BREAKING: இல்லத்தரசிகளுக்கு வீட்டு தோட்டம் அமைக்க ரூ. 10 கோடி ஒதுக்கீடு...! தமிழக அரசின் அதிரடி அறிவிப்பு...!!!

தமிழ்நாடு வேளாண் பட்ஜெட் மூலம் விவசாயிகள் மற்றும் பெண்களின் வாழ்வாதாரத்தை மேம்படுத்தும் நோக்கில் பல புதிய திட்டங்கள் அறிவிக்கப்பட்டுள்ளன. வீடுகளிலேயே தோட்டம் அமைப்பது முதல் கரும்பு சாகுபடியை விரிவுபடுத்துவது வரை பல்வேறு நடவடிக்கைகளுக்கு கோடிக்கணக்கில் நிதி ஒதுக்கப்பட்டுள்ளது. இதன் மூலம் விவசாய உற்பத்தியும், குடும்பங்களின் ஊட்டச்சத்து பாதுகாப்பும் மேம்படும் என எதிர்பார்க்கப்படுகிறது.

இல்லத்தரசிகளுக்கு வீட்டுத் தோட்டம் அமைக்கும் திட்டம்

பெண்கள் வீட்டிலிருந்தபடியே காய்கறி மற்றும் பழங்களை விளைவிக்க உதவும் வகையில் வெற்றி இல்லத்தரசி வீட்டுத் தோட்டம் திட்டத்திற்கு ரூ.10 கோடி ஒதுக்கப்பட்டுள்ளது. இந்தத் திட்டத்தின் கீழ் இடுபொருட்கள், காய்கறி விதைகள், பழச்செடிகள், நீரியல் தோட்டம் மற்றும் செங்குத்துத் தோட்டத் தொகுப்புகள் வழங்கப்படுகின்றன. தேவையான இடங்களில் நிழல்வலைக் குடில்களும் அமைத்துத் தரப்படவுள்ளன.

இதையும் படிங்க: BREAKING: சற்று முன்... அனைவருக்கும் ஆண்டுக்கு ரூ.10,000…! வெளியாகும் தமிழக அரசின் அதிரடி அறிவிப்பு!!!

இதையடுத்து, சத்தான உணவுப் பழக்கத்தை ஊக்குவிக்கும் வகையில் 'தமிழ்நாடு தளிர் கீரைகள்' திட்டத்திற்கு ரூ.1.20 கோடி ஒதுக்கப்பட்டுள்ளது. மேலும், பனை மர வளர்ப்பை ஊக்குவித்து பனை சார்ந்த பொருட்கள் உற்பத்தி செய்யும் கூடாரங்களை அமைக்க ரூ.2 கோடி நிதியும் அறிவிக்கப்பட்டுள்ளது.

விவசாய உற்பத்தியை அதிகரிக்க புதிய முதலீடுகள்

விவசாயிகளின் உற்பத்தித் திறனை உயர்த்தும் நோக்கில் கரும்பு சாகுபடி பரப்பை விரிவுபடுத்த ரூ.9 கோடி ஒதுக்கப்பட்டுள்ளது. தகவலின்படி, 17,315 ஏக்கர் பரப்பில் விதைக் கரும்பு மானியம் வழங்க ரூ.9.36 கோடி நிதியும் அறிவிக்கப்பட்டுள்ளது.

விவசாயிகளுக்கு தேவையான சேவைகள் ஒரே இடத்தில் கிடைக்கும் வகையில் 8 மாவட்டங்களில் ரூ.27.82 கோடி செலவில் ஒருங்கிணைந்த வேளாண்மை விரிவாக்க மையங்கள் அமைக்கப்படுகின்றன. அதன்பின், ரூ.7.10 கோடியில் 3 புதிய விதை சுத்திகரிப்பு நிலையங்கள், ரூ.3.56 கோடியில் திரவ உயிர் உர உற்பத்தி வசதிகள் மற்றும் மாவட்டந்தோறும் வேளாண் கண்காட்சிகள் நடத்த ரூ.3 கோடி ஒதுக்கப்பட்டுள்ளதாக பட்ஜெட்டில் தெரிவிக்கப்பட்டுள்ளது.

விவசாய வளர்ச்சிக்கு ஒருங்கிணைந்த அணுகுமுறை

பெண்களின் பங்களிப்பை வலுப்படுத்துவதோடு, விவசாயிகளின் வருமானத்தை உயர்த்தவும், தரமான விதை மற்றும் தொழில்நுட்ப வசதிகளை விரிவுபடுத்தவும் இந்தத் திட்டங்கள் வடிவமைக்கப்பட்டுள்ளன. பல்வேறு துறைகளை இணைக்கும் இந்த நடவடிக்கைகள் மாநில வேளாண் வளர்ச்சிக்கு புதிய ஊக்கமாக அமையும் என எதிர்பார்க்கப்படுகிறது.

இதையும் படிங்க: உச்சக்கட்ட எதிர்பார்பில் விவசாயிகள்! பயிர்க்கடன் தள்ளுபடி... பட்ஜெட்டில் காத்திருக்கும் ட்விஸ்ட்...! தமிழக அரசின் அடுத்து வெளியாகும் அறிவிப்புகள்...!!!