ஐயோ... பாவம்! 2 சுவர்களுக்கு இடையே சிக்கி கொண்ட 70 வயது முதியவர்! உடலை அசைக்க கூட வழியில்லை... 2 மணி நேர போராட்டதுக்கு பிறகு கிடைத்த நிம்மதி! பகீர் வீடியோ..!!!
மகாராஷ்டிராவின் பால்கரில் இரண்டு சுவர்களுக்கு இடையே குறுகிய இடுக்கில் சிக்கிய 70 வயது முதியவரை தீயணைப்புப் படையினர் இரண்டு மணி நேர போராட்டத்துக்குப் பிறகு மீட்டனர்.
by
மகாராஷ்டிர மாநிலம் பால்கர் பகுதியில் 70 வயது முதியவர் ஒருவர் இரண்டு சுவர்களுக்கு இடையிலான குறுகிய இடுக்கில் தவறி விழுந்து சிக்கிக்கொண்டார். ஒரு அடிக்கும் குறைவான அகலம் கொண்ட அந்த இடத்தில் இருந்து அவரால் வெளியே வர முடியவில்லை. தகவல் அறிந்த தீயணைப்புப் படையினர் விரைந்து சென்று சுமார் இரண்டு மணி நேர போராட்டத்துக்குப் பிறகு முதியவரை உயிருடன் மீட்டனர்.
குறுகிய இடுக்கில் சிக்கிய முதியவர்
பால்கர் பகுதியில் உள்ள கட்டிடங்களுக்கு இடையே இருந்த குறுகிய இடத்தில் முதியவர் எதிர்பாராதவிதமாக தவறி விழுந்ததாக கூறப்படுகிறது. இரண்டு சுவர்களுக்கும் இடையில் சிக்கியதால் அவரால் உடலை அசைக்கக்கூட முடியவில்லை. நீண்ட நேரம் அங்கேயே தவித்த அவர், உதவி கேட்டு அலறியுள்ளார்.
இதையும் படிங்க: 43-வது மாடியிலிருந்து குதித்த 35 வயது இளைஞர்! 2 துண்டான உடல்.. அதிரவைக்கும் காரணம்..? கலங்கவைக்கும் சம்பவம்...!!!
சுவரை உடைத்து மீட்பு நடவடிக்கை
முதியவரின் அலறல் சத்தத்தைக் கேட்ட அப்பகுதி மக்கள் உடனடியாக தீயணைப்புத் துறைக்கு தகவல் தெரிவித்தனர். தகவல் கிடைத்ததும் சம்பவ இடத்துக்கு வந்த வீரர்கள், நிலைமையை ஆய்வு செய்து மீட்புப் பணியை தொடங்கினர். குறுகிய இடைவெளி காரணமாக நேரடியாக அவரை வெளியே கொண்டு வர முடியாத நிலையில், ஒரு பக்கச் சுவரை உடைத்து பாதை அமைக்க முடிவு செய்தனர்.
இதையடுத்து சுவரின் ஒரு பகுதியை கவனமாக உடைத்து மீட்புப் பணிகள் மேற்கொள்ளப்பட்டன. சுமார் இரண்டு மணி நேரம் நீடித்த போராட்டத்துக்குப் பிறகு, முதியவர் பாதுகாப்பாக வெளியே கொண்டு வரப்பட்டார். அப்போது அவர் உயிருடன் இருந்தது அப்பகுதி மக்களுக்கும் தீயணைப்புப் படையினருக்கும் நிம்மதியை ஏற்படுத்தியது.
மருத்துவமனையில் சிகிச்சை
மீட்கப்பட்ட முதியவருக்கு லேசான காயங்கள் ஏற்பட்டிருந்ததுடன், உடல்நலக் குறைவும் இருந்ததாக தெரிவிக்கப்பட்டுள்ளது. இதையடுத்து அவர் உடனடியாக அருகிலுள்ள மருத்துவமனைக்கு அழைத்துச் செல்லப்பட்டு சிகிச்சைக்காக அனுமதிக்கப்பட்டார். குறுகிய இடத்தில் சிக்கியவரை துரிதமாக மீட்ட தீயணைப்புத் துறையினரின் நடவடிக்கையை அப்பகுதி மக்கள் பாராட்டினர்.
இதையும் படிங்க: 180 பேரின் உயிர் காத்த மகா வீரனுக்கு 1 கோடி வெகுமதி அளித்த Mankind pharma நிறுவனம்..! விமானிக்கு விழுந்த பாராட்டு மழை..!!!
