அய்யோ... கடவுளே! இப்படி நடக்கும்ன்னு யாரும் நினைக்கல... நள்ளிரவில் பரவிய நச்சு வாயு! ஒரே இரவில் உயிரிழந்த 2 மகள்கள்.... பின்னணியில் வெளியான அதிர்ச்சி உண்மை..!!!

மராட்டிய மாநிலம் நாந்தெட் மாவட்டத்தில் பூச்சிக்கொல்லி நச்சுவாயு தாக்கியதில் விவசாயியின் இரண்டு பெண் குழந்தைகள் உயிரிழந்த சம்பவம் சோகத்தை ஏற்படுத்தியுள்ளது. வீட்டின் அறையில் கொண்டைக்கடலையை சேமித்து வைத்திருந்த நிலையில் இந்த துயரம் நிகழ்ந்துள்ளது. காற்றோட்டமின்றி அறை மூடப்பட்டிருந்ததால் நச்சுவாயு பரவியதாக கூறப்படுகிறது.

அறைக்குள் சேமித்து வைக்கப்பட்ட கொண்டைக்கடலை

நாந்தெட் மாவட்டம் பாலாப்பூர் பகுதியைச் சேர்ந்த விவசாயி மல்லேஷ் தேபேகர், தனது தோட்டத்தில் அறுவடை செய்த கொண்டைக்கடலையை வீட்டின் ஒரு அறையில் சேமித்து வைத்திருந்தார். தானியங்கள் பூச்சிகளால் பாதிக்கப்படாமல் இருக்க அவற்றில் பூச்சிக்கொல்லி மருந்து கலந்திருந்ததாக தெரிகிறது.

இதையும் படிங்க: பெண்ணின் தில்லாலங்கடி வேலை... முகத்தை மூடி குழந்தையைக் கடத்தி ஓட்டம் பிடித்த பெண்! இறுதியில் நடந்த பெரிய ட்விஸ்ட்.... சிக்கிய சிசிடிவி காட்சி!!!

சம்பவத்தன்று இரவு மல்லேஷ், தனது மனைவி மற்றும் இரண்டு மகள்களான ஆரோகி, ஆராத்யா ஆகியோருடன் அதே அறையில் தூங்கியுள்ளார். அப்போது கதவு, ஜன்னல்கள் அனைத்தும் மூடப்பட்டிருந்ததால் அறைக்குள் போதிய காற்றோட்டம் இல்லை.

நள்ளிரவில் ஏற்பட்ட மூச்சுத்திணறல்

காற்றோட்டம் இல்லாத நிலையில் தானியங்களில் பயன்படுத்தப்பட்ட பூச்சிக்கொல்லி நச்சுவாயு மெல்ல அறை முழுவதும் பரவியதாக கூறப்படுகிறது. நள்ளிரவில் அந்த வாயுவை சுவாசித்த குடும்பத்தினருக்கு திடீரென மூச்சுத்திணறல் ஏற்பட்டதுடன், வாந்தியும் எடுத்துள்ளனர்.

நச்சுவாயுவின் தாக்கம் அதிகமாக இருந்ததால் இரண்டு சிறுமிகளும் மயங்கி விழுந்தனர். இதனால் அதிர்ச்சியடைந்த பெற்றோர் இருவரையும் உடனடியாக மருத்துவமனைக்கு அழைத்துச் சென்றனர். ஆனால், அங்கு பரிசோதித்த மருத்துவர்கள் சிறுமிகள் ஏற்கனவே உயிரிழந்துவிட்டதாக தெரிவித்தனர்.

கிராமமே சோகத்தில் மூழ்கியது

இரு குழந்தைகளின் உயிரிழப்பு பாலாப்பூர் கிராமத்தில் பெரும் சோகத்தை ஏற்படுத்தியுள்ளது. தகவல் அறிந்த உறவினர்களும், கிராம மக்களும் குடும்பத்தினருக்கு ஆறுதல் தெரிவித்தனர். பின்னர் நச்சுவாயு தாக்குதல் காரணமாக உயிரிழந்த சிறுமிகளுக்கு கண்ணீர் மல்க இறுதி அஞ்சலி செலுத்தப்பட்டது.

இதையும் படிங்க: பள்ளியில் இருந்து திடீரேன வெளியேறிய 7 ஆம் வகுப்பு மாணவி! பையில் சிக்கிய அந்த ஒரு கடிதம்… நடந்தது என்ன? பின்னணி பகீர் காரணம்!!!