×
 
☰
தமிழகம் இந்தியா சினிமா விளையாட்டு வீடியோ

இப்படி செய்தால் துணிச்சல் தான் வரும்! 6 மாதத்தில் அம்புட்டும் வெளிவர போகுது! தவெக பைல்ஸ் வெளியிடப்படும்..... திமுக ஆர்.எஸ். பாரதியின் அதிரடி வார்னிங்..!!!

தவெக அரசின் டாஸ்மாக் டெண்டர், சட்டம் ஒழுங்கு உள்ளிட்ட விவகாரங்களில் ஊழல் குற்றச்சாட்டுகளை முன்வைத்த ஆர்.எஸ். பாரதி, ஆறு மாதங்களில் தவெக பைல்ஸ் வெளியிடப்படும் என தெரிவித்துள்ளார்.

Advertisement

தமிழகத்தில் தவெக தலைமையிலான கூட்டணி ஆட்சி அமைந்துள்ள நிலையில், அரசுக்கு எதிராக திமுகவின் விமர்சனங்கள் தீவிரமடைந்துள்ளன. சென்னை அண்ணா அறிவாலயத்தில் செய்தியாளர்களைச் சந்தித்த திமுக அமைப்புச் செயலாளர் ஆர்.எஸ். பாரதி, டாஸ்மாக் டெண்டர் முதல் சட்டம் ஒழுங்கு வரை பல்வேறு விவகாரங்களில் அரசின் செயல்பாடுகளைக் கடுமையாக விமர்சித்தார். மேலும், ஆறு மாதங்களில் 'தவெக பைல்ஸ்' வெளியிடப்படும் என்றும் அவர் தெரிவித்தார்.

டாஸ்மாக் டெண்டரில் முறைகேடு எனக் குற்றச்சாட்டு

டாஸ்மாக் கிடங்குகளைப் பராமரிக்கும் பணிக்கு மருத்துவத்துறை மூலம் டெண்டர் விடப்பட்டதை ஆர்.எஸ். பாரதி சுட்டிக்காட்டினார். ஒன்றுக்கொன்று தொடர்பில்லாத இரு துறைகளை இணைத்ததன் பின்னணியில் முறைகேடு இருக்கலாம் என அவர் சந்தேகம் எழுப்பினார்.

இதையும் படிங்க: 30 எம்.எல்.ஏ-க்கள் அதிருப்தி...! தமிழக அரசுக்கு எதிராக களத்தில் இறங்கும் அதிமுக..! அந்த ஒரு நாளில் நடந்த சம்பவமே நல்ல உதாரணம்.. செல்லூர் ராஜு பரபரப்பு பேட்டி...!!!

மேலும், 11 மதுபான நிறுவனங்களின் உரிமங்கள் ரத்து செய்யப்பட்ட நிலையில், 24 மணி நேரத்திற்குள் மீண்டும் அதே நிறுவனங்களுக்கு டெண்டர் வழங்கப்பட்டதாகக் குற்றம்சாட்டினார். டெல்லி மதுபானக் கொள்கை வழக்கில் அமலாக்கத்துறை விசாரணையை எதிர்கொண்ட நிறுவனத்துக்கும் தமிழகத்தில் மீண்டும் வாய்ப்பு அளிக்கப்பட்டுள்ளதாகக் கூறிய அவர், இதன் பின்னணியில் வெளிமாநில நிறுவனங்களுக்கு ஆதரவளிக்கும் முயற்சி இருப்பதாக விமர்சித்தார்.

சட்டம் ஒழுங்கு, ஆன்மிக நிகழ்வுகள் குறித்தும் விமர்சனம்

தமிழகத்தில் கொலை மற்றும் பாலியல் குற்றங்கள் தொடர்பான செய்திகள் அதிகரித்து வருவதாகக் கூறிய ஆர்.எஸ். பாரதி, சில குற்றங்களில் தவெக நிர்வாகிகளுக்குத் தொடர்பு இருப்பதாகவும் குற்றம்சாட்டினார். வில்லிவாக்கம் தொகுதியில் ஊர்வலத்தின்போது பெண் காவலரிடம் அத்துமீறியதாகக் கூறப்படும் நபர், வெளிநாட்டிலிருந்து வந்த அழைப்பைத் தொடர்ந்து ஒரு மணி நேரத்திலேயே விடுவிக்கப்பட்டதாக அவர் தெரிவித்தார். இதுபோன்ற நடவடிக்கைகள் குற்றவாளிகளுக்குத் துணிச்சல் அளிக்கும் என்றும் விமர்சித்தார்.

திருச்செந்தூர் சூரசம்ஹார நிகழ்வின்போது முதலமைச்சருக்கு ஆதரவாக எழுப்பப்பட்ட கோஷங்களால் பக்தர்களின் வழிபாடு பாதிக்கப்பட்டதாகவும் அவர் குற்றம்சாட்டினார்.

ஆறு மாதங்களில் 'தவெக பைல்ஸ்' வெளியீடு?

தவெக அரசின் முறைகேடுகள் தொடர்பான ஆதாரங்களை திமுக திரட்டி வருவதாக ஆர்.எஸ். பாரதி கூறினார். இன்னும் ஆறு மாதங்களில் 'தவெக பைல்ஸ்' வெளியிடப்பட்டு, அரசின் செயல்பாடுகள் குறித்த உண்மைகள் மக்களிடம் எடுத்துச் செல்லப்படும் என்றும் தெரிவித்தார்.

தவெக ஆட்சியைக் கவிழ்க்க திமுகவும் அதிமுகவும் திட்டமிட்டு வருவதாகக் கூட்டணிக் கட்சியினர் கூறும் புகார் குறித்த கேள்விக்கும் அவர் பதிலளித்தார். எதிர்க்கட்சிகள் முன்வைக்கும் கற்பனையான குற்றச்சாட்டுகளுக்கெல்லாம் பதில் சொல்ல முடியாது எனத் திட்டவட்டமாகக் கூறினார்.

 

இதையும் படிங்க: நாங்களே சொல்லி சொல்லி ஆட்சி நடத்துவதற்கு... அப்போ திமுகவெ ஆட்சியில் இருக்கலாமே..? தவெக அரசை கிழித்து தள்ளிய கனிமொழி எம்.பி..!!!

Advertisement

Follow @ Google News: செய்திகளை உடனுக்குடன் பெற கூகுள் செய்திகள் பக்கத்தில் Tamil Spark இணையதளத்தை இங்கே கிளிக் செய்து ஃபாலோ செய்யுங்கள். Click Here
#ஆர்.எஸ். பாரதி #தவெக அரசு #டாஸ்மாக் டெண்டர் #TVK Files #திமுக குற்றச்சாட்டு
 
 
 
Latest News Home Web Stories Web Stories Latest Videos Videos Share on WhatsApp Share
Next Story