BREAKING: சற்று முன்... ஸ்டாலினுக்கு பிரச்சாரம் செய்ய தடை..? தேர்தல் ஆணையத்தில் தவெக பரபரப்பு புகார்..!!!

தாராபுரத்தில் நடைபெற்ற தேர்தல் பிரசார பொதுக்கூட்டத்தில் தவெக வேட்பாளர் சத்யபாமா குறித்து திமுக தலைவர் மு.க.ஸ்டாலின் பேசிய கருத்துகள் தற்போது அரசியல் சர்ச்சையாகியுள்ளது. சத்யபாமாவின் தோற்றத்தை குறிப்பிட்டு ஸ்டாலின் பேசியதாகக் கூறப்படும் கருத்துகளுக்கு தவெக தரப்பில் கடும் எதிர்ப்பு கிளம்பியுள்ளது. இதுதொடர்பாக இந்திய தேர்தல் ஆணையத்திலும் புகார் அளிக்கப்பட்டுள்ளதாக தகவல் வெளியாகியுள்ளது.

சத்யபாமா குறித்து ஸ்டாலின் பேசிய கருத்து

அக்டோபர் 2-ம் தேதி தாராபுரத்தில் திமுக வேட்பாளர் சுகன்யாவை ஆதரித்து மு.க.ஸ்டாலின் பிரசாரம் மேற்கொண்டார். அப்போது தவெக வேட்பாளர் சத்யபாமாவை 'பெட்டி பாமா', 'பல்டி பாமா' என குறிப்பிட்டு, அவரது உடலமைப்பை சுட்டிக்காட்டும் வகையில் கருத்து தெரிவித்ததாக செய்திகள் வெளியாகியுள்ளன. இதுதான் தற்போது தேர்தல் களத்தில் முக்கிய சர்ச்சையாக மாறியுள்ளது.

இதையும் படிங்க: முதல்வர் விஜய்யின் வியூகத்தை கையில் எடுத்த ஸ்டாலின்! ஸ்டாலின் இறக்கிய கடைசி நேர வெடிகுண்டு...! இனிதான் வெடிப்பால் தெரியும் வெற்றி...!!!

தவெக தரப்பில் கடும் எதிர்ப்பு

ஸ்டாலினின் பேச்சுக்கு தவெக அமைச்சர்கள் மற்றும் நிர்வாகிகள் கடும் கண்டனம் தெரிவித்துள்ளனர். பெண் வேட்பாளரை தனிப்பட்ட முறையில் விமர்சிப்பதும், அவரது தோற்றத்தை கேலி செய்வதும் ஏற்றுக்கொள்ள முடியாதது என அவர்கள் தெரிவித்துள்ளனர். மேலும், ஸ்டாலின் தனது பேச்சுக்கு பகிரங்கமாக மன்னிப்பு கேட்க வேண்டும் என்றும் வலியுறுத்தியுள்ளனர்.

தேர்தல் ஆணையத்தில் புகார்

இந்த விவகாரம் தொடர்பாக தவெக வழக்கறிஞர் அணி சார்பில் இந்திய தேர்தல் ஆணையத்தில் புகார் மனு அளிக்கப்பட்டுள்ளது. தேர்தல் நடத்தை விதிகளை மீறியதாகக் கூறி நடவடிக்கை எடுக்க வேண்டும் என்பதும், இனி தேர்தல் பிரசாரத்தில் ஸ்டாலின் ஈடுபடுவதற்கு தடை விதிக்க வேண்டும் என்பதும் தவெக தரப்பின் கோரிக்கையாக உள்ளது. புகார் மீதான தேர்தல் ஆணையத்தின் அடுத்தகட்ட நடவடிக்கை குறித்து எதிர்பார்ப்பு ஏற்பட்டுள்ளது.

இதையும் படிங்க: நேரடியாக இடைத்தேர்தல் களத்தில் குதித்த ஸ்டாலின்...! அண்ணா அறிவாலயத்தில் அவசர ஆலோசனை கூட்டம்... தவெக-வை வீழ்த்த வெறி ஆட்டம் ஆடப்போகும் திமுக..!!!