவர்களின் பட்டியல் நீக்கம்..... இனி ரூ.2500 யாருக்கெல்லாம் கிடைக்கும்.? அமைச்சர் வெளியிட்ட முக்கிய தகவல்..!!!

தமிழகத்தில் செயல்பட்டு வரும் மகளிர் உரிமைத் தொகை திட்டத்தில் முக்கிய மாற்றங்களை மேற்கொள்ள அரசு தீவிர நடவடிக்கைகளை தொடங்கியுள்ளது. திட்டத்தின் பயனாளிகள் பட்டியல் முழுமையாக ஆய்வு செய்யப்பட்டு வரும் நிலையில், தகுதியற்றவர்களை நீக்கும் பணிகள் வேகமடைந்துள்ளன. இதனுடன், தகுதியான பெண்களுக்கு வழங்கப்படும் உதவித் தொகையையும் உயர்த்துவது குறித்து ஆலோசனைகள் நடைபெற்று வருவதாக தகவல்கள் வெளியாகியுள்ளன.

முந்தைய ஆட்சிக்காலத்தில் இந்தத் திட்டத்தில் பல்வேறு முறைகேடுகள் நடைபெற்றதாக மகளிர் நல மேம்பாட்டுத் துறை அமைச்சர் மரிய வில்சன் அண்மையில் குற்றம்சாட்டியிருந்தார். இதையடுத்து, திட்டத்தின் கீழ் பயன் பெற்று வரும் அனைவரின் விவரங்களும் மீளாய்வு செய்யப்படுகின்றன. விதிமுறைகளை பூர்த்தி செய்யாதவர்கள் மற்றும் தகுதி இல்லாதவர்கள் அடையாளம் காணப்பட்டு பட்டியலில் இருந்து நீக்கப்பட உள்ளதாக கூறப்படுகிறது.

இதையும் படிங்க: குட் நியூஷ்! விரைவில் மகளிர் உரிமைத்தொகை ரூ.2,500.. நாளை வங்கி கணக்கில் வரும் பணம்! முதல்வர் விஜய்யின் அதிரடி அறிவிப்பு!!!

தகுதியான பயனாளிகளை உறுதி செய்ய நடவடிக்கை

அரசின் சரிபார்ப்புப் பணிகள் தற்போது மாவட்ட வாரியாக மேற்கொள்ளப்பட்டு வருகின்றன. வருமானம், குடும்ப நிலை, அரசு நிர்ணயித்துள்ள பிற தகுதிகள் உள்ளிட்ட விவரங்கள் ஆய்வு செய்யப்படுகின்றன. இதனால் அரசின் நிதி உதவி உண்மையில் தேவையுள்ள பெண்களுக்கே சென்றடைவதை உறுதி செய்ய முடியும் என அதிகாரிகள் தரப்பில் தெரிவிக்கப்படுகிறது.

ரூ.2,500 வழங்கும் திட்டம்?

இதற்கிடையில், தற்போதைய மகளிர் உரிமைத் தொகை திட்டத்தில் பெரிய மாற்றம் கொண்டுவரப்படலாம் என்ற தகவலும் அரசியல் வட்டாரங்களில் பேசப்படுகிறது. தமிழக வெற்றிக் கழக அரசின் தேர்தல் வாக்குறுதியின்படி, 60 வயதுக்கு உட்பட்ட தகுதியான பெண்களுக்கு மாதந்தோறும் ரூ.2,500 வழங்கும் திட்டம் பரிசீலனையில் இருப்பதாக கூறப்படுகிறது.

தற்போது வழங்கப்பட்டு வரும் தொகையை விட இது அதிகமாக இருப்பதால், பல பெண் பயனாளிகள் மத்தியில் எதிர்பார்ப்பு உருவாகியுள்ளது. தகுதியற்றவர்களை நீக்குவதோடு, தகுதியானவர்களுக்கு கூடுதல் நிதி உதவியை வழங்கும் வகையில் அரசு திட்டமிட்டு வருவதாக தகவல்கள் தெரிவிக்கின்றன.

அரசியல் முக்கியத்துவம் பெறும் திட்டம்

தமிழக அரசின் முக்கிய நலத்திட்டங்களில் ஒன்றாகக் கருதப்படும் இந்தத் திட்டத்தில் மேற்கொள்ளப்படும் மாற்றங்கள் அரசியல் ரீதியாகவும் கவனம் பெற்று வருகின்றன. இருப்பினும், தொகை உயர்வு மற்றும் புதிய தகுதி விதிமுறைகள் தொடர்பாக அரசு இதுவரை அதிகாரப்பூர்வ அறிவிப்பை வெளியிடவில்லை. அதனால், வரவிருக்கும் அறிவிப்புகளுக்காக பயனாளிகள் காத்திருக்கின்றனர்.

இதையும் படிங்க: பயிர்க்கடன் தள்ளுபடி திட்டத்தில் புதிய மாற்றம்.... முதல்வர் விஜய் எடுத்த அதிரடி முடிவு..!!!