BREAKING : எடப்பாடியின் சொந்த தாய்மாமன் மகன் அந்நியூர் ராஜா ஆதரவாளர்களுடன் அதிமுகவிலிருந்து விலகல்! இபிஎஸ்கு எதிராக பகிரங்க குற்றசாட்டு!!!
அதிமுக பொதுச்செயலாளர் எடப்பாடி பழனிசாமியின் உறவினரான கே.பி.எஸ். ராஜா, கட்சித் தலைமையை கடுமையாக விமர்சித்து ஆதரவாளர்களுடன் விலகுவதாக அறிவித்துள்ளார். இந்த நடவடிக்கை அதிமுக வட்டாரத்தில் பரபரப்பை ஏற்படுத்தியுள்ளது.
by
தமிழக அரசியலில் அதிமுகவுக்கு தொடர்ந்து புதிய சவால்கள் உருவாகி வரும் நிலையில், கட்சியின் பொதுச்செயலாளர் எடப்பாடி பழனிசாமியின் சொந்த தாய்மாமா மகனும், மாநில எம்.ஜி.ஆர். மன்ற துணை செயலாளருமான கே.பி.எஸ். ராஜா தனது ஆதரவாளர்களுடன் கட்சியில் இருந்து விலகுவதாக அறிவித்துள்ளார். இந்த அறிவிப்பு அதிமுக வட்டாரத்தில் பரபரப்பை ஏற்படுத்தியுள்ளது.
கட்சித் தலைமைக்கு எதிராக பகிரங்க குற்றச்சாட்டு
ஈரோடு புறநகர் மேற்கு மாவட்டத்தைச் சேர்ந்த அந்தியூர் கே.பி.எஸ். ராஜா வெளியிட்டுள்ள ராஜினாமா கடிதத்தில், மக்கள் மத்தியில் செல்வாக்கு இருந்தும் திட்டமிட்டு இரண்டு முறை சட்டமன்றத் தேர்தலில் போட்டியிட வாய்ப்பு மறுக்கப்பட்டதாக குற்றம்சாட்டியுள்ளார். மேலும், மறைந்த முதலமைச்சர் ஜெயலலிதா வழங்கிய அந்தியூர் ஒன்றிய கழக செயலாளர் பொறுப்பை எந்தக் காரணமும் இல்லாமல் பறித்தது தனக்கு இழைக்கப்பட்ட மிகப்பெரிய துரோகம் என்றும் தெரிவித்துள்ளார்.
பணத்திற்கே முக்கியத்துவம் என விமர்சனம்
கட்சிக்காக நீண்ட காலமாக உழைத்த நிர்வாகிகளுக்கு உரிய மரியாதை வழங்கப்படவில்லை என்றும், பணத்திற்கு மட்டுமே முக்கியத்துவம் அளிக்கப்படுவதாக உணர்ந்ததால்தான் இந்த முடிவை எடுத்ததாக கே.பி.எஸ். ராஜா தனது கடிதத்தில் குறிப்பிட்டுள்ளார். இந்த கருத்துகள் அரசியல் வட்டாரத்தில் கவனத்தை ஈர்த்துள்ளன.
இதையும் படிங்க: அதிமுகவின் அனைத்து பொறுப்புகளிலிருந்தும் ராஜினாமா செய்த முக்கிய புள்ளி! செம ஷாக்கில் எடப்பாடி!!!
கே.பி.எஸ். ராஜாவுடன் விலகிய நிர்வாகிகள்
கே.பி.எஸ். ராஜாவுடன் முன்னாள் அந்தியூர் யூனியன் சேர்மன் சி. அப்பாநாயக்கர், முன்னாள் கவுன்சிலர் பா. சிவக்குமார், ஒன்றிய எம்.ஜி.ஆர். மன்ற துணை செயலாளர் பி.ஜி. தேவராஜ், முன்னாள் கூட்டுறவு சங்க துணைத் தலைவர் பி.ஏ. பழனிச்சாமி, அம்மா பேரவை நிர்வாகி டி.என். கணேசன் உள்ளிட்ட பல முக்கிய நிர்வாகிகள் மற்றும் தொண்டர்களும் அதிமுகவில் இருந்து விலகியுள்ளனர். எடப்பாடி பழனிசாமியின் சொந்த உறவினரே கட்சியை விட்டு வெளியேறியிருப்பது, அதிமுக உள்கட்சியிலும் தமிழக அரசியல் களத்திலும் புதிய விவாதத்தை உருவாக்கியுள்ளது.
இதையும் படிங்க: அதிமுக-வின் அடுத்த விக்கெட் அவுட்! இயக்குனர் ஆர்.வி உதயகுமார் திடீர் விலகல்! 25 வருஷ பயணம் முடிவுக்கு வந்தது..!!!
