BREAKING: சற்றுமுன்... அமமுக வின் முக்கிய நிர்வாகி திடீர் விலகல்! அதிர்ச்சியில் டிடிவி தினகரன்...!!!

அமமுகவில் இருந்து மேலும் ஒரு முக்கிய நிர்வாகி விலகியிருப்பது அக்கட்சியில் புதிய பரபரப்பை ஏற்படுத்தியுள்ளது. மத்திய சென்னை கிழக்கு மாவட்டச் செயலாளர் சேப்பாக்கம் ராஜேந்திரன், கட்சியின் பொதுச்செயலாளர் டி.டி.வி.தினகரன்க்கு கடிதம் எழுதி தனது விலகலை அறிவித்துள்ளார். அவரது கடிதத்தில் இடம்பெற்றுள்ள குற்றச்சாட்டுகள் அரசியல் வட்டாரங்களில் கவனம் பெற்றுள்ளன.

அமமுக தொடங்கப்பட்ட ஆரம்ப நோக்கங்கள் தற்போது முற்றிலும் மறக்கப்பட்டுவிட்டதாக ராஜேந்திரன் குற்றம்சாட்டியுள்ளார். குறிப்பாக, எதிர்க்கட்சித் தலைவரான எடப்பாடி பழனிசாமியை ஆதரிக்கும் வகையில் தினகரன் செயல்படுகிறார் என்றும், அது கட்சியின் அடிப்படை அரசியல் நிலைப்பாட்டுக்கு முரணானது என்றும் அவர் குறிப்பிட்டுள்ளார்.

இதையும் படிங்க: சற்று முன்.... அதிமுகவுடன் கூட்டணி அதிகாரப்பூர்வமாக அறிவித்தார்! அண்ணியாருக்கு அதிர்ச்சி கொடுத்து இபிஎஸ் !!!

தினகரனுக்கு எதிராக கடும் விமர்சனம்

தனது விலகல் கடிதத்தில், தினகரனின் தற்போதைய அரசியல் அணுகுமுறை சுயநல நோக்கத்துடன் இருப்பதாக ராஜேந்திரன் விமர்சித்துள்ளார். கட்சிக்காக உழைத்த நிர்வாகிகள் மற்றும் தொண்டர்களின் உணர்வுகள் புறக்கணிக்கப்படுவதாகவும் அவர் அதில் தெரிவித்துள்ளதாக தகவல்கள் வெளியாகியுள்ளன.

இதனால், அமமுகவின் உள்கட்சி நிலைமை மீண்டும் கேள்விக்குறியாகியுள்ளது. கட்சிக்குள் அதிருப்தி அதிகரித்து வருவதாகவும் அரசியல் வட்டாரங்களில் பேசப்படுகிறது.

தொடரும் விலகல்கள்

இதற்கு முன்பாகவே அமமுகவின் திருச்சி மாவட்டச் செயலாளர் செந்தில்நாதன் மற்றும் ராமநாதபுரம் மாவட்டச் செயலாளர் முருகன் ஆகியோர் கட்சியிலிருந்து விலகியிருந்தனர். அந்த வரிசையில் தற்போது சேப்பாக்கம் ராஜேந்திரனும் வெளியேறியிருப்பது, கட்சியின் அமைப்பு வலிமை குறித்து கேள்விகளை எழுப்பியுள்ளது.

அடுத்தடுத்த முக்கிய நிர்வாகிகள் விலகி வருவதால், அமமுக தலைமை இந்த நிலையை எவ்வாறு சமாளிக்கப் போகிறது என்ற எதிர்பார்ப்பு அரசியல் வட்டாரங்களில் அதிகரித்துள்ளது.

இதையும் படிங்க: அனைத்து பொறுப்பிலிருந்தும் விலகுவதாக அதிகாரப்பூர்வமாக அறிவித்த அதிமுகவின் முக்கிய புள்ளி! செம ஷாக்கில் எடப்பாடி..!!!