திருச்சி கிழக்கில் தவெகவின் அரசியல் வியூகம்! திரிஷாவா... இல்ல ஜான் ஆரோக்கியசாமியா? அன்பில் மகேஷிற்கு செக் வைக்க தவெக போட்ட மாஸ்டர் பிளான்..!!!

திருச்சி கிழக்கு தொகுதி இடைத்தேர்தலைச் சுற்றிய அரசியல் எதிர்பார்ப்பு இப்போதே அதிகரிக்கத் தொடங்கியுள்ளது. தமிழக வெற்றிக் கழகம் இந்தத் தொகுதியில் வலுவான வேட்பாளரை நிறுத்தத் திட்டமிட்டு வருவதாகக் கூறப்படுகிறது. கட்சியின் முக்கிய நிர்வாகி ஜான் ஆரோக்கியசாமி அல்லது நடிகை த்ரிஷா ஆகியோரில் ஒருவருக்கு வாய்ப்பு கிடைக்குமா என்ற கேள்வியும் எழுந்துள்ளது.

திருச்சி கிழக்கில் தவெக வியூகம்

தமிழகத்தில் திருச்சி கிழக்கு, விராலிமலை, கரூர், பெருந்துறை, அம்பாசமுத்திரம் ஆகிய ஐந்து தொகுதிகளுக்கு இடைத்தேர்தல், அதற்கான அறிவிப்பு டிசம்பர் மூன்றாவது வாரத்தில் வெளியாக வாய்ப்புள்ளதாகவும் அரசியல் வட்டாரங்களில் பேசப்படுகிறது. மற்ற தொகுதிகளில் அண்மையில் மாற்றுக் கட்சிகளில் இருந்து தவெகவில் இணைந்தவர்களுக்கு வாய்ப்பு அளிக்கப்படலாம் என்ற தகவல் வெளியாகியுள்ளது.

இதையும் படிங்க: மீண்டும் மீண்டுமா..? விஜய்யும் த்ரிஷாவும் இந்த அளவுக்கு ஒண்ணாவா... ஜெகன் மோகன் ரெட்டி திருமணத்தில் நடந்த அந்த ஒரு சம்பவம்! வைரல் வீடியோ..!!!

ஆனால், விஜய் வெற்றி பெற்ற திருச்சி கிழக்கு தொகுதியை கட்சி முக்கியத்துவம் வாய்ந்ததாகக் கருதுவதாகக் கூறப்படுகிறது. அதனால், இங்கு கட்சியின் முன்னணி நிர்வாகிகளில் ஒருவரை நிறுத்த வேண்டும் என்ற ஆலோசனை நடைபெற்று வருவதாக தகவல்கள் தெரிவிக்கின்றன.

ஜான் ஆரோக்கியசாமி, த்ரிஷா பெயர்கள் பரிசீலனையா?

திருச்சி கிழக்கில் திமுக தரப்பில் முன்னாள் அமைச்சர்கள் அன்பில் மகேஷ், கே.என்.நேரு ஆகியோரின் தேர்தல் வியூகங்கள் முக்கியத்துவம் பெறும் என எதிர்பார்க்கப்படுகிறது. இதனால் தவெக வலுவான வேட்பாளரைத் தேர்வு செய்ய வேண்டிய சூழல் உருவாகியுள்ளது. குப. கிருஷ்ணன், வெல்லமண்டி நடராஜன் உள்ளிட்ட மூத்த தலைவர்களும் போட்டியிட ஆர்வம் காட்டுவதாகக் கூறப்படுகிறது. இருப்பினும், அதிமுகவில் இருந்து வந்தவர்களுக்கு வாய்ப்பு வழங்குவது கட்சிக்குள் சிக்கலை ஏற்படுத்தலாம் என்ற கருத்தும் நிலவுகிறது.

இந்த நிலையில், தவெகவின் முக்கிய நிர்வாகியான ஜான் ஆரோக்கியசாமியின் பெயர் வேட்பாளர் பட்டியலில் முன்னிலையில் இருப்பதாக அரசியல் வட்டாரங்கள் தெரிவிக்கின்றன. அதே நேரத்தில், அண்மையில் கோவையில் நடிகை த்ரிஷா நடத்திய ரோடு ஷோவும், அவருக்கு அளிக்கப்பட்ட பாதுகாப்பும் அரசியல் கவனத்தை ஈர்த்துள்ளன. இதனால் த்ரிஷாவை அரசியலில் அறிமுகப்படுத்தும் முயற்சியா என்ற விவாதமும் எழுந்துள்ளது. திருச்சி கிழக்கில் அவரும் சாத்தியமான வேட்பாளராகப் பேசப்படுகிறார்.

திமுக வியூகத்துக்கு ஈடுகொடுக்க தவெக திட்டம்

திமுக தரப்பில் மு.க.ஸ்டாலின் நேரடியாகத் தேர்தல் வியூகங்களை வகுத்தால் போட்டி மேலும் கடுமையாகலாம் என தவெக கணிப்பதாகக் கூறப்படுகிறது. எனவே, திருச்சி கிழக்கைத் தக்கவைத்துக் கொள்ளும் நோக்கில் வேட்பாளர் தேர்வில் கூடுதல் கவனம் செலுத்தப்படுவதாகத் தெரிகிறது.

ஜான் ஆரோக்கியசாமியா, நடிகை த்ரிஷாவா அல்லது வேறு முக்கிய நிர்வாகியா என்பது இன்னும் உறுதியாகவில்லை. இடைத்தேர்தல் அறிவிப்பு வெளியான பிறகே வேட்பாளர் குறித்த தெளிவான முடிவு தெரியவரும். அதுவரை திருச்சி கிழக்கு தொகுதியின் தவெக வேட்பாளர் யார் என்ற எதிர்பார்ப்பு அரசியல் வட்டாரங்களில் தொடரும்.

இதையும் படிங்க: தென் மாவட்டங்களில் ஆதிக்கத்தை தொடர அனிதா ராதாகிருஷ்ணன் எடுத்த அதிரடி முடிவு! அதிர்ச்சியில் அறிவாலயம்..!!!