BREAKING: திண்டுக்கல்லில் தவெக கட்சியினரிடையே வெடித்த மோதல்..! பெண்கள் கொந்தளிப்பால் உச்சக்கட்ட பரபரப்பு..!!!
திண்டுக்கல்லில் அமைச்சர் விக்னேஷை சந்திக்கும் விவகாரத்தில் TVK மாவட்ட செயலாளர் தர்மராஜை எதிர்த்து நிர்வாகிகள் போராட்டத்தில் ஈடுபட்டதால் கட்சிக்குள் பரபரப்பு ஏற்பட்டுள்ளது.
by
திண்டுக்கல்லில் வளர்ச்சிப் பணிகளை ஆய்வு செய்ய வந்த அமைச்சர் விக்னேஷ் முன்னிலையில் தமிழக வெற்றிக் கழகத்தில் உட்கட்சி மோதல் வெடித்துள்ளது. அமைச்சர் சந்திப்பில் சிலருக்கு மட்டுமே வாய்ப்பு வழங்கப்பட்டதாக எழுந்த குற்றச்சாட்டு, கட்சி நிர்வாகிகள் மத்தியில் கடும் அதிருப்தியை ஏற்படுத்தியுள்ளது.
குறிப்பாக, TVK மாவட்ட செயலாளர் தர்மராஜ் தனக்கு நெருக்கமானவர்களை மட்டுமே அமைச்சர் சந்திப்பிற்கு அழைத்துச் சென்றதாக கூறப்படுகிறது. இதனால் பல நிர்வாகிகள் அதிருப்தி அடைந்ததாக தகவல்கள் தெரிவிக்கின்றன.
இதையும் படிங்க: அங்க போன பிரச்சனை வரும்! திமுக பக்கம் திசை திருப்பிய சி.விஜயபாஸ்கர்..... புதுக்கோட்டையில் அரங்கேறப்போகும் அரசியல்...!!!
வேட்பாளருக்கே அனுமதி மறுக்கப்பட்டதாக குற்றச்சாட்டு
கட்சியின் அதிகாரப்பூர்வ வேட்பாளருக்குக் கூட அமைச்சர் சந்திப்பில் பங்கேற்க அனுமதி வழங்கப்படவில்லை என்ற குற்றச்சாட்டு எழுந்துள்ளது. இதையடுத்து, அங்கு திரண்டிருந்த நிர்வாகிகள் தர்மராஜின் செயல்பாடுகளுக்கு எதிராக கடும் எதிர்ப்பை பதிவு செய்தனர்.
மாவட்ட செயலாளர் பதவியில் இருந்து அவரை மாற்ற வேண்டும் என வலியுறுத்தி கோஷங்களும் எழுப்பப்பட்டதாக கூறப்படுகிறது.
நிர்வாகிகள் இடையே நேரடி மோதல்
போராட்டம் தீவிரமடைந்த நிலையில், நிர்வாகிகள் இடையே வாக்குவாதம் ஏற்பட்டது. அதன்பின் இரு தரப்பினருக்கும் இடையே கடும் மோதல் நிலவியதால் அந்தப் பகுதியில் பதற்றமான சூழல் உருவானது.
அமைச்சரின் வருகையை முன்னிட்டு ஏற்பாடு செய்யப்பட்ட நிகழ்விலேயே இந்த பிரச்சனை வெளிப்படையாக வெடித்தது பலரின் கவனத்தை ஈர்த்துள்ளது.
கட்சித் தலைமைக்கு புதிய சவால்
திண்டுக்கல் மாவட்டத்திற்கு முதல் முறையாக வந்திருந்த அமைச்சரின் முன்னிலையிலேயே இந்த உட்கட்சி மோதல் அரங்கேறியிருப்பது TVK வட்டாரத்தில் பேசுபொருளாகியுள்ளது. மாவட்ட நிர்வாக அமைப்பில் நிலவும் அதிருப்தி வெளிப்பட்டிருப்பதால், கட்சித் தலைமை இந்த விவகாரத்தை தீவிரமாக கவனித்து வருவதாக கூறப்படுகிறது.
உட்கட்சி ஒற்றுமையை பேணுவதற்கும், நிர்வாகிகளின் அதிருப்தியை சமாளிப்பதற்கும் தலைமை என்ன நடவடிக்கை எடுக்கப் போகிறது என்பது தற்போது அரசியல் வட்டாரங்களில் எதிர்பார்ப்பை ஏற்படுத்தியுள்ளது.
இதையும் படிங்க: முதல்வர் விஜய்யின் பேனர்கள் கிழிப்பு.... தவெகவில் வெடித்தது சண்டை! அரசியல் வட்டாரத்தில் பரபரப்பு..!!!
