வீட்டுக்குள்ளே வராதே மகளே..... உயிர் பிரியும் நேரத்திலும் தனது மகளின் உயிரை காத்த தந்தை! கடைசி நிமிடத்தில் கதவில் எழுதிய எச்சரிக்கை குறிப்பு..!!!

குஜராத் மாநிலத்தின் காந்திநகர் அருகே நிதி நெருக்கடியில் சிக்கியிருந்த குடும்பத் தலைவர் உயிரிழந்த சம்பவம் சோகத்தை ஏற்படுத்தியுள்ளது. உயிரிழப்பதற்கு முன் தனது மகளின் பாதுகாப்பைக் கருத்தில் கொண்டு அவர் வீட்டின் கதவில் எழுதியிருந்த எச்சரிக்கைக் குறிப்பு தற்போது கவனம் பெற்றுள்ளது. சம்பவம் தொடர்பாக போலீசார் விசாரணை நடத்தி வருகின்றனர்.

வேலை இழப்பால் மன அழுத்தம்

காந்திநகரின் குடாசன் பகுதியில் வசித்து வந்த 42 வயதான பங்கஜ் பன்சாலி, கடந்த ஐந்து மாதங்களுக்கு முன்பு தனது வேலையை இழந்ததாகக் கூறப்படுகிறது. இதையடுத்து கடுமையான நிதிச் சிக்கல்கள் மற்றும் கடன் பிரச்சினைகளால் அவர் மன உளைச்சலில் இருந்ததாக ஆரம்பகட்ட தகவல்கள் தெரிவிக்கின்றன.

இதையும் படிங்க: என்னால இனிமே தாங்க முடியாது! 6 வயது மகளை கொன்றுவிட்டு தந்தை செய்த கொடூரம்! வீடு திரும்பிய தாய்க்கு காத்திருந்த பேரதிர்ச்சி!

வீட்டில் யாரும் இல்லாத நேரத்தில் அவர் தற்கொலை செய்து கொண்டதாக போலீசார் தெரிவித்துள்ளனர். சம்பவத்திற்கு முன்பாக தனது குடும்பத்தினருக்காக சில குறிப்புகளையும் அவர் எழுதி வைத்திருந்ததாக கூறப்படுகிறது.

மகளுக்காக எழுதிய எச்சரிக்கை

வீட்டிற்கு வரும் தனது மகள் மான்வி எந்த பாதிப்பும் அடையக் கூடாது என்பதற்காக, வீட்டின் வெளிக்கதவில் ஒரு எச்சரிக்கைக் குறிப்பை பங்கஜ் ஒட்டியிருந்தார். அதில் வீட்டிற்குள் வர வேண்டாம் என்றும், பாதுகாப்புடன் இருக்க வேண்டும் என்றும் அவர் குறிப்பிட்டிருந்ததாகத் தகவல்கள் தெரிவிக்கின்றன.

தனது கடினமான சூழ்நிலையிலும் மகளின் நலனையே முதன்மையாக நினைத்து அவர் இந்தக் குறிப்பை எழுதியிருந்தது உறவினர்களை நெகிழ்ச்சியடையச் செய்துள்ளது.

உறவினர்களுக்கு ஏற்பட்ட சந்தேகம்

கடந்த மே 22 முதல் பங்கஜின் செல்போன் தொடர்பு கொள்ள முடியாத நிலையில் இருந்ததாக கூறப்படுகிறது. இதனால் சந்தேகமடைந்த உறவினர்கள் மே 27 அன்று வீட்டிற்கு வந்தபோது கதவில் ஒட்டப்பட்டிருந்த குறிப்பைக் கண்டு அதிர்ச்சியடைந்தனர்.

இதையடுத்து போலீசாருக்கு தகவல் அளிக்கப்பட்டது. சம்பவ இடத்திற்குச் சென்ற அதிகாரிகள் வீட்டைத் திறந்து சோதனை நடத்தியபோது அவர் உயிரிழந்திருந்தது உறுதி செய்யப்பட்டது. குஜராத் போலீசார் வழக்குப் பதிவு செய்து, சம்பவத்தின் பின்னணி குறித்து தொடர்ந்து விசாரணை மேற்கொண்டு வருகின்றனர்.

இதையும் படிங்க: குழந்தை இழப்பினால் குறையாத துக்கம்! விபரீத முடிவெடுத்த தாயும் மகளும்.. வீடு திரும்பிய கணவருக்கு காத்திருந்த பேரதிர்ச்சி!