முதல்வர் விஜய்யின் பேனர்கள் கிழிப்பு.... தவெகவில் வெடித்தது சண்டை! அரசியல் வட்டாரத்தில் பரபரப்பு..!!!

கோவை மாவட்டம் பொள்ளாச்சி அருகே உள்ள கோட்டூர் பகுதியில் தமிழக வெற்றிக் கழகத்தின் (தவெக) ஆலோசனை கூட்டத்தின்போது ஏற்பட்ட உள்கட்சி மோதல் பரபரப்பை ஏற்படுத்தியுள்ளது. கூட்டத்தில் பங்கேற்ற இரு தரப்பினருக்கிடையே ஏற்பட்ட வாக்குவாதம் முற்றிய நிலையில், கட்சித் தலைவர் விஜய்யின் பேனர்கள் கிழித்து அகற்றப்பட்டதாக கூறப்படுகிறது.

இந்த சம்பவம் அப்பகுதி தவெக நிர்வாகிகள் மற்றும் தொண்டர்கள் மத்தியில் அதிருப்தியை ஏற்படுத்தியுள்ளதுடன், சமூக வலைத்தளங்களிலும் பேசுபொருளாக மாறியுள்ளது.

இதையும் படிங்க: தலையை வெட்டி வீசுடுவேன்... தவெக மாவட்டச் செயலாளரின் பகிரங்க மிரட்டல்! வைரலாகும் மிரட்டல் வீடியோவால் தலைமை நடவடிக்கை எடுக்குமா..?

ஆலோசனை கூட்டத்தில் ஏற்பட்ட மோதல்

கோட்டூரில் நடைபெற்ற கட்சி ஆலோசனை கூட்டத்தில், நிர்வாக பொறுப்புகள் மற்றும் கட்சி செயல்பாடுகள் தொடர்பாக இரு பிரிவினருக்கிடையே கருத்து வேறுபாடு ஏற்பட்டதாக தகவல்கள் தெரிவிக்கின்றன. ஆரம்பத்தில் வாக்குவாதமாக தொடங்கிய விவாதம், பின்னர் கடுமையான மோதலாக மாறியதாக கூறப்படுகிறது.

இதையடுத்து அங்கு வைக்கப்பட்டிருந்த விஜய்யின் பிளெக்ஸ் பேனர்கள் சிலர் மூலம் அகற்றப்பட்டதாகவும், சில பேனர்கள் சேதப்படுத்தப்பட்டதாகவும் தகவல் வெளியாகியுள்ளது.

அடிமட்ட நிர்வாகிகளின் அதிருப்தி

விஜய் ரசிகர் மன்றம், விஜய் மக்கள் இயக்கம் மற்றும் தற்போது தவெக என பல்வேறு கட்டங்களில் நீண்ட காலமாக பணியாற்றி வந்தவர்கள் தங்களுக்கு உரிய அங்கீகாரம் கிடைக்கவில்லை என்று குற்றம்சாட்டியுள்ளனர்.

கட்சியின் ஆரம்ப காலங்களில் இருந்து செயல்பட்டு வந்த நிர்வாகிகள் புறக்கணிக்கப்படுவதாகவும், பிற கட்சிகளில் இருந்து புதிதாக இணையும் நபர்களுக்கு அதிக முக்கியத்துவம் வழங்கப்படுவதாகவும் அவர்கள் வேதனை தெரிவித்துள்ளனர்.

அரசியல் வட்டாரத்தில் கவனம்

சமீப காலமாக கட்சியின் அமைப்பு விரிவாக்கப் பணிகள் தீவிரமாக நடைபெற்று வரும் நிலையில், கோட்டூரில் நடந்த இந்த சம்பவம் அரசியல் வட்டாரத்தின் கவனத்தை ஈர்த்துள்ளது. உள்கட்சி அதிருப்தி தொடர்பாக கட்சி தலைமையகம் ஏதேனும் நடவடிக்கை எடுக்குமா என்ற எதிர்பார்ப்பும் எழுந்துள்ளது.

இதையும் படிங்க: தொடர் விலகளால் தத்தளிக்கும் தாமரை கட்சி...! பாஜகவின் மாநில செயலாளர் சுமதி வெங்கடேசன் திடீர் ராஜினாமா! பரபரக்கும் அரசியல் களம்..!!!