அதிகமாக தண்ணீர் குடித்ததால் உயிர்யிழந்த பெண்! நீர் நச்சுத்தன்மையைப் பற்றி முழுமையாக விளக்கம்! மருத்துவர்களின் எச்சரிக்கை...

மனித உடலுக்கு தண்ணீர் மிக அவசியமானது. ஆனால் எல்லாம் அளவுக்கு மேல் போனால் விபரீதம்தான். கடந்த வருடம், அமெரிக்காவில் ஜூலை நான்காம் தேதியன்று, ஒரு பெண் அதிக அளவில் தண்ணீர் குடித்ததனால் மரணமடைந்த சம்பவம் அனைவரையும் அதிர்ச்சியில் ஆழ்த்தியது. அவரை ஆஸ்லி சம்மர்ஸ் என அடையாளம் கண்டனர். வெப்பமான வானிலையில் அவர் ஏரிக்கரையில் சுறுசுறுப்பாக பொழுதை கழித்ததால் தாகம் அதிகரித்து, வெறும் 20 நிமிடங்களில் சுமார் 2 லிட்டர் தண்ணீர் குடித்ததாக அவரது சகோதரர் டெவான் மில்லர் கூறியுள்ளார்.

அதனைத் தொடர்ந்து ஏற்பட்ட உடல் நிலை குறைபாடுகள் காரணமாக அவர் மரணமடைந்ததாக மருத்துவர்கள் உறுதி செய்தனர். மருத்துவ பரிசோதனைகளின் படி, அவர் நீர் நச்சுத்தன்மை (Water Intoxication) என்ற ஆபத்தான நிலைக்குள் சிக்கியிருந்தார்.

நீர் நச்சுத்தன்மை என்றால் என்ன?

நீர் நச்சுத்தன்மை அல்லது தண்ணீர் போதை என்பது, குறுகிய காலத்தில் அளவுக்கு மேல் தண்ணீர் குடிப்பதால் ஏற்படும் ஒரு மரபுசாரா நோய்த் தொல்லையாகும். ஒரு மணிநேரத்தில், மனித சிறுநீரகங்கள் 0.8 முதல் 1 லிட்டர் வரை தண்ணீரை மட்டுமே கையாள முடியும். இதைத் தாண்டி உட்புகும் நீர், உடலின் மினரல் சமநிலையை சீர்குலைக்கும்.

இதையும் படிங்க: இனி புளி போட்டு தேய்த்து கஷ்டபட வேண்டாம்! ஈசியான டிப்ஸ் இதோ.. இப்படி செய்தால் போதும் செம்பு பாத்திரங்கள் பளபளக்கும்! ட்ரை பண்ணுங்க...

சோடியம் என்ற முக்கிய மினரல் தண்ணீரால் கரைந்து, ரத்தத்தில் அதன் அளவு குறையும் போது, ஹைப்போநட்ரீமியா  எனப்படும் நிலை உருவாகிறது. இதன் காரணமாக, செல்களில் அதிக நீர் புகுந்து அவை வீங்க ஆரம்பிக்கும். குறிப்பாக, மூளையில் இது மோசமான விளைவுகளை ஏற்படுத்தும்.

உடலில் ஏற்படும் விளைவுகள்

மண்டை ஓடு (கபாலம்) என்பது ஒரு குறுகிய இடவெளியுள்ள பகுதியில் மூளை இருக்கிறது. செல்கள் வீங்கும்போது, அந்த அழுத்தம் மூளையை பாதிக்கத் தொடங்குகிறது.

இதனால் ஏற்படும் அறிகுறிகள்:

ஆரம்ப அறிகுறிகள்:

குமட்டல், வாந்தி

தலைவலி

வயிற்று வீக்கம்

குழப்பம்

சோர்வு

நிலை மோசமாவது:

தசை வீக்கம்

தூக்க கலக்கம்

இரட்டைப் பார்வை

வலிப்பு

சுயநினைவு இழப்பு

கோமா

இந்த நிலை செரிப்ரல் எடிமா (Cerebral Edema) என அழைக்கப்படுகிறது. இது உயிருக்கு ஆபத்தானதாக இருக்கலாம்.

யாருக்கு அதிக ஆபத்து?

அதிகமாக தண்ணீர் குடிக்கக்கூடிய சூழ்நிலைகள் பின்வருமாறு:

விளையாட்டு வீரர்கள் (மாரத்தான், கிரிக்கெட், ஃபுட்பால்)

ராணுவ வீரர்கள்

மனநிலை பாதிப்பால் கட்டாயமாக தண்ணீர் குடிக்கும் நபர்கள்

MDMA போன்ற போதை மருந்துகளை உபயோகிக்கும் நபர்கள்

தண்ணீர் குடிக்கும் போட்டிகளில் பங்கேற்பவர்கள்

எவ்வளவு தண்ணீர் குடிப்பது பாதுகாப்பானது?

ஒருவரின், 

உடல் எடை

உடற்பயிற்சி அளவு

வானிலை

சிறுநீரக ஆரோக்கியம்

போன்றவை தண்ணீர் தேவையை நிர்ணயிக்கின்றன.

பொதுவாக ஒரு மணி நேரத்தில் 1 லிட்டருக்கு மேல் தண்ணீர் குடிக்க வேண்டாம்.

தண்ணீர் நச்சுத்தன்மையைத் தவிர்ப்பது எப்படி?

தாகமிருக்கும்போதே தண்ணீர் குடிக்கவும்.

சிறுநீரின் நிறத்தை அடிப்படையாக வைத்து நீர்சத்து அளவை கணிக்கலாம்.

வியர்வை அதிகமாக வரும் சூழ்நிலைகளில், குறைந்த அளவாகவே அடிக்கடி தண்ணீர் குடிக்கவும்.

எலக்ட்ரோலைட் பானங்களை (ORS) பயன்படுத்துவது நல்லது.

கட்டாயமாக தண்ணீர் குடிக்க வைக்கும் நிலைகளை தவிர்க்கவும்.

நமக்கென்ன செய்யணும்?

தண்ணீர் குடிப்பதில் அளவு, நேரம், சூழ்நிலை ஆகியவற்றை கவனித்தாலே இந்த ஆபத்தை தவிர்க்க முடியும். தாகமில்லை என்றால் தண்ணீர் குடிக்க வேண்டிய அவசியமில்லை என்பது இப்போது மருத்துவ ரீதியாகவும் உறுதி செய்யப்பட்டுள்ளது.

இதையும் படிங்க: இனி சிங்க் அடிக்கடி கழுவ வேண்டாம்! இந்த டிப்ஸ் ட்ரை பண்ணுங்! டைம் வேஸ்ட் ஆகாது...