வெடித்த புது பூகம்பம்.... சிறுமிகளின் கால்களை தொட்டு அமுக்கி... காங்கிரஸ் அமைச்சர் அரசு பள்ளியிலே அத்து மீறினாரா? கொந்தளிக்கும் அரசியல் கட்சி தலைவர்கள்.!!!
மதுரை மேலூரில் தமிழக வெற்றிக் கழகம் நடத்திய மாரத்தான் போட்டியில் அமைச்சர் விஸ்வநாதனின் செயல்கள் சர்ச்சையை கிளப்பிய நிலையில், அரசியல் தலைவர்கள் மற்றும் சமூக ஆர்வலர்கள் கண்டனம் தெரிவித்துள்ளனர்.
by
மதுரை மாவட்டம் மேலூரில் தமிழக வெற்றிக் கழகம் சார்பில் விஜய் பிறந்தநாளை முன்னிட்டு நடைபெற்ற மாரத்தான் போட்டி, விளையாட்டு நிகழ்வைத் தாண்டி அரசியல் சர்ச்சையாக மாறியுள்ளது. நிகழ்ச்சியில் கலந்து கொண்ட உயர்கல்வித்துறை அமைச்சர் விஸ்வநாதன் தொடர்பான வீடியோக்கள் சமூக வலைதளங்களில் வேகமாக பரவி, பல்வேறு தரப்பினரிடையே விவாதத்தை ஏற்படுத்தியுள்ளன.
மேடையில் நடந்த நிகழ்வு சர்ச்சை
அரசுப் பள்ளி மைதானத்தில் நடைபெற்ற மாரத்தான் போட்டியை அமைச்சர் விஸ்வநாதன் தொடங்கி வைத்தார். அப்போது, தமிழக வெற்றிக் கழக பெண் நிர்வாகி ஒருவருடன் சினிமா பாடலுக்கு மேடையில் நடனமாடியதாக கூறப்படும் காட்சிகள் வெளியானது. இதையடுத்து, போட்டியில் பங்கேற்று ஓய்வெடுத்து கொண்டிருந்த சிறுமிகளின் கால்களை அமைச்சர் அமுக்கி சுளுக்கு எடுத்ததாக கூறப்படும் மற்றொரு வீடியோவும் சமூக வலைதளங்களில் பரவியது. இந்த காட்சிகள் பொதுமக்கள் மத்தியிலும் அரசியல் வட்டாரங்களிலும் விமர்சனத்தை ஏற்படுத்தியுள்ளன.
இதையும் படிங்க: ரிப்பன் வெட்டுதல் முதல் குத்துவிளக்கு ஏற்றுதல் வரை வெடித்த மோதல்! மேயர் பிரியா செய்த சதியால் தவெக பெண் எம்எல்ஏ பல்லவி குற்றச்சாட்டு...!!!
எம்.பி. சு.வெங்கடேசன் கண்டனம்
இந்த விவகாரம் குறித்து மதுரை நாடாளுமன்ற உறுப்பினர் சு.வெங்கடேசன் செய்தியாளர்களிடம் பேசுகையில், அரசுப் பள்ளி வளாகங்களில் ஆளுங்கட்சி அமைப்புகள் அத்துமீறுவதை ஏற்க முடியாது என்று தெரிவித்தார். மேலும், அமைச்சர் மேற்கொண்டதாக கூறப்படும் நடவடிக்கைகள் கடுமையான விமர்சனத்திற்கும் பொதுவிவாதத்திற்கும் உள்ளாகியிருப்பதை கவனத்தில் கொள்ள வேண்டியது அவசியம் என்றும் அவர் கூறினார்.
சமூக ஆர்வலர்களும் எதிர்ப்பு
மேலூர் தொகுதி மக்கள் முன்னேற்ற இயக்க தலைவர் மீ.முருகன் உள்ளிட்ட சமூக ஆர்வலர்களும் இந்த விவகாரத்தில் தங்களது எதிர்ப்பை பதிவு செய்து வருகின்றனர். பொதுமக்களுக்கு முன்னுதாரணமாக இருக்க வேண்டிய பொறுப்பில் உள்ளவர்கள், குறிப்பாக மாரத்தான் போட்டி போன்ற பொதுநிகழ்வுகளில் மிகுந்த பொறுப்புடன் நடந்து கொள்ள வேண்டும் என்றும் அவர்கள் வலியுறுத்தியுள்ளனர். சமூக வலைதளங்களில் தொடர்ந்து விவாதம் நீடித்து வரும் நிலையில், இந்த விவகாரம் அரசியல் ரீதியாகவும் கவனம் பெற்றுள்ளது.
இதையும் படிங்க: பரபரப்பு... மகளிர் உரிமைத்தொகை மாதம் ரூ.2,500 எப்போ தருவீங்க? சட்டமன்றத்தில் கேள்வி கேட்ட அதிமுக! உடனே பதிலடி கொடுத்த ஆதவ் அர்ஜுனா!!!
