மனைவி குடும்பத்தினருக்கு மட்டன் விருந்து..! சாப்பிட அழைத்த பேத்தி.. அடுத்தடுத்து காருக்குள் சென்ற 7 பிணங்கள்! நடுங்க வைக்கும் பின்னணி..!!!
பெங்களூருவில் மனைவி உள்ளிட்ட குடும்பத்தைச் சேர்ந்த 7 பேரைக் கொலை செய்த கார் ஓட்டுநர் கைது செய்யப்பட்டுள்ளார். சொத்து தகராறு காரணமா என போலீசார் விசாரித்து வருகின்றனர்.
by
பெங்களூரு ராஜாஜிநகரைச் சேர்ந்த 52 வயது கார் ஓட்டுநர் எஸ். இந்துசேகர், தனது மனைவி உள்ளிட்ட குடும்பத்தைச் சேர்ந்த 7 பேரைக் கொலை செய்து கைது செய்யப்பட்டுள்ளார். உறவினர்களை விருந்துக்கு அழைத்து உணவில் தூக்க மாத்திரைகளைக் கலந்து கொடுத்த பின்னர், அவர்களைக் கொலை செய்ததாக போலீசார் தெரிவித்துள்ளனர். உடல்களை வெவ்வேறு இடங்களில் வீசியதாகவும் விசாரணையில் தெரியவந்துள்ளது.
மட்டன் விருந்து வைத்து கொலை செய்ததாகக் குற்றச்சாட்டு
இந்துசேகர் தனது மனைவி சுனிதா மற்றும் அவரது குடும்பத்தினருடன் நீண்டகாலமாகப் பிரச்சினையில் இருந்ததாகக் கூறப்படுகிறது. சுமார் 15 நாட்களுக்குள் ஏழு பேரையும் கொலை செய்யத் திட்டமிட்ட அவர், உறவினர்களை மட்டன் விருந்துக்கு அழைத்துள்ளார். உணவில் தூக்க மாத்திரைகளைக் கலந்து கொடுத்து அவர்களை மயக்கமடையச் செய்ததாக போலீசார் கூறுகின்றனர்.
பின்னர் சத்தம் வெளியே கேட்காமல் இருக்க தொலைக்காட்சியின் ஒலியை அதிகமாக வைத்துவிட்டு, அம்மிக்கல்லால் தாக்கி கொலை செய்ததாக விசாரணையில் தெரியவந்துள்ளது. இந்தக் குற்றச்சாட்டுகள் தொடர்பாக போலீசார் தொடர்ந்து விசாரணை நடத்தி வருகின்றனர்.
உடல்களை வெவ்வேறு இடங்களில் வீசியதாக விசாரணையில் தகவல்
கொலை செய்யப்பட்டவர்களின் உடல்களை பிளாஸ்டிக் கவர்கள் மற்றும் சாக்குப் பைகளில் பல அடுக்குகளாகச் சுற்றி, தனது காரில் எடுத்துச் சென்று பல்வேறு இடங்களில் வீசியயுள்ளார். உயிரிழந்த பெண்களின் தங்க நகைகளையும் எடுத்துச் சென்று விற்றதாக போலீசார் விசாரித்து வருகின்றனர்.
பெற்றோரை இழந்த சிறுவன் ஒருவரிடம், அவர்கள் ஆன்மிகப் பயணம் சென்றுள்ளதாகக் கூறி காரிலேயே வைத்து ஏமாற்றியுள்ளார் . தமிழகத்தின் சேலம் வனப்பகுதி உள்ளிட்ட இடங்களில் இதுவரை மூன்று உடல்கள் மீட்கப்பட்டுள்ளன. மற்ற உடல்களைத் தேடும் பணி தொடர்ந்து நடைபெற்று வருகிறது.
சொத்து தகராறு காரணமா? மகளிடமும் விசாரணை
சுமார் 20 ஆண்டுகளாக நீடித்த குடும்பத் தகராறு, மனைவியின் குடும்பத்தினர் மீதான பகை மற்றும் சுமார் ரூ.3 கோடி மதிப்பிலான சொத்து தொடர்பான பிரச்சினைகள் கொலைக்குக் காரணமாக இருக்கலாம் என போலீசார் சந்தேகிக்கின்றனர். இருப்பினும், விசாரணை முடிவில்தான் முழுமையான காரணம் தெரியவரும்.
மேலும், உடல்களை அப்புறப்படுத்துவதிலும் உறவினர்களை வரவழைப்பதிலும் இந்துசேகரின் 17 வயது மகளுக்குத் தொடர்பு உள்ளதா என்ற கோணத்திலும் போலீசார் விசாரித்து வருகின்றனர். ஏழு பேர் கொலை செய்யப்பட்ட வழக்கு கர்நாடகாவில் பெரும் அதிர்ச்சியை ஏற்படுத்தியுள்ளது.
இதையும் படிங்க: ஐயோ அம்மா.. வலிக்குது! ஓடும் காரில் புகுந்து தேனீக்கள் நடத்திய கொடூர தாக்குதல்..! அலறி துடித்த பள்ளி குழந்தைகள்... பகீர் வீடியோ..!!!
