வா ஒன்னா சாகலாம்! ஓடும் ரயில் முன் பாய்ந்த காதல் ஜோடி! கதறும் 2 குழந்தைகள்.. நெஞ்சை உலுக்கும் பின்னணி..!!!

கர்நாடக மாநிலம் மண்டியா அருகே ஓடும் ரயில் மோதி 25 வயது சஹானா, 23 வயது ராகுல் ஆகிய இருவர் உயிரிழந்தனர். வி.சி.பார்ம் ரயில்வே கேட் அருகே இருவரின் உடல்களும் மீட்கப்பட்டன. இருவரும் ரயில் முன் பாய்ந்து தற்கொலை செய்துகொண்டார்களா என்ற கோணத்தில் ரயில்வே போலீசார் விசாரணை நடத்தி வருகின்றனர்.

குடும்பத் தகராறால் மண்டியாவுக்கு வந்த சஹானா

மண்டியாவைச் சேர்ந்த சஹானா, எட்டு ஆண்டுகளுக்கு முன்பு வீரேஷ் என்ற ஆட்டோ ஓட்டுநரை காதலித்து திருமணம் செய்துகொண்டார். இந்தத் தம்பதிக்கு 6 வயதில் மகளும், 2 வயதில் மகனும் உள்ளனர். குடும்பத்துடன் பெங்களூரு மாதநாயக்கனஹள்ளியில் வசித்து வந்த சஹானாவுக்கு, அதே கட்டிடத்தில் குடியிருந்த ராகுல் என்ற இளைஞருடன் பழக்கம் ஏற்பட்டதாகக் கூறப்படுகிறது.

இதையும் படிங்க: என்ன சுத்தி நிறையா பேர் இருக்காங்க... எனக்கு ரொம்ப பயமா இருக்கு! நள்ளிரவில் குடும்பத்தினரிடம் கதறிய இளம்பெண்ணுக்கு... சில மணி நேரத்தில் நேர்ந்த அதிர்ச்சி! அடுத்தடுத்து வெளியாகும் திடுக்கிடும் தகவல்கள்..!!!

இந்தப் பழக்கம் குறித்து கணவருக்குத் தெரியவந்ததைத் தொடர்ந்து, சஹானாவுக்கும் வீரேஷுக்கும் இடையே அடிக்கடி தகராறு ஏற்பட்டுள்ளது. குடும்பத்தினர் தலையிட்டு சமாதானம் செய்தும் பிரச்சினை முடிவுக்கு வரவில்லை. சமீபத்தில் மீண்டும் தகராறு ஏற்பட்டதால், சஹானா பெங்களூருவில் இருந்து வெளியேறி மண்டியாவில் உள்ள தனது பெற்றோர் வீட்டுக்குச் சென்றுள்ளார்.

வி.சி.பார்ம் ரயில் தண்டவாளத்தில் இருவரும் சடலமாக மீட்பு

இந்த நிலையில், ராகுலும் மண்டியாவுக்கு  வி.சி.பார்ம் ரயில் கேட் அருகே ஓடும் ரயில் மோதி இருவரும் உயிரிழந்த நிலையில் கண்டெடுக்கப்பட்டனர். இருவரும் ரயில் முன் பாய்ந்து தற்கொலை செய்திருக்கலாம் எனச் சந்தேகிக்கப்படுகிறது. இருப்பினும், அவர்களின் மரணத்துக்கான காரணம் இன்னும் உறுதி செய்யப்படவில்லை.

ரயில்வே போலீசார் விசாரணை

தகவலறிந்து சம்பவ இடத்துக்கு வந்த மண்டியா ரயில்வே போலீசார், இருவரின் உடல்களையும் மீட்டு மிம்ஸ் மருத்துவமனைக்கு அனுப்பி வைத்தனர். அங்கு வந்த குடும்பத்தினர், இருவரின் உடல்களைப் பார்த்து கதறி அழுதனர்.

இதுகுறித்து வழக்குப் பதிவு செய்துள்ள ரயில்வே போலீசார், இருவரும் உயிரிழந்த சூழல் மற்றும் அதற்கான காரணம் குறித்து தொடர்ந்து விசாரணை நடத்தி வருகின்றனர்.

இதையும் படிங்க: தற்கொலை முடிவை எடுத்து ஆற்றில் குதித்த பெண்...! முதலை செய்த செயலால் மனம் மாறி... பெண்ணே சொன்ன அந்த வார்த்தை! விசித்திர சம்பவம்...!!!