திடீர் ட்விஸ்ட்...! 3 அமைச்சர்களை சுழற்றி அடிக்கும் CM விஜய்...! அமைச்சரவையில் உள்ளே வரும் அந்த ஒரு முக்கிய புள்ளி...!!!
தாராபுரம், மதுராந்தகம் இடைத்தேர்தல் பரபரப்புக்கு மத்தியில் தமிழக அமைச்சரவையில் மாற்றம் செய்யப்படலாம் என்ற தகவல் அரசியல் வட்டாரத்தில் பேசுபொருளாகியுள்ளது.
by
தாராபுரம், மதுராந்தகம் தொகுதிகளுக்கான இடைத்தேர்தல் பிரசாரம் தீவிரமடைந்துள்ள நிலையில், தமிழக அமைச்சரவையில் மாற்றம் செய்யப்படலாம் என்ற தகவல் அரசியல் வட்டாரத்தில் பரபரப்பை ஏற்படுத்தியுள்ளது. அமைச்சர்களின் இலாகாக்கள் மாற்றப்படுவதுடன், சிலர் பதவியில் இருந்து நீக்கப்பட வாய்ப்புள்ளதாகவும் தகவல்கள் வெளியாகியுள்ளன. இதுகுறித்து அதிகாரப்பூர்வ அறிவிப்பு இதுவரை வெளியாகவில்லை.
ராஜ்மோகனுக்கு கூடுதல் பொறுப்பு?
நகராட்சி நிர்வாகம் மற்றும் குடிநீர் வழங்கல் துறை அமைச்சர் ராஜ்மோகனிடம் கூடுதல் பொறுப்பு ஒப்படைக்கப்படலாம் என தகவல்கள் தெரிவிக்கின்றன. அதேவேளை, அமைச்சர்கள் சரத், ஜெகதீஸ்வரி, விஜய் தமிழன் பார்த்திபன் ஆகியோரின் பதவிகள் குறித்து கட்சிக்குள் ஆலோசனை நடைபெறுவதாகவும் அரசியல் வட்டாரங்களில் பேசப்படுகிறது.
தாராபுரம், மதுராந்தகம் தொகுதிகளுக்கு அக்டோபர் 6-ம் தேதி இடைத்தேர்தல் நடைபெற உள்ளது. இதற்கான வேட்புமனு தாக்கல், பரிசீலனை உள்ளிட்ட தேர்தல் பணிகள் ஏற்கனவே நிறைவடைந்துள்ள நிலையில், இரு தொகுதிகளிலும் அரசியல் கட்சிகளின் பிரசாரம் தீவிரமடைந்துள்ளது.
மதுரை தவெக எம்.எல்.ஏ.வுக்கு அமைச்சர் பதவியா?
இதற்கிடையே, மக்கள் மன்றம் தொடங்கப்பட்ட காலகட்டத்திலிருந்தே தமிழக வெற்றிக் கழகத் தலைவர் விஜய்யுடன் இணைந்து களப்பணியாற்றி வரும் மதுரையைச் சேர்ந்த தவெக எம்.எல்.ஏ. ஒருவருக்கு அமைச்சரவையில் இடம் வழங்கப்படலாம் என்ற தகவலும் வெளியாகியுள்ளது. இதனால், கட்சியினரிடையே எதிர்பார்ப்பு அதிகரித்துள்ளது.
எனினும், அமைச்சரவை மாற்றம் தொடர்பாக இதுவரை எந்த அதிகாரப்பூர்வ அறிவிப்பும் வெளியாகாததால், தற்போது வெளியாகும் தகவல்கள் அரசியல் வட்டாரப் பேச்சாகவே உள்ளன. இடைத்தேர்தல் களம் சூடுபிடித்துள்ள நிலையில், அமைச்சரவை தொடர்பான இந்த தகவலும் தமிழக அரசியலில் புதிய விவாதத்தை ஏற்படுத்தியுள்ளது.
இதையும் படிங்க: நேரடியாக இடைத்தேர்தல் களத்தில் குதித்த ஸ்டாலின்...! அண்ணா அறிவாலயத்தில் அவசர ஆலோசனை கூட்டம்... தவெக-வை வீழ்த்த வெறி ஆட்டம் ஆடப்போகும் திமுக..!!!
