மேலும் 5 அதிமுக MLA-க்கள் ராஜினாமா? செப்.8-ல் வெடிக்கப்போகும் பூகம்பம்...! அதிர்ச்சியில் அல்லேலப்படும் எடப்பாடி!!!
தமிழக அரசியலில் பரபரப்பு; அதிமுகவைச் சேர்ந்த மேலும் 5 எம்.எல்.ஏ.க்கள் ராஜினாமா செய்து விஜய்யின் தமிழக வெற்றிக் கழகத்தில் இணைய உள்ளதாக தகவல் வெளியாகியுள்ளது.
by
தமிழக அரசியல் களம் பரபரப்பாகியுள்ள நிலையில், அதிமுகவைச் சேர்ந்த மேலும் 5 எம்.எல்.ஏ.க்கள் தங்களது பதவியை ராஜினாமா செய்து விஜய் தலைமையிலான தமிழக வெற்றிக் கழகத்தில் இணைய உள்ளதாக தகவல் வெளியாகியுள்ளது. இதில் 2 பேர் தனித்தொகுதி எம்.எல்.ஏ.க்கள் என கூறப்படுகிறது. சட்டப்பேரவை பட்ஜெட் கூட்டத்தொடர் நிறைவடைந்ததும் இதற்கான அறிவிப்பு வெளியாகலாம் என எதிர்பார்க்கப்படுகிறது.
அதிமுகவில் இருந்து மேலும் 5 பேர்?
ஏற்கனவே 6 அதிமுக எம்.எல்.ஏ.க்கள் பதவியை ராஜினாமா செய்து கட்சியில் இருந்து விலகியதாக கூறப்படும் நிலையில், தற்போது மேலும் 5 பேர் வெளியேற உள்ளதாக வெளியாகியிருக்கும் தகவல் அரசியல் வட்டாரத்தில் கவனம் பெற்றுள்ளது. இவர்கள் தமிழக வெற்றிக் கழகம் பக்கம் செல்ல உள்ளதாக கூறப்படுகிறது.
செப்டம்பர் 8-க்கு பிறகு அறிவிப்பு?
வரும் செப்டம்பர் 8-ஆம் தேதி சட்டப்பேரவை பட்ஜெட் கூட்டத்தொடர் நிறைவடைகிறது. அதன்பிறகு இந்த எம்.எல்.ஏ.க்களின் ராஜினாமா மற்றும் கட்சி மாறுவது தொடர்பான அதிகாரப்பூர்வ அறிவிப்புகள் வெளியாக வாய்ப்புள்ளதாக தகவல்கள் தெரிவிக்கின்றன. எனினும், இதுகுறித்து சம்பந்தப்பட்ட எம்.எல்.ஏ.க்கள் தரப்பில் இதுவரை உறுதியான அறிவிப்பு வெளியாகவில்லை.
எடப்பாடி பழனிசாமிக்கு புதிய சவால்
அடுத்தடுத்து எம்.எல்.ஏ.க்கள் விலகுவதாக வெளியாகும் தகவல்கள் அதிமுக பொதுச்செயலாளர் எடப்பாடி பழனிசாமிக்கு அரசியல் ரீதியாக பின்னடைவை ஏற்படுத்தக்கூடும் என பார்க்கப்படுகிறது. குறிப்பாக, அதிமுக எம்.எல்.ஏ.க்கள் மேலும் சிலர் விஜய் அணிக்கு செல்வதாக உறுதியானால், வரும் சட்டப்பேரவை தேர்தலையொட்டி தமிழக அரசியலில் அதன் தாக்கம் கவனிக்கத்தக்கதாக இருக்கும்.
இதையும் படிங்க: சுமையாக இருக்க விரும்பவில்லை...! அதிமுகவில் செந்தில் பாலாஜி... எஸ். பி. வேலுமணிக்கு செக் வைக்க எடப்பாடி போட்ட மாஸ்டர் பிளான்...!!!
