இருக்குதுன்னு காட்டப்போய் இப்படி ஆச்சே? நகை, கார், பணத்துடன் யூடியூப்பில் போட்ட ரீல்ஸ்! அடுத்த நாள் வீட்டில் 118 சவரன் நகை அபேஸ்! அதிர்ச்சி சம்பவம்..!!!
நாகர்கோவில் அருகே பிரபல யூடியூப் தம்பதி வீட்டில் 118 சவரன் நகைகள், பணம் கொள்ளை; பின்பக்க கதவை உடைத்து புகுந்த மர்ம நபர்களை போலீசார் தீவிரமாக தேடி வருகின்றனர்.
by
கன்னியாகுமரி மாவட்டம் நாகர்கோவில் அருகே தம்மத்துகோணம் விஐபி கார்டன் பகுதியில் வசித்து வரும் பிரபல யூடியூப் தம்பதி வினோத்குமார் - மதுமிதா வீட்டில் துணிகர கொள்ளை நடந்துள்ளது. பின்பக்க கதவை உடைத்து உள்ளே புகுந்த மர்ம நபர்கள், 118 சவரன் தங்க நகைகள் மற்றும் ரொக்கப் பணத்தை எடுத்துச் சென்றுள்ளனர். இதுகுறித்து ராஜாக்கமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.
பின்பக்க கதவை உடைத்து புகுந்த மர்ம கும்பல்
விஐபி கார்டன் பகுதியில் நேற்று இரவு ஆள் நடமாட்டம் குறைந்த நேரத்தில் இந்த கொள்ளை நடந்ததாக கூறப்படுகிறது. வீட்டின் பின்பக்க கதவை உடைத்து உள்ளே சென்ற கொள்ளையர்கள், அறைகளில் இருந்த நகைகள் மற்றும் பணத்தை அள்ளிச் சென்றுள்ளனர். வீட்டில் இருந்த பொருட்களை சோதனையிட்ட போலீசார், கொள்ளை நடந்த விதம் குறித்து தடயங்களை சேகரித்து வருகின்றனர்.
இதையும் படிங்க: நிர்வாண கோலத்தில் ஜெம் வீரமணி..! தேனாம்பேட்டை பங்களாவில் சிக்கிய அந்த அதிர்ச்சி ஆதாரம்! தீவிரமாகும் விசாரணை..!!!
சமூக வலைதள பதிவுகள் குறித்து விசாரணை
வினோத்குமார் - மதுமிதா தங்களது வங்கி இருப்பு, புதிதாக வாங்கிய நகைகள், விலை உயர்ந்த கார்கள் மற்றும் பணம் தொடர்பான வீடியோக்களை சமூக வலைதளங்களில் தொடர்ந்து பதிவிட்டு வந்ததாக கூறப்படுகிறது. இதனை அடிப்படையாக வைத்து, வீட்டின் நடமாட்டம் மற்றும் பொருட்கள் குறித்த தகவல்களை யாரேனும் கண்காணித்தார்களா என்ற கோணத்திலும் போலீசார் விசாரித்து வருகின்றனர்.
போலீசார் தீவிர விசாரணை
கண்காணிப்பு கேமராக்கள் மற்றும் தனியார் பாதுகாப்பு ஏற்பாடுகள் உள்ள பகுதியில் கொள்ளை நடந்திருப்பது அப்பகுதி மக்களிடையே பரபரப்பை ஏற்படுத்தியுள்ளது. 118 சவரன் தங்க நகைகள் கொள்ளையடிக்கப்பட்டதாக தெரிவிக்கப்பட்டுள்ள நிலையில், சம்பவ இடத்தில் கிடைத்த தடயங்கள், கண்காணிப்பு கேமரா பதிவுகள் உள்ளிட்டவற்றை போலீசார் ஆய்வு செய்து வருகின்றனர்.
இதனிடையே, சமூக வலைதளங்களில் நகை மற்றும் பணம் தொடர்பான பதிவுகளை தொடர்ந்து வெளியிட்டதே கொள்ளையர்களின் கவனத்தை ஈர்த்திருக்கலாம் என சிலர் கருத்து தெரிவித்து வருகின்றனர். இந்தக் கருத்துகள் குறித்து போலீசார் அதிகாரப்பூர்வமாக எந்த முடிவையும் தெரிவிக்கவில்லை. கொள்ளையர்களை அடையாளம் காணும் பணியில் ராஜாக்கமங்கலம் போலீசார் தீவிரமாக ஈடுபட்டுள்ளனர்.
இதையும் படிங்க: இதெல்லாம் தேவையா? 1 மில்லியன் வியூஸ்களுக்கு ஆசைப்பட்டு... சிக்கலில் சிக்கிய வாலிவர்! இப்போ இருந்தது போச்சு... பகீர் சம்பவம்..!!!
