Health Tips: உருளைக்கிழங்கு தோல்களை சீவிடுவீங்களா? இது தெரிஞ்சா இனிமே பண்ணமாட்டிங்க.!

நாம் சாப்பிடும் உருளைக்கிழங்கை சமைக்கும்போது, ஒருசிலர் அதனை சீவி தூக்கி வீசுவதை வழக்கமாக கொண்டுள்ளனர். ஆனால், உண்மையில் அதில் நன்மைகள் இருப்பது தெரியவந்துள்ளது.

ஆரோக்கியத்தை மேம்படுத்தும்:

Potato Peel Benefits: உருளைக்கிழங்கு ஆண்டு முழுவதும் எளிதாக கிடைக்கும் ஒரு பொதுவான வேர் காய்கறியாக இருந்தாலும், அதன் தோல்களில் மறைந்திருக்கும் ஊட்டச்சத்துக்கள் குறித்து பலருக்கு முழுமையான விழிப்புணர்வு இல்லை. பொதுவாக சமையலில் உருளைக்கிழங்கு தோலை அகற்றும் பழக்கம் அதிகமாக உள்ளது. ஆனால், தோலுடன் சேர்த்து சாப்பிடும் போது, உடலுக்கு கிடைக்கும் நார்ச்சத்து, தாதுக்கள், வைட்டமின்கள் மற்றும் பயனுள்ள பைட்டோ கெமிக்கல்கள் பல மடங்கு அதிகரிக்கின்றன. உருளைக்கிழங்கு தோல்கள் ஆரோக்கியத்தை மேம்படுத்தும் பல்வேறு நன்மைகளை வழங்குகின்றன.

இதையும் படிங்க: அன்னாசி பழத்தில் எக்கச்சக்கமாக கொட்டிக்கிடக்கும் பல நன்மைகள்! அவசியம் தெரிஞ்சுக்கோங்க...

இதய ஆரோக்கியம் மேம்பாடு:

உருளைக்கிழங்கு தோல்களில் உள்ள பொட்டாசியம் மற்றும் மெக்னீசியம் இரத்த அழுத்தத்தை சீராக வைத்திருக்க உதவுகின்றன. பொட்டாசியம் இரத்த நாளங்களை தளர்வாக்கி, இதயத்திற்கு அழுத்தம் ஏற்படுவதை குறைக்கிறது. இதனால் இதய நோய் மற்றும் உயர் இரத்த அழுத்த அபாயம் குறைய வாய்ப்பு உள்ளது. இதய ஆரோக்கியத்தை பேண விரும்புபவர்கள், முறையாக கழுவிய உருளைக்கிழங்கை தோலுடன் சேர்த்து உணவில் பயன்படுத்தலாம்.

உடல் எடை குறைக்க:

நார்ச்சத்து அதிகம் உள்ள உருளைக்கிழங்கு தோல்கள் செரிமான அமைப்பிற்கு மிகவும் பயனுள்ளதாக இருக்கின்றன. அவை மலச்சிக்கலைத் தணிக்க உதவுவதுடன், வளர்சிதை மாற்றத்தை மேம்படுத்துகின்றன. வயிற்றை நீண்ட நேரம் நிரம்பிய உணர்வுடன் வைத்திருப்பதால், தேவையற்ற உணவு ஆசை குறைகிறது. இதனால் எடை கட்டுப்பாட்டுக்கும் உருளைக்கிழங்கு தோல்கள் உதவுகின்றன. உடல் எடையை குறைக்க முயற்சிப்பவர்களுக்கு இது ஒரு எளிய உணவு தேர்வாக அமைகிறது.

உடல் சக்தி மேம்படும்:

உடலில் இரும்புச்சத்து குறைபாடு உள்ளவர்களுக்கு உருளைக்கிழங்கை தோலுடன் சாப்பிடுவது கூடுதல் பயன் அளிக்கும். உருளைக்கிழங்கு தோல்களில் உள்ள இரும்பு, இரத்த சிவப்பணுக்களின் உற்பத்திக்கும் ஆக்சிஜன் பரிமாற்றத்திற்கும் உதவுகிறது. வைட்டமின் B3 உடலில் உள்ள செல்கள் ஊட்டச்சத்துகளை ஆற்றலாக மாற்ற உதவுகிறது. இதனால் சோர்வு குறைந்து, உடல் சக்தி மேம்படுகிறது.

எலும்பு, சரும ஆரோக்கியத்துக்கு நல்லது:

உருளைக்கிழங்கு தோல்களில் காணப்படும் கால்சியம், தாமிரம் மற்றும் பாஸ்பரஸ் போன்ற தாதுக்கள் எலும்பு அடர்த்தியை பாதுகாக்கவும், எலும்புகளை வலுப்படுத்தவும் உதவுகின்றன. இது முதியவர்களுக்கும், எலும்பு பலவீனம் ஏற்படும் அபாயம் உள்ளவர்களுக்கும் பயனளிக்கிறது. உருளைக்கிழங்கு தோல்கள் சருமம் மற்றும் முடி ஆரோக்கியத்தையும் மேம்படுத்தும் தன்மை கொண்டவை. நோய்களை எதிர்க்கும் திறனை உயர்த்தும் இந்த ஊட்டச்சத்துக்கள், உடலின் மொத்த ஆரோக்கியத்தை மேம்படுத்துகின்றன. உருளைக்கிழங்கை தோலுடன் சாப்பிடும் முன், நன்கு கழுவி, சுத்தமாக பயன்படுத்துவது அவசியம்.

இதையும் படிங்க: எலும்புக்கு வலுசேர்க்கும், சப்போட்டா பழம்.. மன அழுத்தத்தை குறைக்க உதவும்.!