இது சாதி புத்தியின் வெளிப்பாடு... மேடையில் பேசிய திருமாவளவன் வெளியிட்ட பகீர் உண்மை.!!!

சென்னையில் நடைபெற்ற பொதுநிகழ்ச்சியில் பேசிய தொல்.திருமாவளவன், தன்னைச் சுற்றி பரப்பப்படும் சாதி அடிப்படையிலான வதந்திகளுக்கு கடுமையாக பதிலளித்தார். தமிழக டிஜிபி மற்றும் டிவிஏசி அதிகாரிகள் தனது பரிந்துரையின்படி நியமிக்கப்பட்டதாக கூறப்படுவது முற்றிலும் தவறான தகவல் என்றும் அவர் தெரிவித்தார்.

“சாதி புத்தியின் வெளிப்பாடு” என விமர்சனம்

குறிப்பிட்ட அதிகாரிகள் தலித் சமூகத்தைச் சேர்ந்தவர்கள் என்பதற்காக மட்டுமே, அவர்களின் நியமனத்தை தன்னுடன் தொடர்புபடுத்துவது தவறான அணுகுமுறை என்று திருமாவளவன் கூறினார். “ஒரு அதிகாரி தலித் சமூகத்தைச் சேர்ந்தவர் என்பதால் அவரை நான்தான் பரிந்துரைத்தேன் என்று கூறுவது சாதி புத்தியின் வெளிப்பாடு. கடந்த 40 ஆண்டுகால பொது வாழ்வில் எந்த அதிகாரியையும் அவர்களின் சாதி அடிப்படையில் நான் அணுகியதோ, அறிந்துகொள்ள முயன்றதோ இல்லை” என்று அவர் தெரிவித்தார்.

இதையும் படிங்க: BREAKING: சற்று முன்....திருமாவளவன் திடீரென பின்வங்கினார்! முடிவை மாற்றியதால் அரசியலில் புதிய பரபரப்பு.!!!

விசிக செயல்பாடு குறித்து விளக்கம்

தொடர்ந்து பேசிய அவர், விடுதலைச் சிறுத்தைகள் கட்சி சாதாரண தொண்டர்கள் மற்றும் உழைக்கும் மக்களின் ஆதரவோடு இயங்கி வருவதாகக் கூறினார். மற்ற அரசியல் கட்சிகளைப் போல ஓய்வுபெற்ற ஐஏஎஸ் அல்லது ஐபிஎஸ் அதிகாரிகள் பின்னணியில் இருந்து ஆலோசனை வழங்குவதோ, அறிக்கைகள் தயாரிப்பதோ இல்லை என்றும், மக்களின் தேவைகளுக்காகவே தங்களது இயக்கம் செயல்படுகிறது என்றும் விளக்கமளித்தார்.

முதலமைச்சர் பதவி குறித்து பதில்

“நீங்கள் ஏன் முதலமைச்சராக ஆசைப்படவில்லை?” என்ற கேள்வி பல ஆண்டுகளாக தன்னிடம் எழுப்பப்பட்டு வருவதாக குறிப்பிட்ட திருமாவளவன், அதற்கு மக்களே சரியான நேரத்தில் முடிவு எடுப்பார்கள் என்றார். “மக்கள் இந்த திருமாவளவனுக்கு அந்த தகுதி இருக்கிறது என்று கருதும் நாள் வந்தால் அது நடைபெறும். அதுவரை மக்களுக்காக உழைப்பதே என் கடமை. என்னை நானே ஒரு பிராண்டாக முன்னிறுத்திக் கொள்ள விரும்பவில்லை” என்று கூறி தனது உரையை நிறைவு செய்தார்.

இதையும் படிங்க: BREAKING: விசிக கட்சி 100% தேர்தல் களத்தில் போட்டியிடாது...! காலையிலேயே திருமாவளவன் பரபரப்பு அறிவிப்பு.!!!