இனிமேலும் தள்ளி போட முடியாது! மாதம் ரூ 2,500.... அரசுக்கு அடுத்தடுத்து அதிகரிக்கும் நெருக்கடி! பட்ஜெட்டில் காத்திருக்கும் ட்விஸ்ட்..!!!

மகளிர் உரிமைத் தொகையை மாதந்தோறும் ரூ.2,500 ஆக உயர்த்தி, வரவிருக்கும் பட்ஜெட் கூட்டத்தொடரிலேயே அதற்கான அறிவிப்பை வெளியிட வேண்டும் என்று மார்க்சிஸ்ட் கம்யூனிஸ்ட் கட்சி (சிபிஎம்) வலியுறுத்தியுள்ளது. இந்த கோரிக்கை தமிழக அரசியல் வட்டாரங்களில் மீண்டும் விவாதத்தை ஏற்படுத்தியுள்ளது.

சிபிஎம் வலியுறுத்திய கோரிக்கை

குடும்பத் தலைவிகளின் பொருளாதாரச் சுமையை குறைப்பதற்கும், அதிகரித்து வரும் விலைவாசி உயர்வை சமாளிக்கவும் மகளிர் உரிமைத்தொகை ரூ.2,500 ஆக உயர்த்தப்படுவது அவசியம் என்று சிபிஎம் தெரிவித்துள்ளது. இந்த அறிவிப்பை வரவிருக்கும் பட்ஜெட்டில் வெளியிட வேண்டும் என்றும் கட்சி வலியுறுத்தியுள்ளது.

இதையும் படிங்க: மகளிர் உரிமைத்தொகை 2,500 எப்போது? CM விஜய் பிறந்தநாளில் எதிர்பார்த்த மக்கள்... வெளியான முக்கிய தகவல்..!!!

அரசியல் கட்சிகளின் ஒரே கோரிக்கை

ஏற்கனவே திமுக, அதிமுக, பாஜக உள்ளிட்ட பல்வேறு அரசியல் கட்சிகளும் மகளிர் உரிமைத் தொகையை உயர்த்த வேண்டும் என்ற கோரிக்கையை முன்வைத்து வந்த நிலையில், தற்போது சிபிஎமும் அதே கோரிக்கையை வலியுறுத்தியுள்ளது. இதனால் இந்த விவகாரம் அரசியல் முக்கியத்துவம் பெற்றுள்ளது.

பட்ஜெட்டை நோக்கிய எதிர்பார்ப்பு

விலைவாசி உயர்வு காரணமாக நிதியுதவியை அதிகரிக்க வேண்டும் என்ற எதிர்பார்ப்பு பொதுமக்கள் மத்தியிலும் இருந்து வருகிறது. இருப்பினும், பட்ஜெட் கூட்டத்தொடரில் இதுகுறித்து அறிவிப்பு வெளியாகுமா என்பது தொடர்பாக தமிழக அரசு இதுவரை அதிகாரப்பூர்வமாக எந்த அறிவிப்பையும் வெளியிடவில்லை.

இதையும் படிங்க: கூட்டணி கட்சிகளின் இரட்டை வேடம்... உற்று நோக்கும் CM விஜய்! குதிரை பேரத்தை அம்பலப்படுத்திய CPI....!!!