கட்டுக்கட்டாக களையும் அதிமுக கோட்டை! அடுத்த 25 அதிமுக எம்.எல்.ஏ-க்கள் தவெக பக்கம் தாவ தயார்? இனி சட்டமன்றத்தில் எதிர்க்கட்சிகள் இல்லாத நிலை... செங்கோட்டையனின் பரபரப்பு பேட்டி...!!!
ஈரோடு தவெக கூட்டத்தில் பேசிய செங்கோட்டையன், அதிமுகவைச் சேர்ந்த 25 எம்.எல்.ஏ.க்கள் தவெகவில் இணையத் தயாராக இருப்பதாக பரபரப்பு தகவலை தெரிவித்தார்.
by
தமிழக அரசியலில் தவெக - அதிமுக இடையிலான மோதல் புதிய கட்டத்தை எட்டியுள்ளது. ஈரோட்டில் நடைபெற்ற தவெக கூட்டத்தில் பேசிய மூத்த நிர்வாகி செங்கோட்டையன், அதிமுகவைச் சேர்ந்த 25 எம்.எல்.ஏ.க்கள் தவெகவில் இணையத் தயாராக இருப்பதாக பரபரப்பான தகவலை வெளியிட்டார். 234 தொகுதிகளிலும் தவெகவுக்கு ஆதரவு இருப்பதாகவும் அவர் நம்பிக்கை தெரிவித்தார்.
எதிர்க்கட்சிகள் ஆட்சியைக் கவிழ்க்கவே முயற்சி
கூட்டத்தில் பேசிய செங்கோட்டையன், சட்டமன்றத்தில் ஆக்கப்பூர்வமான கருத்துகளை எதிர்க்கட்சிகள் முன்வைத்தால் அவற்றை ஏற்றுக்கொள்வோம் என முதலமைச்சர் கூறியிருப்பதை சுட்டிக்காட்டினார். ஆனால், எதிர்க்கட்சியினர் நல்ல கருத்துகளை தெரிவிப்பதைவிட ஆட்சியைக் கவிழ்க்கும் நோக்கத்திலேயே செயல்படுவதாக அவர் குற்றம்சாட்டினார்.
இதையும் படிங்க: BREAKING: சற்று முன்... அதிமுக- விலிருந்து விலகிய முக்கிய புள்ளி! அடுத்த அதிர்ச்சியில் எடப்பாடி...!!!
தவெக ஆட்சியின் செயல்பாடுகள் மற்றும் மக்கள் மத்தியில் கட்சிக்கு கிடைத்து வரும் ஆதரவு குறித்தும் அவர் பேசினார். தவெக 234 தொகுதிகளிலும் வலுவான செல்வாக்குடன் இருப்பதாகவும் செங்கோட்டையன் குறிப்பிட்டார்.
25 அதிமுக எம்.எல்.ஏ.க்கள் வரத் தயாரா?
அதிமுகவின் தற்போதைய அரசியல் நிலையை விமர்சித்த செங்கோட்டையன், அந்தக் கட்சியைச் சேர்ந்த 25 சட்டமன்ற உறுப்பினர்கள் தவெகவில் இணையத் தயாராக இருப்பதாக கூறினார். ஏற்கனவே சிலர் கட்சியை விட்டு விலகியுள்ள நிலையில், மேலும் பல எம்.எல்.ஏ.க்கள் தவெக பக்கம் வர விருப்பம் தெரிவித்து வருவதாகவும் அவர் தெரிவித்தார்.
மேலும், நடைபெற உள்ள இடைத்தேர்தல்களில் தவெகவுக்கு எதிராக களமிறங்குபவர்கள் வைப்புத்தொகையை இழப்பது உறுதி என்ற வகையில் அவர் தனது நம்பிக்கையை வெளிப்படுத்தினார். இதனால், செங்கோட்டையனின் பேச்சு தமிழக அரசியல் வட்டாரத்தில் கவனம் பெற்றுள்ளது.
மக்கள் பணியில் தீவிரமாக இருக்க நிர்வாகிகளுக்கு அறிவுறுத்தல்
தவெக தலைவர் மத்திய உள்துறை அமைச்சரை சந்தித்தபோது, முதலமைச்சரின் செயல்பாடுகளை பாராட்டி தோளைத் தட்டிக் கொடுத்ததாகவும் செங்கோட்டையன் தனது உரையில் குறிப்பிட்டார். மக்கள் பணியில் தவெக நிர்வாகிகள் தொடர்ந்து தீவிரமாக செயல்பட வேண்டும் என அவர் கேட்டுக்கொண்டார்.
சட்டமன்றத்தில் எதிர்க்கட்சிகளே இல்லாத நிலை உருவாகும் அளவுக்கு மக்கள் தவெகவை ஆதரித்து வருவதாகவும் செங்கோட்டையன் தெரிவித்தார். அவரது இந்த கருத்துகள், தவெக - அதிமுக இடையிலான அரசியல் மோதலை மேலும் சூடுபிடிக்கச் செய்துள்ளன.
இதையும் படிங்க: பதவியும் இல்ல... மறியாதையும் இல்ல..! உண்மையை உடைத்த ராதிகா? சரத்குமாரின் அடுத்தக்கட்ட அரசியல் மூவ்...!!!
