அதிர்ச்சி! மாயமான 7 வயது சிறுவன் பாழடைந்த ஓட்டு வீட்டில் சடலமாக மீட்பு.... உடலில் இருந்த காயங்கள்! பகீர் பின்னணி..!!!

மதுரை மாவட்டம் மேலூரில் சில நாட்களாகக் காணாமல் போயிருந்த 7 வயது சிறுவன், வீட்டின் அருகே உள்ள பாழடைந்த ஓட்டு வீட்டில் சடலமாக மீட்கப்பட்டார். குடும்பத்தினரும் உறவினர்களும் பல இடங்களில் தேடி வந்த நிலையில், சிறுவன் உயிரிழந்த நிலையில் கண்டெடுக்கப்பட்டது அப்பகுதியில் அதிர்ச்சியை ஏற்படுத்தியுள்ளது. சிறுவனின் மரணத்துக்கான காரணம் குறித்து மேலூர் போலீசார் விசாரணை நடத்தி வருகின்றனர்.

பாழடைந்த வீட்டில் சடலமாக மீட்பு

சிறுவன் திடீரென மாயமானதைத் தொடர்ந்து, பெற்றோர் மற்றும் உறவினர்கள் பல இடங்களில் தேடியுள்ளனர். இந்த நிலையில், வீட்டுக்கு அருகிலேயே இருந்த பாழடைந்த ஓட்டு வீட்டில் சிறுவன் சடலமாகக் கிடப்பது தெரியவந்தது. தகவலறிந்த மேலூர் காவல்துறையினர் அங்கு சென்று சிறுவனின் உடலைக் கைப்பற்றினர்.

இதையும் படிங்க: 7 வயது சிறுமி மாயமான வழக்கில் தாயை சுற்றி வளைத்த சிபிசிஐடி! திடீர் பிறந்தநாள் கொண்டாட்டம்... கதவை திறந்து வைத்து தூங்கியது ஏன்..? சாமியாருடம் தொடர்பு... சிறுமியின் அலறல் சத்தம்..!!!

உடலில் காயங்கள் இருந்ததாகப் பெற்றோர் குற்றச்சாட்டு

சிறுவனின் உடலில் பல இடங்களில் காயங்கள் காணப்பட்டதாகப் பெற்றோர் மற்றும் உறவினர்கள் தெரிவித்துள்ளனர். மேலும், சிறுவன் கடத்திக் கொலை செய்யப்பட்டிருக்கலாம் என்றும் அவர்கள் சந்தேகம் தெரிவித்துள்ளனர். எனினும், சிறுவனின் மரணத்துக்கான காரணம் இதுவரை உறுதி செய்யப்படவில்லை.

பிரேதப் பரிசோதனைக்கு அனுப்பிய போலீசார்

சிறுவனின் உடலைப் பிரேதப் பரிசோதனைக்காக போலீசார் அனுப்பி வைத்துள்ளனர். அவர் தாக்கப்பட்டு உயிரிழந்தாரா அல்லது வேறு ஏதேனும் காரணம் உள்ளதா என்பது குறித்து விசாரணை நடைபெற்று வருகிறது. பிரேதப் பரிசோதனை அறிக்கை கிடைத்த பிறகே மரணத்துக்கான காரணம் குறித்து தெளிவான தகவல்கள் தெரியவரும் என எதிர்பார்க்கப்படுகிறது.

இதையும் படிங்க: BREAKING: கனமழையால் பள்ளிகளுக்கு விடுமுறை....! எந்தெந்த மாவட்டங்களில் தெரியுமா? முழு விவரம் உள்ளே...!!!