வேலை முடிந்து வீட்டுக்கு போக கால் டாக்ஸிக்காக காத்திருந்த இளம்பெண்ணுக்கு நடந்த அதிர்ச்சி! ஐடி நிறுவன வாசலில் நடந்த பயங்கரம்... பகீர் சம்பவம்..!!!
ஹைதராபாத் கச்சிபவுலியில் பணிமுடிந்து வீடு திரும்ப கால் டாக்ஸிக்காக காத்திருந்த பெண்ணிடம் அத்துமீறிய பாதுகாவலர் கைது செய்யப்பட்டார்.
by
தெலுங்கானா மாநிலம் ஹைதராபாத் கச்சிபவுலியில் உள்ள தனியார் தகவல் தொழில்நுட்ப நிறுவனத்தில் பணிபுரியும் பெண்ணிடம், அதே நிறுவனத்தின் பாதுகாப்புப் பணியாளர் அத்துமீறிய சம்பவம் அதிர்ச்சியை ஏற்படுத்தியுள்ளது. பணிமுடிந்து வீடு திரும்ப கால் டாக்ஸிக்காக காத்திருந்தபோது, அந்தப் பெண்ணை வலுக்கட்டாயமாக இழுத்து முத்தமிட்டதாக கூறப்படுகிறது. புகாரின் பேரில் விசாரணை நடத்திய போலீசார், குற்றச்சாட்டுக்குள்ளான ராஜ்குமாரை கைது செய்துள்ளனர்.
கால் டாக்ஸிக்காக காத்திருந்த பெண்ணிடம் அத்துமீறல்
பணி முடிந்ததும் அந்தப் பெண் நிறுவன வளாகத்தில் இருந்து வீட்டுக்குச் செல்வதற்காக கால் டாக்ஸியை எதிர்பார்த்து காத்திருந்தார். அப்போது அங்கு பாதுகாப்புப் பணியில் இருந்த ஜார்க்கண்டைச் சேர்ந்த ராஜ்குமார், திடீரென அவரை வலுக்கட்டாயமாக இழுத்ததாகவும், பின்னர் அத்துமீறி முத்தமிட்டதாகவும் தெரிவிக்கப்பட்டுள்ளது.
எதிர்பாராத செயலால் அதிர்ச்சியடைந்த பெண் உடனடியாக கூச்சலிட்டார். இதையடுத்து அங்கிருந்து ராஜ்குமார் தப்பியோடியதாக கூறப்படுகிறது.
சிசிடிவி காட்சிகளை ஆய்வு செய்த போலீசார்
நடந்ததைத் தொடர்ந்து பாதிக்கப்பட்ட பெண் கச்சிபவுலி காவல் நிலையத்தில் புகார் அளித்தார். அதன் அடிப்படையில் வழக்குப்பதிவு செய்த போலீசார், நிறுவன வளாகத்தில் பொருத்தப்பட்டிருந்த CCTV காட்சிகளை ஆய்வு செய்தனர். காட்சிகளில் நடந்த சம்பவம் தொடர்பான விவரங்கள் பதிவாகியிருந்ததாக போலீசார் தெரிவித்தனர்.
தலைமறைவான பாதுகாவலர் கைது
இதையடுத்து ராஜ்குமாரை தேடும் பணியில் போலீசார் ஈடுபட்டனர். தப்பியோடி தலைமறைவாக இருந்த அவரை பிடித்த போலீசார் கைது செய்து நீதிமன்றத்தில் ஆஜர்படுத்திய பின்னர் சிறையில் அடைத்தனர். சம்பவம் தொடர்பாக தொடர்ந்து விசாரணை நடைபெற்று வருகிறது.
பணியிடங்களில் பெண்களின் பாதுகாப்பு தொடர்பாக எழும் புகார்களை போலீசார் தீவிரமாக விசாரித்து வரும் நிலையில், கச்சிபவுலியில் நடந்த இந்த வழக்கிலும் பாதுகாப்புப் பணியாளர் கைது செய்யப்பட்டிருப்பது குறிப்பிடத்தக்கது.
இதையும் படிங்க: என்னா ஒரு ஸ்பீடு... காரும் - மோட்டார் சைக்கிளும் நேருக்கு நேர் மோதியதால் கோர விபத்து! 4 பேர் துடிதுடித்து பலியான சோகம்... பகீர் வீடியோ...!!!
