விவசாய நிலத்தில் கிடந்த 6 வயது சிறுமியின் உடல்! CCTV யை ஆய்வு செய்த அதிகாரிகளுக்கு காத்திருந்த அதிர்ச்சி! நடுநடுங்க வைக்கும் வீடியோ...!!!

குஜராத்தின் ஜூனாகாத் மாவட்டம் மெண்டர்டா தாலுகாவுக்கு உட்பட்ட தேட்காடியா கிராமத்தில் ஆறு வயது சிறுமியை சிறுத்தை தாக்கி கொன்ற சம்பவம் அதிர்ச்சியை ஏற்படுத்தியுள்ளது. விளையாடச் சென்ற சிறுமியை சிறுத்தை தாக்கி தூக்கிச் சென்றதாக முதற்கட்ட தகவல்கள் தெரிவிக்கின்றன. பின்னர் அருகிலுள்ள விவசாய நிலத்தில் சிறுமியின் உடல் மீட்கப்பட்டது.

விளையாடச் சென்ற சிறுமியை தூக்கிச் சென்ற சிறுத்தை

தேட்காடியா கிராமத்தில் சிறுமி விளையாடச் சென்றபோது, அங்கு திடீரென சிறுத்தை வந்ததாக கூறப்படுகிறது. எதிர்பாராத நேரத்தில் சிறுமியை தாக்கிய சிறுத்தை, அவரை தூக்கிச் சென்றுள்ளது. இதையடுத்து குடும்பத்தினர் மற்றும் கிராம மக்கள் சிறுமியை தேடும் பணியில் ஈடுபட்டனர்.

இதையும் படிங்க: மொத்த குடும்பமே போச்சே... கனமழையால் நள்ளிரவில் இடிந்து விழுந்த வீடு! தூக்கத்திலேயே பிரிந்த மூவரின் உயிர்! கிராமமே பெரும் சோகத்தில்...!!!

சிறிது நேரத்துக்குப் பிறகு, அருகில் உள்ள விவசாய நிலத்தில் சிறுமி சடலமாக கிடந்தது கண்டுபிடிக்கப்பட்டது. தகவல் அறிந்து சம்பவ இடத்துக்கு வந்த போலீசார் மற்றும் வனத்துறையினர், உடலை மீட்டு அடுத்தகட்ட விசாரணையை தொடங்கினர்.

சிசிடிவி காட்சிகளை ஆய்வு செய்யும் அதிகாரிகள்

சிறுமியை சிறுத்தை தாக்கியதாக கூறப்படும் காட்சிகள் அப்பகுதியில் பொருத்தப்பட்டிருந்த கண்காணிப்பு கேமராவில் பதிவாகியுள்ளதாக தெரிவிக்கப்பட்டுள்ளது. இந்த சிறுத்தை தாக்குதல் தொடர்பான வீடியோ காட்சிகள் தற்போது விசாரணையில் முக்கிய ஆதாரமாக பார்க்கப்படுகின்றன.

இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர். அதேநேரம், வனத்துறை அதிகாரிகளும் சிசிடிவி பதிவுகளை ஆய்வு செய்து, கிராமத்துக்குள் நுழைந்த சிறுத்தையின் நடமாட்டத்தை கண்டறியும் பணியில் ஈடுபட்டுள்ளனர்.

சிறுத்தையை பிடிக்க வனத்துறை தீவிர கண்காணிப்பு

சிறுமி உயிரிழந்ததைத் தொடர்ந்து தேட்காடியா மற்றும் சுற்றுவட்டார கிராமங்களில் மக்கள் அச்சமடைந்துள்ளனர். இதனால் பொதுமக்களின் பாதுகாப்பை உறுதி செய்ய வனத்துறை சார்பில் சிறப்பு நடவடிக்கைகள் மேற்கொள்ளப்பட்டு வருகின்றன.

சிறுத்தையை கண்டறிந்து பிடிப்பதற்காக கூண்டுகள் அமைப்பதுடன், கூடுதல் கண்காணிப்பு கேமராக்கள் பொருத்தவும் திட்டமிடப்பட்டுள்ளது. வனத்துறை ஊழியர்களைக் கொண்ட சிறப்புக் குழுக்கள் அமைக்கப்பட்டு, கிராமம் மற்றும் அதைச் சுற்றியுள்ள பகுதிகளில் தீவிர கண்காணிப்பு மேற்கொள்ளப்பட உள்ளது. வனத்துறை அதிகாரிகள் சிறுத்தையின் நடமாட்டத்தை தொடர்ந்து கண்காணித்து வருகின்றனர்.

இதையும் படிங்க: கல்யாணியை 10 துண்டுகளாக வெட்டி கால்வாயில் வீசிய கொடூரம்! விசாரணையில் வெளிவந்த அதிர்ச்சி உண்மை! பகீர் சம்பவம்..!!!