நெஞ்சே நடுங்குது...! திடீரென வீசிய பலத்த சூறாவளி.. பல்டி அடித்து பறந்த மரங்கள், வீடுகள்..! பீதியில் உறைந்த கிராம மக்கள்.... பதைபதைக்க வைக்கும் காட்சி..!!!
ஒடிசாவின் ஜகத்சிங்பூர் மாவட்டத்தில் திடீரென வீசிய பலத்த சூறாவளிக் காற்றால் மரங்கள் வேரோடு சாய்ந்தன. வீடும் சேதமடைந்ததால் மக்கள் அச்சமடைந்தனர்.
by
ஒடிசா மாநிலம் ஜகத்சிங்பூர் மாவட்டத்தில் திடீரென வீசிய பலத்த சூறாவளிக் காற்றால் பல இடங்களில் சேதம் ஏற்பட்டுள்ளது. ஏரசமா வட்டத்திற்குட்பட்ட அம்பிகி ஊராட்சியில் மரங்கள் வேரோடு சாய்ந்ததுடன், வீடு ஒன்றும் கடுமையாகப் பாதிக்கப்பட்டது. திடீர் புயல் காற்றால் அப்பகுதி மக்கள் அச்சமடைந்தனர்.
வேரோடு சாய்ந்த மரங்கள்; சேதமடைந்த வீடு
அம்பிகி ஊராட்சியில் திடீரென பலத்த காற்று வீசியது. இதனுடன் கனமழையும் பெய்ததால், அப்பகுதியில் இயல்பு வாழ்க்கை பாதிக்கப்பட்டது. காற்றின் வேகத்தைத் தாங்க முடியாமல் பல மரங்கள் வேரோடு சாய்ந்தன.
இதையும் படிங்க: உங்க பொண்ண கொன்னுட்டேன் மாமா...! நள்ளிரவில் போன் போட்டு மாமனாரை கதறவிட்ட ஆட்டோ டிரைவர்..! நடு அறையில் இருக்கும் உடல்.... பகீர் சம்பவம்..!!!
மேலும், அங்குள்ள இறால் பண்ணை அருகே இருந்த வைக்கோல் கூரை கொண்ட வீடும் புயல் காற்றில் கடுமையாகச் சேதமடைந்தது. எதிர்பாராத நேரத்தில் காற்று வீசியதால் அப்பகுதி மக்கள் செய்வதறியாது திகைத்தனர்.
சேத விவரங்கள் குறித்து தொடர்ந்து ஆய்வு
சூறாவளிக் காற்று சுற்றுவட்டாரப் பகுதிகளையும் தாக்கியதாகக் கூறப்படுகிறது. இதனால் அப்பகுதி முழுவதும் பதற்றமான சூழல் நிலவியது. உயிர்ச்சேதம் அல்லது காயங்கள் ஏற்பட்டுள்ளதா என்பது குறித்து தெரியவில்லை.
புயல் காற்றால் ஏற்பட்ட சேதங்களின் முழு விவரங்களைக் கணக்கிடும் பணி தொடர்ந்து நடைபெற்று வருகிறது. பாதிக்கப்பட்ட பகுதிகளில் ஏற்பட்டுள்ள சேதங்கள் குறித்து அதிகாரப்பூர்வ தகவல்கள் வெளியான பிறகே நிலைமையின் முழு விவரம் தெரியவரும்.
