தமிழகத்தில் அதிவேகமெடுக்கும் டெங்கு காய்ச்சல்! சுகாதாரத் துறை வெளியிட்ட அதிர்ச்சி ரிப்போர்ட்.. மீண்டும் முகக்கவசம் அணிய அறிவிப்பு...!!!
தமிழகத்தில் டெங்கு காய்ச்சல் பாதிப்பு தொடர்ந்து அதிகரித்து வருகிறது. ஒரே நாளில் 301 பேருக்கு தொற்று உறுதி செய்யப்பட்ட நிலையில், தடுப்பு நடவடிக்கைகள் தீவிரப்படுத்தப்பட்டுள்ளன.
by
தமிழகத்தில் பருவநிலை மாற்றம் காரணமாக சென்னை உள்ளிட்ட பல்வேறு பகுதிகளில் காய்ச்சல் பாதிப்பு அதிகரித்து வருகிறது. குறிப்பாக டெங்கு காய்ச்சல் வேகமாக பரவி வரும் நிலையில், நேற்று ஒரே நாளில் 301 பேருக்கு தொற்று உறுதி செய்யப்பட்டுள்ளது. இதுவரை மாநிலம் முழுவதும் 17,649 பேர் டெங்குவால் பாதிக்கப்பட்டுள்ளனர். உயிரிழப்பு எண்ணிக்கை 9 ஆக உயர்ந்துள்ளது.
ஒரே நாளில் 301 பேருக்கு டெங்கு உறுதி
மாநிலத்தில் டெங்கு பாதிப்பு தொடர்ந்து கண்காணிக்கப்பட்டு வரும் நிலையில், புதிய நோயாளிகளின் எண்ணிக்கையும் அதிகரித்து வருகிறது. இதனால் பாதிப்பு அதிகம் உள்ள பகுதிகளில் தடுப்பு பணிகளுக்கு கூடுதல் முக்கியத்துவம் அளிக்கப்பட்டுள்ளது. காய்ச்சல் பாதிப்பு குறித்து சுகாதாரத்துறை அதிகாரிகள் தொடர்ந்து கண்காணித்து வருகின்றனர்.
இதையும் படிங்க: BREAKING: சற்றுமுன்... வங்கி கணக்கில் வந்த பணம்! தமிழக அரசு வெளியிட்ட அறிவிப்பு..!!!
வீடு வீடாக தடுப்பு பணிகள் தீவிரம்
தொற்று பரவலை கட்டுப்படுத்த பொது சுகாதாரத்துறையும் நகராட்சி நிர்வாகங்களும் இணைந்து களப்பணிகளில் ஈடுபட்டுள்ளன. சுகாதாரப் பணியாளர்கள் வீடு வீடாகச் சென்று கொசு உற்பத்தியாகும் இடங்களை கண்டறிந்து வருகின்றனர். நன்னீர் தேங்கியுள்ள இடங்களை அகற்றுவதுடன், காய்ச்சல் பாதிப்பு குறித்து பொதுமக்களிடமும் விழிப்புணர்வு ஏற்படுத்தப்படுகிறது.
யார் முகக்கவசம் அணிய வேண்டும்?
முகக்கவசம் அனைவருக்கும் கட்டாயம் இல்லை என்றாலும், கர்ப்பிணிகள், முதியவர்கள், குழந்தைகள், நோய் எதிர்ப்புச் சக்தி குறைந்தவர்கள் மற்றும் காய்ச்சலால் பாதிக்கப்பட்டவர்கள் முன்னெச்சரிக்கையாக முகக்கவசம் அணிய அறிவுறுத்தப்பட்டுள்ளனர். காய்ச்சல் அல்லது இருமல் அறிகுறிகள் உள்ள குழந்தைகளை பள்ளிக்கு அனுப்ப வேண்டாம் என்றும் பெற்றோர்களுக்கு அறிவுறுத்தப்பட்டுள்ளது.
வீடு மற்றும் சுற்றுப்புறங்களில் தண்ணீர் தேங்காமல் பார்த்துக்கொள்வது டெங்கு கொசுக்கள் உற்பத்தியைத் தடுப்பதில் முக்கிய பங்கு வகிக்கிறது. காய்ச்சல், உடற்சோர்வு உள்ளிட்ட அறிகுறிகள் ஏற்பட்டால் சுயமாக மருந்து எடுத்துக்கொள்ளாமல், உடனடியாக மருத்துவரை அணுக வேண்டும் என சுகாதாரத்துறை வலியுறுத்தியுள்ளது.
