இப்படி பண்ணிட்டியேப்பா..! எப்போ பாரு போன்னையே வச்சுட்டு இருக்காதா... கண்டித்த தாய்! 10 ஆம் வகுப்பு மாணவன் எடுத்த விபரீத முடிவு! கதறி அழும் பெற்றோர்...!!!
சேலம் ஆத்தூர் அருகே செல்போன் பயன்பாடு தொடர்பாக தாய் கண்டித்ததால் மனமுடைந்த 14 வயது பள்ளி மாணவன் உயிரிழந்தார். போலீசார் வழக்குப்பதிவு செய்து விசாரணை நடத்தி வருகின்றனர்.
by
சேலம் மாவட்டம் ஆத்தூர் அருகே ஜோதி நகரைச் சேர்ந்த 14 வயது பள்ளி மாணவன் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது. செல்போன் பயன்பாடு தொடர்பாக தாய் கண்டித்த நிலையில், மனமுடைந்த மாணவன் வீட்டில் தனியாக இருந்தபோது உயிரிழந்துள்ளார். இதுகுறித்து ஆத்தூர் நகர போலீசார் வழக்குப்பதிவு செய்து விசாரணை நடத்தி வருகின்றனர்.
செல்போன் பயன்பாடு தொடர்பாக பெற்றோர் கண்டிப்பு
ஜோதி நகரைச் சேர்ந்த சேரு - ஹசீனா தம்பதியின் மகன் ரியாஸ்கான். இவர் அப்பகுதியில் உள்ள அரசு உதவிபெறும் பள்ளியில் 10-ம் வகுப்பு படித்து வந்தார். பள்ளி முடிந்து வீட்டுக்கு வந்த பிறகும், விடுமுறை நாட்களிலும் படிப்பில் கவனம் செலுத்தாமல் நீண்ட நேரம் செல்போனை பயன்படுத்தி வந்ததாக கூறப்படுகிறது.
இதனால் பெற்றோர் அவ்வப்போது அவரை கண்டித்து, செல்போன் பயன்பாட்டை குறைத்துக்கொள்ளுமாறு அறிவுறுத்தி வந்துள்ளனர். சம்பவத்தன்று மாலையும் நீண்ட நேரமாக செல்போனை பயன்படுத்தியதாக தெரிகிறது. இதையடுத்து அவரது தாய் கண்டித்துள்ளார்.
வீட்டில் தனியாக இருந்தபோது சோகம்
தாயின் கண்டிப்பால் மனமுடைந்த மாணவன், வீட்டில் யாரும் இல்லாத நேரத்தில் தனியறையில் உயிரிழந்துள்ளார். இதைக் கண்டு அதிர்ச்சியடைந்த அக்கம்பக்கத்தினர் உடனடியாக அவரை மீட்டு ஆத்தூர் அரசு மருத்துவமனைக்கு கொண்டு சென்றனர்.
அங்கு மாணவனை பரிசோதித்த மருத்துவர்கள், அவர் ஏற்கனவே உயிரிழந்துவிட்டதாக தெரிவித்தனர். இதனால் குடும்பத்தினர் மற்றும் உறவினர்கள் அதிர்ச்சியடைந்தனர்.
ஆத்தூர் நகர போலீசார் விசாரணை
தகவல் அறிந்த ஆத்தூர் நகர காவல்துறையினர் மருத்துவமனைக்கு சென்று விசாரணை மேற்கொண்டனர். மாணவனின் உயிரிழப்பு தொடர்பாக வழக்குப்பதிவு செய்துள்ள போலீசார், குடும்பத்தினர் மற்றும் அக்கம்பக்கத்தினரிடம் விசாரித்து வருகின்றனர். செல்போன் பயன்பாடு தொடர்பான குடும்ப சூழல் உள்ளிட்ட பல்வேறு கோணங்களிலும் விசாரணை நடைபெற்று வருகிறது.
இதையும் படிங்க: BREAKING: சற்று முன்... நகைக்கடன் உச்சவரம்பு உயர்வு...! தமிழக அரசு வெளியிட்ட ஹாப்பி நியூஷ்!!!
