கொஞ்சம் கூட லேட் பண்ணாதீங்க.. 3 நாளுக்கு மேல் நீடித்த காய்ச்சல்...! சிகிச்சை பலனிற்றி பறிபோன 24 வயது இளைஞரின் உயிர்...!!!
சென்னை அருகே சோமங்கலம் மேலத்தூரைச் சேர்ந்த பார்த்தசாரதி, டெங்கு காய்ச்சலால் சிகிச்சை பலனின்றி உயிரிழந்தார். அரசு மருத்துவமனைகளில் சிகிச்சை பெற்றும் உயிரிழந்த நிலையில், முறையான சிகிச்சை அளிக்கவில்லை என உறவினர்கள் புகார் தெரிவித்துள்ளனர்.
by
சென்னை அருகே சோமங்கலம் பகுதியில் டெங்கு காய்ச்சலால் பாதிக்கப்பட்ட இளைஞர் சிகிச்சை பலனின்றி உயிரிழந்தார். மேலத்தூரைச் சேர்ந்த பார்த்தசாரதி, மூன்று நாட்களுக்கும் மேலாகக் கடுமையான காய்ச்சலால் அவதிப்பட்டு வந்தார். அரசு மருத்துவமனைகளில் சிகிச்சை பெற்றும் அவர் உயிரிழந்ததால், உறவினர்கள் அதிர்ச்சியடைந்துள்ளனர்.
தொடர் காய்ச்சலால் மருத்துவமனையில் அனுமதி
சோமங்கலம் அருகே உள்ள மேலத்தூர் பகுதியைச் சேர்ந்த பார்த்தசாரதிக்கு மூன்று நாட்களுக்கும் மேலாகக் காய்ச்சல் நீடித்துள்ளது. உடல்நிலை மோசமடைந்ததால், குடும்பத்தினர் அவரை சோமங்கலம் அரசு ஆரம்ப சுகாதார நிலையத்துக்கு அழைத்துச் சென்றனர். அங்கு முதற்கட்ட சிகிச்சை அளிக்கப்பட்டதைத் தொடர்ந்து, மேல் சிகிச்சைக்காக தாம்பரம் அரசு தலைமை மருத்துவமனைக்கு கொண்டு செல்லப்பட்டார்.
இதையும் படிங்க: தமிழகத்தில் அதிவேகமெடுக்கும் டெங்கு காய்ச்சல்! சுகாதாரத் துறை வெளியிட்ட அதிர்ச்சி ரிப்போர்ட்.. மீண்டும் முகக்கவசம் அணிய அறிவிப்பு...!!!
சிகிச்சை பலனின்றி உயிரிழந்த இளைஞர்
தாம்பரம் அரசு மருத்துவமனையில் பார்த்தசாரதிக்குத் தீவிர சிகிச்சை அளிக்கப்பட்டது. இருப்பினும், டெங்கு காய்ச்சலின் பாதிப்பு அதிகரித்ததாகக் கூறப்படும் நிலையில், சிகிச்சை பலனின்றி அவர் உயிரிழந்தார். இளைஞரின் மரணம் மேலத்தூர் மற்றும் சோமங்கலம் பகுதிகளில் சோகத்தை ஏற்படுத்தியுள்ளது.
முறையான சிகிச்சை அளிக்கவில்லை என உறவினர்கள் புகார்
பார்த்தசாரதியின் மரணத்துக்கு அரசு ஆரம்ப சுகாதார நிலையத்தில் உரிய நேரத்தில் முறையான சிகிச்சை வழங்கப்படாததே காரணம் என அவரது உறவினர்கள் குற்றம்சாட்டியுள்ளனர். இதுதொடர்பாக காவல்துறையிடமும் புகார் அளித்துள்ளனர்.
இதற்கிடையே, பருவமழைக் காலத்தில் கொசுக்களின் உற்பத்தி அதிகரித்து டெங்கு பரவும் அபாயம் இருப்பதால், தடுப்பு நடவடிக்கைகளைத் தீவிரப்படுத்த வேண்டும் என அப்பகுதி மக்கள் கோரிக்கை விடுத்துள்ளனர். குடியிருப்புப் பகுதிகளில் தேங்கும் தண்ணீரை அகற்றுதல், கொசு ஒழிப்புப் பணிகளை மேற்கொள்ளுதல் உள்ளிட்ட நடவடிக்கைகளை விரைவுபடுத்த வேண்டும் என்றும் வலியுறுத்தியுள்ளனர்.
இதையும் படிங்க: 10 நாட்கள் ஆகிட்டு...! 7 வயது சிறுமி மாயமான வழக்கில்... செல்போன் சிக்னல் காட்டிய ரகசியம்..! போலீஸ் வேட்டையில் அதிரடி திருப்பம்..!!!
