வாயில்லாத ஜீவன் என்ன பாவம் பண்ணுச்சு! கோவில் திருவிழாவிற்கு வந்த குதிரைகள்! வாளியில் இருந்த தண்ணீரை குடித்து.. இறுதியில் நடந்த அதிர்ச்சி!

ஈரோடு மாவட்டம் அந்தியூர் பகுதியில் நடைபெறவுள்ள தேர் திருவிழாவை முன்னிட்டு பரபரப்பான ஏற்பாடுகள் நடக்கின்றன. ஆனால் விழாவை ஒட்டிய சோகமான நிகழ்வு அந்தியூரை உலுக்கியுள்ளது.

குதிரை சந்தைக்கு பல மாநிலங்களிலிருந்து வரத்து

அந்தியூர் அருகே உள்ள குருநாதசாமி கோவிலில் ஆகஸ்ட் 13 முதல் 16 வரை தேர்த் திருவிழா நடைபெற உள்ளது. இதையொட்டி அப்பகுதியில் மாடு மற்றும் குதிரை சந்தைகள் உள்ளிட்ட பரந்த அளவிலான சந்தைகள் அமைக்கப்பட்டுள்ளன. விழாவை முன்னிட்டு கேரளா, கர்நாடகா, மகாராஷ்டிரா போன்ற மாநிலங்களிலிருந்து பல்வேறு வகையான குதிரைகள் சந்தைக்கு வந்துள்ளன.

யூரியா கலந்த தண்ணீரால் 6 குதிரைகள் உயிரிழப்பு

கர்நாடகாவிலிருந்து வந்த குதிரைகளை பைரஸ் என்ற நபர் கவனித்துவருகிறார். நேற்று இரவு அவர் குதிரைகளுக்கு தண்ணீர் வைப்பதற்காக ஒரு வாளியில் தண்ணீர் எடுத்துள்ளார். ஆனால் அந்த வாளியில் வயலுக்குத் தெளிக்க யூரியா கலந்திருந்தது என்பது அவருக்கு தெரியாமல் போனது. அதனை குடித்த 6 குதிரைகள் மயங்கி விழுந்து, பின்னர் உயிரிழந்தன.

இதையும் படிங்க: அதிர்ச்சி! கிணற்றில் மிதந்த அடையாளம் தெரியாத ஆணின் உடல்! உடல் பாகங்கள் சில காணவில்லை! சிவகங்கையில் பரபரப்பு...

மக்கள் மனதில் சோகத்தையும் அதிர்ச்சியையும் ஏற்படுத்தியது

மற்ற குதிரைகள் வெவ்வேறு வாளிகளில் இருந்த தண்ணீரைக் குடித்ததால் அவற்றுக்கு எந்த பாதிப்பும் ஏற்படவில்லை. விழாவுக்காக கொண்டு வரப்பட்ட குதிரைகள் இவ்வாறு திடீரென உயிரிழந்த சம்பவம் அந்தியூர் மக்களிடம் பெரும் சோகத்தையும் அதிர்ச்சியையும் ஏற்படுத்தியுள்ளது.

பல்வேறு மாநிலங்களிலிருந்து கொண்டுவரப்பட்ட குதிரைகளின் ஆற்றலான நடனம் மக்கள் பார்வையை கவரும் முக்கிய நிகழ்வாக இருந்தது. ஆனால் இந்த துயர சம்பவம், எதிர்பார்க்காத வகையில் விழாவின் பரபரப்பை மந்தமாக்கியுள்ளது.

இதையும் படிங்க: வீடு முழுக்க 20-க்கும் மேற்பட்ட மனித எலும்புகள்! பெண்களை குறி வைத்து கொடூரமாக கொல்லும் சீரியல் கில்லர்! கேரளாவில் திடுக்கிடும் சம்பவம்...