இரண்டு தொகுதி இடைத்தேர்தல் அறிவிப்புக்கு பின்னால் இருக்கும் அதிர்ச்சி உண்மை...! மொத்தமாக போட்டு உடைத்த எடப்பாடி...!!!

தமிழக சட்டசபை பட்ஜெட் கூட்டத்தொடரின் கடைசி நாளில் தமிழக வெற்றி கழகம், திமுக உறுப்பினர்களிடையே கடும் வாக்குவாதம் ஏற்பட்டது. அவை நடவடிக்கைகளுக்கு இடையூறாக திமுக உறுப்பினர்கள் அமளியில் ஈடுபட்டதால், சபாநாயகர் உத்தரவின் பேரில் அவைக் காவலர்கள் அவர்களை வெளியேற்றினர். இதையடுத்து செய்தியாளர்களைச் சந்தித்த அதிமுக பொதுச்செயலாளர் எடப்பாடி பழனிசாமி, ஆளுங்கட்சியும் எதிர்க்கட்சியும் தனிப்பட்ட விவகாரங்களைப் பேசி சட்டசபையின் நேரத்தை வீணடிப்பதாக குற்றம்சாட்டினார்.

10 மணி நேரம் நடைபெறும் சட்டசபை கூட்டத்தில் சுமார் 3 மணி நேரம் மட்டுமே மக்கள் பிரச்சினைகள் குறித்து விவாதிக்கப்படுவதாக இபிஎஸ் தெரிவித்தார். உறுப்பினர்களின் கேள்விகளுக்கு சில அமைச்சர்கள் மட்டுமே பதிலளிப்பதால், சட்டசபை விவாதங்கள் முழுமையான பயனை அளிப்பதில்லை என்றும் அவர் கூறினார்.

இதையும் படிங்க: BREAKING: சற்று முன்.... இடைத்தேர்தலில் இரு தொகுதிகளிலும் அதிமுக தனித்து போட்டி! எடப்பாடியின் அதிரடி அறிவிப்பு...!!!

சட்டம் ஒழுங்கு குறித்து முதல்வர் பதிலளிக்கவில்லை என குற்றச்சாட்டு

காவல்துறை மானியக் கோரிக்கையின்போது எழுப்பப்பட்ட முக்கிய கேள்விகளுக்கு முதலமைச்சர் உரிய பதில் அளிக்கவில்லை என்று எடப்பாடி பழனிசாமி சாடினார். அரசுத் துறைகளில் உள்ள காலிப் பணியிடங்கள் எப்போது நிரப்பப்படும் என்பதற்கும் தெளிவான பதில் வழங்கப்படவில்லை என அவர் கூறினார்.

மதுரையில் நடைபெற்றதாகக் கூறப்படும் ரூ.1,000 கோடி முறைகேடு தொடர்பான கேள்விக்கும் முதலமைச்சர் விஜய் பதிலளிக்கவில்லை என இபிஎஸ் குற்றம்சாட்டினார். தமிழ்நாட்டில் கொலை, கொள்ளை, பாலியல் வன்கொடுமை, போதைப்பொருள் விற்பனை உள்ளிட்ட குற்றங்கள் அதிகரித்து வருவதாகவும், இதனால் சட்டம் ஒழுங்கு நிலை குறித்து கவலை எழுந்துள்ளதாகவும் தெரிவித்தார். ஆளுங்கட்சியின் கூட்டணி கட்சிகளே இதை விமர்சிக்கும் சூழல் உருவாகியுள்ளதாகவும் அவர் குறிப்பிட்டார்.

கடன் சுமை குறித்து எடப்பாடி பழனிசாமி எச்சரிக்கை

தவெக ஆட்சிக்கு வந்த நான்கு மாதங்களில் பருப்பு, எண்ணெய், சர்க்கரை உள்ளிட்ட அத்தியாவசியப் பொருட்களின் விலையும் மின்சாரக் கட்டணமும் 20 சதவீதம் வரை உயர்ந்துள்ளதாக எடப்பாடி பழனிசாமி கூறினார். இதனால் பொதுமக்கள் பாதிக்கப்பட்டுள்ளதாகவும் அவர் தெரிவித்தார்.

மாநில வருவாயை அதிகரிப்பதற்கான நடவடிக்கைகளை மேற்கொள்ளாமல், நான்கு மாதங்களில் மட்டும் ரூ.34 ஆயிரம் கோடி கடன் வாங்கப்பட்டுள்ளதாக அவர் குற்றம்சாட்டினார். இதே நிலை தொடர்ந்தால் ஐந்து ஆண்டுகளின் முடிவில் தமிழகத்தின் கடன் சுமை ரூ.20 லட்சம் கோடியை எட்டக்கூடும் என எச்சரித்தார். கடன் பெற்றே திட்டங்களை செயல்படுத்தும் நிலை ஏற்பட்டுள்ளதாகவும், பொருளாதார நிர்வாகத்தில் அரசு தோல்வியடைந்துள்ளதாகவும் அவர் விமர்சித்தார்.

இடைத்தேர்தலில் அதிமுக வெற்றி பெறும் என நம்பிக்கை

விரைவில் நடைபெற உள்ள இரண்டு தொகுதி இடைத்தேர்தல்கள் குறித்தும் எடப்பாடி பழனிசாமி பேசினார். ஏற்கனவே அதிமுக வெற்றி பெற்றிருந்த அந்த தொகுதிகளில் மீண்டும் அதிமுக சார்பில் வேட்பாளர்கள் நிறுத்தப்பட்டு, அதிக வாக்குகள் வித்தியாசத்தில் வெற்றி பெறுவார்கள் என அவர் நம்பிக்கை தெரிவித்தார்.

இரண்டு தொகுதிகளிலும் மீண்டும் தேர்தல் நடைபெறுவதற்கு தவெக நடத்தியதாகக் கூறப்படும் 'குதிரை பேரமே' காரணம் என்றும் அவர் குற்றம்சாட்டினார். ஆளுங்கட்சியின் செயல்பாடுகள் குறித்து மக்கள் மத்தியில் அதிருப்தி இருப்பதாகவும், வரவிருக்கும் தேர்தலில் அது வெளிப்படும் என்றும் எடப்பாடி பழனிசாமி தெரிவித்தார்.

இதையும் படிங்க: எடப்பாடியை இருகரம் கூப்பி உற்சாகமாக வரவேற்ற கே.பி.அன்பழகன்! அதிமுகவில் உச்சகட்ட பரபரப்பு..!!!