விஜய் முதல்வர் ஆக கூடாது.... மே 4 முடிவுக்கு பின் வீட்டில் உதயநிதி ஸ்டாலின் செய்த அந்த காரியம்! அடுத்து எடப்பாடியிடம் தூது போன திமுக? நடந்ததை புட்டு புட்டு வைத்த சவுக்கு சங்கர்..!!!
திமுக மற்றும் அதிமுக இடையே தேர்தலுக்குப் பிறகு ரகசிய பேச்சுவார்த்தை நடந்ததாக சவுக்கு சங்கர் தெரிவித்துள்ள கருத்துகள் தமிழக அரசியல் வட்டாரத்தில் புதிய பரபரப்பை ஏற்படுத்தியுள்ளன.
by
சவுக்கு மீடியா நிறுவனரும் ஊடகவியலாளருமான சவுக்கு சங்கர் வெளியிட்டுள்ள சில தகவல்கள் தமிழக அரசியல் வட்டாரத்தில் புதிய விவாதத்தை ஏற்படுத்தியுள்ளன. தேர்தல் முடிவுகள் வெளியானதைத் தொடர்ந்து திமுக மற்றும் அதிமுக தரப்புகளுக்கு இடையே ரகசிய அரசியல் நகர்வுகள் நடந்ததாக அவர் கூறியிருப்பது பரபரப்பை கிளப்பியுள்ளது.
செய்தியாளர்களைச் சந்தித்த சவுக்கு சங்கர், தேர்தல் முடிவுகள் வெளியான மே 4-ஆம் தேதி மாலை, திமுக இளைஞரணிச் செயலாளரான உதயநிதி ஸ்டாலின் கடும் ஏமாற்றமடைந்ததாகத் தெரிவித்தார்.தேர்தல் முடிவுகளால் அதிர்ச்சியடைந்த உதயநிதி ஸ்டாலின், கோபத்தில் தொலைக்காட்சியை உடைத்துவிட்டு, தனது தாயார் துர்கா ஸ்டாலினிடம் சென்று 'விஜயையெல்லாம் நான் எப்படி முதல்வராகப் பார்ப்பது?' என்று கூறி கதறி அழுததாக சவுக்கு சங்கர் விவரித்துள்ளார்.
இதையும் படிங்க: சி.வி.சண்முகத்தின் தில்லுமுள்ளு வேலை.... எடப்பாடிக்கு எதிராக போர்க்கொடி! அவசர மீட்டிங்.... அதிர்ச்சியில் அதிமுக!!!
திமுக தரப்பில் நடந்ததாகக் கூறப்படும் ஆலோசனைகள்
உதயநிதி ஸ்டாலினின் மனநிலையைப் பார்த்த துர்கா ஸ்டாலின், கட்சியின் முக்கிய நிர்வாகிகளை அழைத்து ஆலோசனை நடத்தியதாகவும், அதன் பின்னர் சில அரசியல் முயற்சிகள் தொடங்கப்பட்டதாகவும் சவுக்கு சங்கர் தெரிவித்துள்ளார்.
அதன்படி, அமைச்சர் சேகர்பாபு உள்ளிட்ட முக்கிய தலைவர்கள், அதிமுக பொதுச்செயலாளர் எடப்பாடி பழனிசாமியுடன் தொடர்பு கொண்டு பேசியதாக அவர் கூறினார். எந்த சூழலிலும் விஜய் முதல்வராக வரக்கூடாது என்ற நோக்கத்துடன், திமுக வெளியில் இருந்து ஆதரவு அளிக்கத் தயாராக இருந்ததாகவும் அவர் குற்றம்சாட்டியுள்ளார்.
எடப்பாடி பழனிசாமியுடன் ரகசிய பேச்சுவார்த்தை?
இந்த பேச்சுவார்த்தை ஆரம்ப கட்டத்தில் அதிமுக எம்.எல்.ஏ.க்கள் பலருக்கும் தெரியாமல் நடந்ததாக சவுக்கு சங்கர் தெரிவித்தார். அதேசமயம், அதிமுக மூத்த தலைவர்களான சி.வி.சண்முகம் மற்றும் எஸ்.பி.வேலுமணி ஆகியோர் வேறு அரசியல் முடிவுகளை பரிசீலித்து வந்ததாகவும் அவர் குறிப்பிட்டார்.
அவர்களிடம் பேசிய எடப்பாடி பழனிசாமி, திமுக ஆதரவுடன் ஆட்சி அமைக்கும் வாய்ப்பு இருப்பதாக கூறியதாகவும், அதற்கு அவர்கள் எதிர்ப்பு தெரிவித்ததாகவும் சவுக்கு சங்கர் தெரிவித்துள்ளார். ஆனால் ஆட்சி அதிமுகவின் தலைமையில்தான் இருக்கும் என எடப்பாடி பழனிசாமி விளக்கம் அளித்ததாகவும் அவர் கூறினார்.
அமைச்சர் பதவிகள் குறித்து பரபரப்பு தகவல்
மேலும், அதிமுக ஆட்சி அமைந்தால் திமுக கூட்டணியில் உள்ள கட்சிகளுக்கும் அமைச்சரவைப் பொறுப்புகள் வழங்கும் வகையில் ஆலோசனைகள் நடைபெற்றதாக சவுக்கு சங்கர் கூறியுள்ளார். திமுக கூட்டணிக் கட்சிகளுக்கு மொத்தம் 15 அமைச்சர் பதவிகள் ஒதுக்கப்படுவது தொடர்பாகவும் பேச்சுவார்த்தை நடந்ததாக அவர் தெரிவித்துள்ளார்.
எனினும், சவுக்கு சங்கர் வெளியிட்டுள்ள இந்தக் குற்றச்சாட்டுகள் மற்றும் தகவல்கள் தொடர்பாக திமுக, அதிமுக அல்லது சம்பந்தப்பட்ட தலைவர்கள் தரப்பில் இதுவரை அதிகாரப்பூர்வ விளக்கம் வெளியாகவில்லை. எனவே, இவை அனைத்தும் சவுக்கு சங்கர் முன்வைத்துள்ள குற்றச்சாட்டுகள் என்ற அடிப்படையிலேயே பார்க்கப்படுகின்றன.
இதையும் படிங்க: BREAKING : ட்விஸ்ட் மேல் ட்விஸ்ட் வைக்கும் திருமாவளவன்! தவெக அமைச்சரவையில் விசிக...! உற்று நோக்கும் திமுக...அதிர்ச்சியில் ஸ்டாலின்..!!!
