தென் மாவட்டங்களில் ஆதிக்கத்தை தொடர அனிதா ராதாகிருஷ்ணன் எடுத்த அதிரடி முடிவு! அதிர்ச்சியில் அறிவாலயம்..!!!

சொத்துக் குவிப்பு வழக்கில் இருந்து விடுவிக்கப்பட்ட முன்னாள் அமைச்சர் அனிதா ராதாகிருஷ்ணன், திமுகவில் மீண்டும் தனது செல்வாக்கை நிலைநாட்ட முயற்சி செய்து வருவதாகத் தகவல்கள் வெளியாகியுள்ளன. இதற்காக திமுக தலைவர் மு.க.ஸ்டாலினை நேரில் சந்தித்துப் பேச அவர் திட்டமிட்டுள்ளதாகக் கூறப்படுகிறது. கட்சியில் முக்கியப் பொறுப்பு பெறுவதுடன், தூத்துக்குடி தெற்கு மாவட்ட நிர்வாகத்திலும் தனது ஆதிக்கத்தைத் தொடர அவர் காய்நகர்த்தி வருவதாக அரசியல் வட்டாரங்கள் தெரிவிக்கின்றன.

மாவட்டச் செயலாளர் பதவியைத் தக்கவைக்க முயற்சி

தற்போது தூத்துக்குடி தெற்கு மாவட்டச் செயலாளராக இருக்கும் அனிதா ராதாகிருஷ்ணன், 70 வயதைக் கடந்துள்ள நிலையில், திமுகவின் அமைப்பு மறுசீரமைப்பின்போது தனது பதவிக்கு மாற்றம் வந்துவிடுமோ என்ற தயக்கத்தில் இருந்ததாகக் கூறப்படுகிறது. இதற்கிடையே, துணைப் பொதுச்செயலாளர் பொறுப்பைப் பெறுவதற்காக மூத்த தலைவர் கே.என்.நேரு உள்ளிட்டோர் மூலம் முயற்சி மேற்கொண்டதாகவும், ஆனால் அதற்கு சாதகமான பதில் கிடைக்கவில்லை என்றும் தகவல்கள் தெரிவிக்கின்றன.

இதையும் படிங்க: திட்டம்போட்டு காய் நகர்த்தும் திமுக..! கனிமொழிக்கு முக்கிய பதவி.... நவ.15-க்குப் பிறகு திமுகவில் நடக்கப் போகும் நிர்வாக மாற்றம்!!!

இந்தச் சூழலில், சொத்துக் குவிப்பு வழக்கில் இருந்து விடுவிக்கப்பட்டது அவருக்கு புதிய அரசியல் உற்சாகத்தை அளித்துள்ளதாகக் கூறப்படுகிறது. இதையடுத்து, கட்சித் தலைமையை நேரடியாகச் சந்தித்து தனது எதிர்கால அரசியல் திட்டங்கள் குறித்து பேச முடிவு செய்துள்ளதாகத் தெரிகிறது.

திருச்செந்தூர் பகுதியில் ஆதரவாளர்களுக்குப் பதவி கிடைக்குமா?

திருச்செந்தூர் தொகுதியை மையமாகக் கொண்டு திமுகவில் அடுத்தகட்ட நிர்வாகப் பொறுப்புகள் குறித்த விவாதம் எழுந்துள்ளது. அனிதா ராதாகிருஷ்ணனின் ஆதரவாளருக்கு முக்கியப் பொறுப்பு வழங்கப்படுமா அல்லது கனிமொழி தரப்பைச் சேர்ந்தவருக்கு வாய்ப்பு கிடைக்குமா என்ற எதிர்பார்ப்பு கட்சியினர் மத்தியில் நிலவுகிறது.

இதனால், தூத்துக்குடி தெற்கு மாவட்டச் செயலாளர் பொறுப்பைத் தனது ஆதரவாளருக்கு வழங்க வேண்டும் என்றும், கட்சியின் உயர்மட்ட நிர்வாகத்தில் தனக்கான இடத்தை உறுதி செய்ய வேண்டும் என்றும் ஸ்டாலினிடம் கோரிக்கை வைக்க அனிதா ராதாகிருஷ்ணன் திட்டமிட்டுள்ளதாகக் கூறப்படுகிறது.

அம்பாசமுத்திரம் இடைத்தேர்தல் பொறுப்புக்கும் குறி

இதற்கிடையே, அம்பாசமுத்திரம் தொகுதி இடைத்தேர்தல் பொறுப்பைப் பெறுவதிலும் அவர் ஆர்வம் காட்டி வருவதாகத் தகவல்கள் பரவுகின்றன. அந்தப் பொறுப்பை ஏற்று திமுக வேட்பாளரின் வெற்றிக்காகப் பணியாற்றுவதன் மூலம், கட்சித் தலைமையிடம் தனது செல்வாக்கை நிரூபிக்கலாம் என அவர் கருதுவதாக அரசியல் வட்டாரங்கள் கூறுகின்றன. இதன் மூலம் துணைப் பொதுச்செயலாளர் போன்ற முக்கியப் பொறுப்பைப் பெறுவதே அவரது அடுத்தகட்ட இலக்காக இருக்கலாம் என்றும் பேசப்படுகிறது. 

இதையும் படிங்க: திமுக எடுக்கும் புது விஸ்வரூபம்...! ஆட்டத்தை ஆட ஆரம்பிக்கும் கனிமொழி.. முதன்முறையாக திமுகவில் வரப்போகும் அந்த வரலாற்று மாற்றம்! ஸ்டாலின் எடுத்த முடிவால் அதிரும் அறிவாலயம்..!!!