"சினிமா வசனம் பேசி ஆட்சியைப் பிடிக்க முடியாது..." தவெக-வுடன் கூட்டணி இல்லை.!! இபிஎஸ் அதிரடி பதில்.!!

தமிழகத்தில் 2026 ஆம் வருடத்திற்கான சட்டமன்றத் தேர்தல் நெருங்கி வரும் சூழலில் அரசியல் கட்சிகள் தங்களது கூட்டணி தொடர்பாக தற்போதே காய்களை நகர்த்த தொடங்கிவிட்டன. தமிழகத்தின் பிரதான எதிர்க்கட்சியான அதிமுக மத்தியில் ஆளும் பாரதிய ஜனதா கட்சியுடன் கூட்டணி அமைத்திருக்கிறது. மேலும் பிற கட்சிகளுடனும் கூட்டணி அமைப்பதில் தீவிரம் காட்டி வருகிறது. இந்நிலையில் நடிகர் விஜய் தொடங்கிய தமிழக வெற்றிக் கழகத்துடன், அதிமுக கூட்டணி அமைக்கும் என்று எதிர்பார்க்கப்பட்ட நிலையில் தங்களை விமர்சிக்கும் எந்த கட்சியுடனும் கூட்டணி இருக்காது என அதிமுக தரப்பில் தெரிவிக்கப்பட்டுள்ளது.

இரண்டாவது மாநாட்டில் அதிமுகவை விமர்சனம் செய்த விஜய் தமிழக ரசிகர்களால் தளபதி என்று கொண்டாடப்பட்டு வரும் நடிகர் விஜய் கடந்த வருடம் அரசியல் கட்சி தொடங்கி தனது கட்சியின் முதல் மாநாட்டை வெற்றிகரமாக நடத்தி முடித்தார். இதனைத் தொடர்ந்து சட்டமன்றத் தேர்தல் நெருங்கி வரும் நிலையில், மதுரையில் தனது கட்சியின் இரண்டாவது மாநில மாநாட்டடை நடத்தினார். இந்த மாநாட்டில் கலந்து கொண்டு பேசிய நடிகர் விஜய், அதிமுக மற்றும் அதன் பொதுச்செயலாளர் எடப்பாடி பழனிச்சாமியை கடுமையாக விமர்சித்திருந்தார்.

விஜய்க்கு பதிலடி 2026 ஆம் வருட சட்டமன்றத் தேர்தலில் தமிழகத்தில் ஆட்சியைப் பிடிக்க வேண்டும் என்ற குறிக்கோளுடன் செயல்பட்டு வரும் அதிமுக பொதுச்செயலாளர் எடப்பாடி பழனிச்சாமி தமிழ்நாடு முழுவதும் சுற்றுப்பயணம் செய்து தீவிரமான பிரச்சாரத்தை தொடங்கி இருக்கிறார். இந்நிலையில் நடிகர் விஜய்யின் விமர்சனத்திற்கு பதிலடி கொடுத்திருக்கும் அவர் சினிமா வசனம் பேசி ஆட்சியைப் பிடிக்க முடியாது என தெரிவித்துள்ளார். தங்களது ஆட்சியில் கொண்டுவரப்பட்ட நலத்திட்டங்கள் பற்றி பேசிய இபிஎஸ் இந்த முறை திமுக அரசிற்கு முடிவு கட்டி அதிமுக, பாஜகவுடன் இணைந்து கண்டிப்பாக வெற்றி பெறும் எனவும் தெரிவித்திருந்தார்.

இதையும் படிங்க: 2026 சட்டமன்ற தேர்தல்... "முதல்வரை தீர்மானிக்கும் விஜய்..." அரசியல் விமர்சகர்கள் பரபரப்பு கனிப்பு.!!

தவெக உடன் கூட்டணி இல்லை அதிமுக, மத்தியில் ஆளும் பாஜகவின் தேசிய ஜனநாயக கூட்டணியில் இணைந்திருந்தாலும் தமிழகத்திலும் பலமான கூட்டணியை அமைக்க முயன்று வருகிறது. மேலும் கடந்த சில தினங்களுக்கு முன்பு நடிகர் விஜய்யின் தமிழக வெற்றிக் கழகத்துடன் கூட்டணி அமைக்க பேச்சுவார்த்தை நடந்து வருவதாக தகவல்கள் வெளியானது. இந்நிலையில் அதிமுகவை விமர்சிக்கும் எந்த கட்சியுடனும் கூட்டணி கிடையாது என பொதுச் செயலாளர் எடப்பாடி பழனிச்சாமி திட்டவட்டமாக தெரிவித்துவிட்டார் என அதிமுகவின் முக்கிய பிரமுகர் கூறியதாக செய்திகள் வெளியாகி தமிழக அரசியல் வட்டாரத்தில் பரபரப்பை ஏற்படுத்தியிருக்கிறது.

இதையும் படிங்க: "அவுட் ஆஃப் கண்ட்ரோல் இல்ல; அண்டர் தி கண்ட்ரோல் தான்..." முதல்வர் ஸ்டாலின் கருத்துக்கு சீமான் பதிலடி.!!