காலையில் ஒரு டம்ளர் சீரகத் தண்ணீர்… தெரிந்துகொள்ள வேண்டிய முக்கிய நன்மைகள்!

சமையலில் நறுமணத்திற்காக பயன்படுத்தப்படும் சீரகம், பாரம்பரியமாக செரிமானம் உள்ளிட்ட பல்வேறு காரணங்களுக்காகவும் பயன்படுத்தப்பட்டு வருகிறது. சீரகத்தை தண்ணீரில் ஊறவைத்து அல்லது கொதிக்க வைத்து குடிப்பது சிலருக்கு உடலுக்கு நன்மை அளிக்கக்கூடும்.

சீரகத்தில் உள்ள சில இயற்கைச் சேர்மங்கள் செரிமான செயல்பாட்டுக்கு உதவக்கூடும். இதனால் சாப்பிட்ட பிறகு ஏற்படும் வயிற்று உப்புசம், அசௌகரியம் போன்றவை சிலருக்கு குறைய வாய்ப்புள்ளது.

சீரகத்தில் ஆன்டிஆக்ஸிடன்ட் பண்புகள் கொண்ட சேர்மங்கள் உள்ளன. இவை உடலில் ஆக்ஸிடேட்டிவ் அழுத்தத்தால் ஏற்படும் செல்கள் பாதிப்பை எதிர்கொள்ள உதவுகின்றன.

இதையும் படிங்க: சிறுநீரகக் கல் பிரச்சினையா? வீட்டிலேயே பின்பற்றக்கூடிய எளிய டிப்ஸ்!

சில ஆய்வுகளில் சீரகத்தின் குறிப்பிட்ட சேர்மங்கள் ரத்தச் சர்க்கரை கட்டுப்பாட்டில் தாக்கம் ஏற்படுத்தக்கூடும் எனக் கண்டறியப்பட்டுள்ளது. ஆனால் சீரகத் தண்ணீர் மட்டும் சர்க்கரை நோயை கட்டுப்படுத்தும் அல்லது மருந்துக்கு மாற்றாக பயன்படுத்திக் கூடாது.

உடல் எடை குறைக்க விரும்புபவர்கள் தினமும் சீரகத் தண்ணீர் குடிக்கலாம். ஆனால், சீரகத் தண்ணீர் மட்டும் குடிப்பதால் நேரடியாக உடல் எடை குறையும் என்று உறுதியாக கூற முடியாது. சீரான உணவு, போதிய உடற்பயிற்சி மற்றும் தூக்கம் ஆகியவையே எடை குறைக்க முக்கியமானவை என்பது குறிப்பிடத்தக்கது.

ஒரு டீஸ்பூன் சீரகத்தை ஒரு கப் தண்ணீரில் இரவு முழுவதும் ஊறவைத்து காலையில் வடிகட்டி குடிப்பது அல்லது சீரகத்தை தண்ணீரில் கொதிக்க வைத்து ஆறிய பிறகு குடிப்பது போன்ற முறைகளில் குடிக்கலாம். அதிக அளவில் குடிப்பதைத் தவிர்ப்பது நல்லது. குறிப்பாக நீரிழிவு உள்ளிட்ட நீண்டகால நோய்களுக்கு மருந்து எடுத்துக்கொள்பவர்கள், கர்ப்பிணிகள் அல்லது குறிப்பிட்ட உடல்நலப் பிரச்சினைகள் உள்ளவர்கள் தொடர்ந்து பயன்படுத்துவதற்கு முன் மருத்துவரிடம் ஆலோசிப்பது பாதுகாப்பானது.

இதையும் படிங்க: பருக்கள், கருவளையம் தொல்லையா? முகம் பளிச்சென மாற இதோ எளிய வழிகள்!