மனைவியை சந்தேகப்பட்டு வீட்டில் ரகசிய கேமரா வச்ச வக்கீல்! இறுதியில் நடந்த பெரிய ட்விஸ்ட்... சிசிடிவியால் வெளிவந்த அதிர்ச்சி உண்மை..!!!

ராஜஸ்தான் மாநிலம் ஜெய்ப்பூரில், வீட்டில் நகைகள் திருடுபோனது தொடர்பான விசாரணையில் ரகசிய கேமரா முக்கிய ஆதாரமாக அமைந்தது. மனைவி மீது சந்தேகம் கொண்ட வழக்கறிஞர் ஒருவர், அவருக்குத் தெரியாமல் அறை விளக்கில் சிறிய கேமராவைப் பொருத்தியிருந்தார். அதில் பதிவான காட்சிகளை ஆய்வு செய்தபோது, நகைகளைத் திருடியது மனைவிதான் எனத் தெரியவந்தது. இதையடுத்து அவர் அளித்த புகாரின் பேரில் போலீசார் நடவடிக்கை எடுத்துள்ளனர்.

நகைகள் காணாமல் போனதால் சந்தேகம்

ஜெய்ப்பூரில் வசிக்கும் அந்த வழக்கறிஞர், தனது மனைவியின் நடவடிக்கைகள் மீது சந்தேகம் கொண்டிருந்ததாகக் கூறப்படுகிறது. இதனால், வீட்டின் அறை விளக்கில் யாருக்கும் தெரியாத வகையில் சிறிய ரகசிய கேமராவைப் பொருத்தியுள்ளார். கேமரா பொருத்தப்பட்ட இரண்டு நாட்களுக்குள் வீட்டில் இருந்த விலைமதிப்பற்ற நகைகள் காணாமல் போயுள்ளன.

இதையும் படிங்க: கணவனின் கனவு வீட்டில் தொடங்கிய ரகசிய உறவு! பெயிண்ட் அடிக்க வந்த பெயிண்டருடன் மனைவி இருந்த அந்த கோலம்... கணவனுக்கு நேர்ந்த பயங்கரம்..! இறுதியில் அம்பலமான் அதிர்ச்சி பின்னணி..!!!

நகைகளைத் தேடிய மனைவி, அவை திருடுபோய்விட்டதாகக் கூறி அழுததாகத் தகவல் தெரிவிக்கிறது. இதனால் சந்தேகமடைந்த கணவர், கேமராவில் பதிவான காட்சிகளை ஆய்வு செய்துள்ளார்.

கேமரா பதிவுகளின் அடிப்படையில் போலீசில் புகார்

கேமரா காட்சிகளில் மனைவியே நகைகளை எடுத்ததாகத் தெரிந்ததைத் தொடர்ந்து, வழக்கறிஞர் காவல்துறையினரைத் தொடர்புகொண்டு புகார் அளித்துள்ளார். அவர் வழங்கிய பதிவுகளை அடிப்படையாகக் கொண்டு போலீசார் விசாரணை நடத்தி, பெண்ணைக் கைது செய்ததாகக் கூறப்படுகிறது.

நகைகளை மற்றொருவரிடம் கொடுத்ததாக வாக்குமூலம்

போலீஸ் விசாரணையின்போது, நகைகளைத் திருடி தனது காதலனிடம் கொடுத்ததாக அந்தப் பெண் தெரிவித்துள்ளார். அவருக்குப் பணம் அவசரமாகத் தேவைப்பட்டதால் நகைகளை எடுத்ததாகவும் கூறியுள்ளார். இதற்கிடையே, தலைமறைவாக இருப்பதாகக் கூறப்படும் அந்த நபரைப் போலீசார் தேடி வருகின்றனர்.

இந்த வழக்கில் கேமரா பதிவுகள் உள்ளிட்ட ஆதாரங்களை போலீசார் ஆய்வு செய்து வருகின்றனர். ரகசியமாகப் பொருத்தப்பட்ட கேமரா மூலம் நகை திருட்டு வெளிச்சத்துக்கு வந்ததாக வெளியாகியுள்ள தகவல் அப்பகுதியில் பரபரப்பை ஏற்படுத்தியுள்ளது.

இதையும் படிங்க: வெளிநாட்டிலிருந்து வந்த கணவனுக்கு உண்மை தெரிந்திடுமோ..! இரவில் தூங்கிய கணவனுக்கு நடந்த அதிர்ச்சி! மனைவியின் மகா நடிப்பு நாடகம்... கால் ரெக்கார்ட்டில் சிக்கிய உண்மை பின்னணி...!!!