வேலை தேடுபவர்களுக்கு குட் நியூஷ்... பத்தரப்பதிவுத் துறையில் 6 மாதத்தில் அம்புட்டும் மாறப்போகுது! அமைச்சர் லோகேஷ் தமிழ்ச்செல்வன் அறிவிப்பு.!!!

தமிழ்நாடு பத்திரப்பதிவுத் துறையில் காலியாக உள்ள பணியிடங்கள் விரைவில் நிரப்பப்படும் என அமைச்சர் லோகேஷ் தமிழ்ச்செல்வன் தெரிவித்துள்ளார். அதேசமயம், துறையை முழுமையாக கணினிமயமாக்கும் பணிகளும் தீவிரமாக நடைபெற்று வருவதாகவும் அவர் கூறினார். மேலும், அடுத்த 6 மாதங்களுக்குள் முழுமையான ஆன்லைன் பதிவு முறை அறிமுகமாகும் என்றும் அறிவித்துள்ளார்.

பத்திரப்பதிவுத் துறையில் முக்கிய மாற்றங்கள்

செய்தியாளர்களை சந்தித்த அமைச்சர் லோகேஷ் தமிழ்ச்செல்வன், பொதுமக்கள் நேரடியாக அலுவலகங்களுக்கு அலைந்து திரிய வேண்டிய நிலையை குறைக்கும் வகையில் புதிய நடவடிக்கைகள் எடுக்கப்பட்டு வருவதாக தெரிவித்தார். அதன்படி, பத்திரப்பதிவு செயல்முறைகள் அனைத்தும் படிப்படியாக டிஜிட்டல் முறைக்கு மாற்றப்பட்டு வருவதாகவும் கூறினார்.

இதையும் படிங்க: குட் நியூஷ்! விரைவில் மகளிர் உரிமைத்தொகை ரூ.2,500.. நாளை வங்கி கணக்கில் வரும் பணம்! முதல்வர் விஜய்யின் அதிரடி அறிவிப்பு!!!

தகவலின்படி, பல மாவட்டங்களில் கணினிமயமாக்கல் பணிகள் ஏற்கனவே தொடங்கியுள்ளன. இதனால் பதிவு சேவைகள் வேகமாகவும், வெளிப்படையாகவும் நடைபெறும் என அதிகாரிகள் நம்பிக்கை தெரிவித்துள்ளனர்.

6 மாதங்களில் முழு ஆன்லைன் பதிவு

பொதுமக்கள் வீட்டிலிருந்தபடியே பதிவு தொடர்பான சேவைகளைப் பெறும் வகையில் ‘Full Online Registration’ முறை அறிமுகப்படுத்தப்பட உள்ளது. இதையடுத்து, ஆவண சரிபார்ப்பு முதல் பதிவு நிறைவு வரை பல சேவைகள் இணையதளத்தின் மூலம் செய்யும் வசதி ஏற்படுத்தப்படும் என்று கூறப்படுகிறது.

இந்த திட்டம் நடைமுறைக்கு வந்தால், அலுவலகங்களில் நீண்ட நேரம் காத்திருக்கும் சிரமம் குறையும் என்பதால் மக்கள் மத்தியில் நல்ல வரவேற்பு உருவாகியுள்ளது.

வேலைவாய்ப்பு எதிர்பார்ப்பில் இளைஞர்கள்

காலிப்பணியிடங்கள் நிரப்பப்படும் என்ற அறிவிப்பு காரணமாக அரசு வேலைக்கு தயாராகி வரும் இளைஞர்கள் உற்சாகமடைந்துள்ளனர். குறிப்பாக பத்திரப்பதிவுத் துறையில் புதிய நியமனங்கள் எப்போது வெளியாகும் என்ற எதிர்பார்ப்பு அதிகரித்துள்ளது.

இதையும் படிங்க: உச்சக்கட்ட எதிர்பார்பில் மக்கள்! மகளிர் உரிமைத்தொகையில் தமிழக அரசு அதிரடி மாற்றம்.! அமைச்சர் வெளியிட்ட அறிவிப்பு.!!!