பெரிய சிக்கலில் சிக்கிய CM விஜய்…! விஜய்க்கு எதிராக தீர்ப்பு வந்தால் முதல்வர் பதவிக்கே ஆப்பு? அடுத்த முதலமைச்சர் யார்? புயலைக் கிளப்பும் புது வழக்கு...!!!
விஜய் தாக்கல் செய்த தேர்தல் அஃபிடவிட்களில் முரண்பாடுகள் இருப்பதாக தொடரப்பட்ட வழக்குகள் நிலுவையில் உள்ள நிலையில், அவரது பதவிக்கு சிக்கல் ஏற்படுமா என்ற கேள்வி எழுந்துள்ளது.
by
தமிழக முதலமைச்சரும், தமிழக வெற்றிக் கழகத் தலைவருமான விஜய்யின் தேர்தல் அஃபிடவிட்கள் தொடர்பான வழக்குகள் சென்னை உயர் நீதிமன்றத்தில் நிலுவையில் உள்ளன. பெரம்பூர், திருச்சி கிழக்கு தொகுதிகளில் அவர் தாக்கல் செய்த ஆவணங்களில் முரண்பாடுகள் இருப்பதாக வழக்குகள் தொடரப்பட்டுள்ளன. இந்த வழக்குகளில் தீர்ப்பு அவருக்கு எதிராக வந்தால், அவரது எம்.எல்.ஏ. பதவிக்கும், முதலமைச்சர் பதவிக்கும் சிக்கல் ஏற்படுமா என்ற கேள்வி அரசியல் வட்டாரத்தில் எழுந்துள்ளது.
தேர்தல் அஃபிடவிட்களில் முரண்பாடு?
நடந்து முடிந்த சட்டப்பேரவைத் தேர்தலில் பெரம்பூர் மற்றும் திருச்சி கிழக்கு ஆகிய இரு தொகுதிகளில் விஜய் போட்டியிட்டார். அப்போது அவர் தாக்கல் செய்த தேர்தல் அஃபிடவிட்களில் சொத்து விவரங்கள் மற்றும் வழக்குகள் தொடர்பாக முரண்பாடுகள் இருப்பதாகக் கூறி நீதிமன்றத்தில் வழக்குகள் தொடரப்பட்டன. இந்த வழக்குகள் தற்போது சென்னை உயர் நீதிமன்றத்தின் பரிசீலனையில் உள்ளன.
இதையும் படிங்க: அம்மா ஜெயலலிதா பாணியை கையில் எடுத்த CM விஜய்! ஆட்சி மாறியது திமுகவுக்கு அடுக்கடுக்காக விழும் அடி.... ஸ்தம்பித்த தலைமைச் செயலக வட்டாரம்!!!
விஜய்க்கு எதிராக தீர்ப்பு வந்தால் என்ன ஆகும்?
இந்த வழக்குகளில் நீதிமன்றம் விஜய்க்கு எதிராகத் தீர்ப்பளிக்கும் பட்சத்தில், மக்கள் பிரதிநிதித்துவச் சட்டத்தின் கீழ் அவரது சட்டமன்ற உறுப்பினர் தகுதி பாதிக்கப்பட வாய்ப்புள்ளதாக அரசியல் விமர்சகர்கள் கூறுகின்றனர். எம்.எல்.ஏ. பதவியை இழக்கும் சூழல் உருவானால், அதனுடன் முதலமைச்சர் பதவியையும் அவர் தொடர முடியுமா என்பது முக்கிய கேள்வியாக மாறும்.
அடுத்த முதலமைச்சர் யார்? தவெக வட்டாரத்தில் பரபரப்பு
ஒருவேளை விஜய் பதவியை இழக்கும் நிலை ஏற்பட்டால், தவெகவின் முக்கியத் தலைவர்களான ஆதவ் அர்ஜுனா அல்லது என். ஆனந்த் ஆகியோரில் ஒருவர் முதலமைச்சராகத் தேர்வு செய்யப்படலாம் என்ற பேச்சும் அரசியல் வட்டாரத்தில் நிலவி வருகிறது. ஆனால், இது தற்போதைய நிலையில் அரசியல் கணிப்பாக மட்டுமே உள்ளது. சென்னை உயர் நீதிமன்றம் வழங்கும் இறுதித் தீர்ப்பே விஜய்யின் அரசியல் மற்றும் ஆட்சி அதிகாரத்தின் அடுத்த கட்டத்தைத் தீர்மானிக்கும்.
இதையும் படிங்க: BREAKING: சற்று முன்... அதிமுக- விலிருந்து விலகிய முக்கிய புள்ளி! அடுத்த அதிர்ச்சியில் எடப்பாடி...!!!
