ஐயோ அம்மா.. வலிக்குது! ஓடும் காரில் புகுந்து தேனீக்கள் நடத்திய கொடூர தாக்குதல்..! அலறி துடித்த பள்ளி குழந்தைகள்... பகீர் வீடியோ..!!!

பள்ளிக்குச் சென்று கொண்டிருந்த குழந்தைகள் பயணித்த வாகனத்துக்குள் திடீரென தேனீக்கள் கூட்டமாகப் புகுந்து தாக்குதல் நடத்தியது. திறந்திருந்த ஜன்னல்கள் வழியாக உள்ளே நுழைந்த தேனீக்கள் குழந்தைகளைக் கொட்டியதால், அவர்கள் அலறித் துடித்தனர். இதையடுத்து ஓட்டுநர் வாகனத்தை நிறுத்தியதும், குழந்தைகள் உயிர் பிழைக்க வெளியே ஓடிய காட்சிகள் பரபரப்பை ஏற்படுத்தியுள்ளன.

வாகனத்துக்குள் புகுந்த தேனீக்கள்

வழக்கம்போல் குழந்தைகள் பள்ளிக்குச் சென்று கொண்டிருந்தபோது, சாலையில் நகர்ந்து கொண்டிருந்த வாகனத்தைத் திடீரென தேனீக்கள் சூழ்ந்தன. திறந்திருந்த ஜன்னல்கள் வழியாக உள்ளே புகுந்த அவை, குழந்தைகளைக் கொட்டத் தொடங்கின. எதிர்பாராத தாக்குதலால் வலி தாங்க முடியாமல் குழந்தைகள் கூச்சலிட்டனர்.

இதையும் படிங்க: 26 நாட்களாக நீடிக்கும் மர்மம்! 10 தனிப்படைகள், சிபிசிஐடி விசாரணை... மேல்மலையனூர் கோவிலில் மடிப்பிச்சை ஏந்தி கதறி அழும் தாய்! செஞ்சி சிறுமி வழக்கில் உள்ள மர்மம்..!!!

புகை போட்டு தேனீக்களை விரட்டிய பொதுமக்கள்

நிலைமையை உணர்ந்த ஓட்டுநர் உடனடியாக வாகனத்தை நிறுத்தினார். குழந்தைகள் கீழே இறங்கியதும், தேனீக்களிடம் இருந்து தப்பிக்க நாலாபுறமும் ஓடினர். இதற்கிடையே அங்கு வந்த பொதுமக்கள், குழந்தைகளுக்கு உதவினர். வாகனத்தைச் சுற்றி மொய்த்த தேனீக்களைப் புகை போட்டு விரட்டும் முயற்சியிலும் ஈடுபட்டனர். காயமடைந்த குழந்தைகளுக்கு முதலுதவியும் அளித்தனர்.

மருத்துவமனையில் குழந்தைகளுக்குச் சிகிச்சை

தேனீக்கள் கொட்டியதில் காயமடைந்த குழந்தைகள் உடனடியாக அருகிலுள்ள மருத்துவமனைக்குக் கொண்டு செல்லப்பட்டு சிகிச்சை அளிக்கப்பட்டது. இதற்கிடையே, குழந்தைகள் வாகனத்திலிருந்து அலறியபடி வெளியே ஓடும் காட்சிகள் சமூக வலைத்தளங்களில் வெளியாகி வருகின்றன. இந்தத் தாக்குதல் எந்தப் பகுதியில் நடந்தது, எத்தனை குழந்தைகள் பாதிக்கப்பட்டனர் என்பது குறித்த விவரங்கள் தெரியவில்லை.

இதையும் படிங்க: திடீரென காணாமல் போன 7 வயது சிறுவன்! அலறிய பெற்றோர்... புதர்க்காடு, பாழடைந்த வீடுகளில் தேடிய போலீசுக்கு காத்திருந்த அதிர்ச்சி..!!!