வாலிபால் விளையாடிக் கொண்டிருந்த 10 ஆம் வகுப்பு மாணவன்! திடீரேன மயங்கி விழுந்து மரணம்...! அதிர்ச்சியில் பெற்றோர்...!!!

சூரத்கல் அருகே நண்பர்களுடன் வாலிபால் விளையாடிக் கொண்டிருந்த 15 வயது பள்ளி மாணவர் திடீரென மயங்கி விழுந்து உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது. மருத்துவமனைக்கு அவசரமாக அழைத்துச் செல்லப்பட்ட போதிலும், மாணவர் ஏற்கனவே உயிரிழந்துவிட்டதாக மருத்துவர்கள் தெரிவித்தனர்.

விளையாடிக் கொண்டிருந்தபோது திடீர் மயக்கம்

உயிரிழந்த மாணவர் சுரிஞ்சே பகுதியைச் சேர்ந்த லிகித் அமீன் என அடையாளம் காணப்பட்டுள்ளார். அவர் அங்குள்ள அரசு உயர்நிலைப் பள்ளியில் பத்தாம் வகுப்பு படித்து வந்தார். ஆட்டோ ரிக்ஷா ஓட்டுநரான மாதவ் அமீனின் மகனான லிகித், சுரிஞ்சே விளையாட்டு மைதானத்தில் நண்பர்களுடன் வாலிபால் விளையாடிக் கொண்டிருந்தபோது திடீரென மைதானத்திலேயே சரிந்து விழுந்துள்ளார்.

மருத்துவமனையில் உயிரிழந்ததாக அறிவிப்பு

இதனால் அதிர்ச்சியடைந்த நண்பர்களும் அங்கிருந்தவர்களும் உடனடியாக அவரை மீட்டு அருகிலுள்ள மருத்துவமனைக்கு கொண்டு சென்றனர். ஆனால் அவரைப் பரிசோதித்த மருத்துவர்கள், அவர் மருத்துவமனைக்கு கொண்டு வரப்படும் முன்பே உயிரிழந்துவிட்டதாக தெரிவித்தனர்.

இதையும் படிங்க: பொண்ணுங்க ட்ரெஸ் அணிந்து.... 3 குழந்தைகளின் தந்தைக்கு நேர்ந்த விபரீதம்! அந்தக் கோலத்தை கண்டு கதறிய குடும்பம்!!!

மரண காரணம் குறித்து விசாரணை

திடீர் மரணம் ஏற்பட்டதற்கான சரியான காரணம் இதுவரை அதிகாரப்பூர்வமாக உறுதி செய்யப்படவில்லை. இதுகுறித்து சம்பந்தப்பட்ட அதிகாரிகள் விசாரணை மேற்கொண்டு வருகின்றனர். லிகித்துக்கு பெற்றோர் மற்றும் இரண்டு சகோதரிகள் உள்ளனர். துடிப்பாக விளையாடிக் கொண்டிருந்த மாணவர் எதிர்பாராத விதமாக உயிரிழந்தது அவரது குடும்பத்தினர், பள்ளி நண்பர்கள் மற்றும் அப்பகுதி மக்களிடையே பெரும் துயரத்தை ஏற்படுத்தியுள்ளது.

இதையும் படிங்க: 4 மாத கர்ப்பிணி மகளை ஆற்றில் தள்ளிவிட்டுக்கொன்ற தந்தை.. திடுக்கிடவைக்கும் காரணம்.. பதறவைக்கும் சோகம்.!