பெண் அரசு ஊழியர்களுக்கு இன்ப அதிர்ச்சி கொடுத்த தமிழக அரசு! சட்டப்பேரவையில் வெளியான அதிரடி அரசாணை..!!!

தமிழகத்தில் பெண் அரசு ஊழியர்களுக்கு 3-வது குழந்தை பிறந்தால், ஓராண்டுக்கு ஊதியத்துடன் கூடிய பேறுகால விடுப்பு வழங்கப்படும் என அரசு அதிகாரப்பூர்வமாக அரசாணை வெளியிட்டுள்ளது. இதற்கான அறிவிப்பு கடந்த 18-ம் தேதி சட்டப்பேரவையில் வெளியிடப்பட்ட நிலையில், தற்போது அரசாணை பிறப்பிக்கப்பட்டுள்ளது. இதன்மூலம் 3-வது குழந்தைக்கான பேறுகால விடுப்பு 12 வாரங்களில் இருந்து 52 வாரங்களாக உயர்த்தப்பட்டுள்ளது.

சட்டப்பேரவை அறிவிப்புக்கு அரசாணை வெளியீடு

பெண் அரசு ஊழியர்களுக்கான 3-வது குழந்தை பேறுகால விடுப்பு தொடர்பாக சட்டப்பேரவையில் கடந்த 18-ம் தேதி துறை சார்ந்த அமைச்சர் அறிவிப்பு வெளியிட்டிருந்தார். அதன் தொடர்ச்சியாக தற்போது அரசாணை வெளியிடப்பட்டு, புதிய நடைமுறை அமலுக்கு வந்துள்ளது.

இதையும் படிங்க: #BREAKING: சற்று முன்... குடும்ப தலைவிகளுக்கு ஆண்டுக்கு 3 சிலிண்டர்கள் இலவசம்! முதல்வர் விஜய்யின் சூப்பர் அறிவிப்பு..!!!

இதுவரை 3-வது குழந்தைக்கு வழங்கப்பட்டு வந்த 12 வார கால பேறுகால விடுப்பு, இனி 52 வாரங்களாக இருக்கும். அதாவது, சுமார் 365 நாட்கள் ஊதியத்துடன் விடுப்பு பெறும் வகையில் மாற்றம் செய்யப்பட்டுள்ளது.

குழந்தை பராமரிப்புக்கு ஓராண்டு விடுப்பு

இந்த புதிய நடைமுறை மூலம் அரசுப் பணியில் இருக்கும் தாய்மார்கள், பிரசவத்துக்குப் பிறகு குழந்தையை கவனிப்பதற்கும் தங்களது உடல்நலனைப் பேணுவதற்கும் கூடுதல் அவகாசம் கிடைக்கும். குறிப்பாக பிறந்த குழந்தையின் ஆரம்பகால பராமரிப்பில் தாயின் பங்களிப்பு முக்கியமான நிலையில், ஓராண்டு விடுப்பு அவர்களுக்கு பயனுள்ளதாக இருக்கும்.

இதன் மூலம் 3-வது குழந்தையைப் பெற்றெடுக்கும் பெண் அரசு ஊழியர்களுக்கான Maternity Leave காலம் கணிசமாக அதிகரித்துள்ளது. அரசாணை வெளியானதைத் தொடர்ந்து, புதிய விடுப்பு நடைமுறை அரசு ஊழியர்களிடையே கவனம் பெற்றுள்ளது.

இதையும் படிங்க: அவசரப்பட்டுடோமோ... ஆலோசனையே இல்லாமல் இப்படி ஒரு முடிவு! கசிந்த சீக்ரெட்.... பரபரப்பில் அரசியல் களம்!!!