×
 
☰
தமிழகம் இந்தியா சினிமா விளையாட்டு வீடியோ

BREAKING : ரூ.5000-ல் இருந்து ரூ.7000-ஆக உயர்த்திய CM விஜய்...! தொழிலாளர்களுக்கு வெளியான மகிழ்ச்சி செய்தி!!,

தமிழகத்தில் உப்பளத் தொழிலாளர்களுக்கான மழைக்கால நிவாரணத்தொகையை ரூ.5,000-லிருந்து ரூ.7,000-ஆக உயர்த்தி முதலமைச்சர் ஜோசப் விஜய் உத்தரவிட்டுள்ளார். இதனால் 23,979 குடும்பங்கள் பயன்பெற உள்ளன.

Advertisement

தமிழகத்தில் உப்பளத் தொழிலாளர்களுக்கு வழங்கப்பட்டு வரும் மழைக்கால நிவாரணத்தொகை ரூ.5,000-லிருந்து ரூ.7,000-ஆக உயர்த்தப்பட்டுள்ளது. இதற்கான அரசாணையை முதலமைச்சர் ச. ஜோசப் விஜய் தலைமையிலான தமிழக அரசு வெளியிட்டுள்ளது. புதிய அறிவிப்பின் மூலம் 2026-2027-ஆம் நிதியாண்டில் 23,979 தொழிலாளர் குடும்பங்கள் பயன்பெற உள்ளன.

நிவாரணத்தொகையை உயர்த்த நீண்டநாள் கோரிக்கை

மழைக்காலங்களில் உப்பு உற்பத்திப் பணிகளை மேற்கொள்ள முடியாததால் உப்பளத் தொழிலாளர்களின் வருமானம் பாதிக்கப்படுகிறது. இதைக் கருத்தில் கொண்டு, அவர்களின் வாழ்வாதாரத்தைப் பாதுகாக்க ஆண்டுதோறும் மழைக்கால நிவாரணத்தொகை வழங்கப்பட்டு வருகிறது.

இதையும் படிங்க: ரூ.2,500 மகளிர் உரிமைத் தொகை...! CM விஜய் எடுத்த அதிரடி முடிவு..! இல்லத்தரசிகளுக்கு வெளியான ஹாப்பி நியூஷ்..!!!

இந்தத் தொகையை உயர்த்த வேண்டும் என்பது தொழிலாளர்களின் நீண்டநாள் கோரிக்கையாக இருந்து வந்தது. இதனை நிறைவேற்றும் வகையில், 'வெற்றித் தமிழகம் தொலைநோக்குப் பார்வை' திட்டத்தின் கீழ் நிவாரணத்தொகையை ரூ.7,000-ஆக உயர்த்த அரசு நடவடிக்கை எடுத்துள்ளது.

மானியக் கோரிக்கையில் வெளியான அறிவிப்பு

கடந்த ஆகஸ்ட் 25, 2026 அன்று நடைபெற்ற தொழில், முதலீட்டு ஊக்குவிப்பு மற்றும் வர்த்தகத் துறை மானியக் கோரிக்கையின்போது, நிவாரணத்தொகை உயர்வு குறித்த அறிவிப்பைத் தொழில் துறை அமைச்சர் வெளியிட்டிருந்தார். அதன் தொடர்ச்சியாக தற்போது இதற்கான அரசாணை வெளியிடப்பட்டுள்ளது.

தமிழ்நாடு உடலுழைப்புத் தொழிலாளர் சமூகப் பாதுகாப்பு மற்றும் நல வாரியத்தில் பதிவு செய்துள்ள உப்பளத் தொழிலாளர் குடும்பங்களுக்கு இந்த உயர்த்தப்பட்ட தொகை வழங்கப்படும். ஆண்டுதோறும் செயல்படுத்தப்படும் திட்டமாக இது தொடரும் எனத் தெரிவிக்கப்பட்டுள்ளது.

23,979 குடும்பங்களுக்கு ரூ.16.78 கோடி ஒதுக்கீடு

2026-2027-ஆம் நிதியாண்டில் மொத்தம் 23,979 உப்பளத் தொழிலாளர் குடும்பங்கள் இந்த நிவாரணத்தின் மூலம் பயன்பெற உள்ளன. இதற்காக அரசுக்கு ரூ.16.78 கோடி செலவாகும் எனக் கணக்கிடப்பட்டுள்ளது. இந்த முழுச் செலவையும் தமிழக அரசே ஏற்கும் என்று செய்தி மக்கள் தொடர்புத்துறை வெளியிட்டுள்ள செய்திக்குறிப்பில் தெரிவிக்கப்பட்டுள்ளது.

 

இதையும் படிங்க: இன்ப அதிர்ச்சி... அரசு ஊழியர்களுக்கு தீபாவளிக்கு போனஸ்..! முதல்வர் விஜய்யின் அதிரடி அறிவிப்பு...!!!

Advertisement

Follow @ Google News: செய்திகளை உடனுக்குடன் பெற கூகுள் செய்திகள் பக்கத்தில் Tamil Spark இணையதளத்தை இங்கே கிளிக் செய்து ஃபாலோ செய்யுங்கள். Click Here
#உப்பளத் தொழிலாளர்கள் #மழைக்கால நிவாரணம் #joseph vijay #Tamil Nadu Government #ரூ.7000 நிவாரணம்
 
 
 
Latest News Home Web Stories Web Stories Latest Videos Videos Share on WhatsApp Share
Next Story