சாதாரண பரிசோதனைக்குச் சென்ற கர்ப்பிணிக்கு மருத்துவமனையில் நடந்த கொடூரம்! அனுமதியின்றி செய்த சிசேரியன்... 5 மணி நேர ரகசியத்திற்கு பின் பெண் பரிதாப மரணம்! நடுங்க வைக்கும் சம்பவம்...!!!
உத்தரப்பிரதேசம் கோண்டாவில் சிசேரியன் அறுவை சிகிச்சைக்குப் பிறகு 25 வயது பெண் உயிரிழந்தார். மருத்துவமனை மீது குடும்பத்தினர் புகார் அளித்துள்ளனர்.
by
உத்தரப்பிரதேச மாநிலம் கோண்டாவில் உள்ள நூர் பிரசவ மையத்தில் சிசேரியன் அறுவை சிகிச்சைக்குப் பிறகு 25 வயது பெண் உயிரிழந்தது அதிர்ச்சியை ஏற்படுத்தியுள்ளது. சாதாரண பரிசோதனைக்காக அழைத்து வரப்பட்ட தனது மனைவிக்கு, குடும்பத்தினரின் அனுமதியின்றி அறுவை சிகிச்சை செய்யப்பட்டதாக கணவர் சூரஜ் குற்றம் சாட்டியுள்ளார். தற்போது போலீசார் வழக்குப்பதிவு செய்து விசாரணை நடத்தி வருகின்றனர்.
சாதாரண பரிசோதனைக்காக வந்த பெண்ணுக்கு சிசேரியன்
கோண்டாவைச் சேர்ந்த சங்கீதா (25), நூர் பிரசவ மையத்திற்கு பரிசோதனைக்காக அழைத்து வரப்பட்டதாக கூறப்படுகிறது. அங்கு அவருக்கு சிசேரியன் அறுவை சிகிச்சை மேற்கொள்ளப்பட்டது. ஆனால், இதற்காக தங்களிடம் முறையான அனுமதி பெறப்படவில்லை என அவரது கணவர் சூரஜ் புகார் தெரிவித்துள்ளார்.
இதையும் படிங்க: அடி ஆத்தீ.. வயலில் புல் வெட்டிய விவசாயியின் கை, கழுத்தை சுற்றி இறுக்கி கொண்ட ராட்சத மலைப்பாம்பு..! உயிருக்கு போராடிய நிலை... அதிர்ச்சி காட்சி!!!
குழந்தை பிறந்த சில மணி நேரத்தில் உயிரிழப்பு
அறுவை சிகிச்சைக்குப் பிறகு குழந்தை பிறந்த நிலையில், சங்கீதாவை பார்க்க குடும்பத்தினருக்கு சுமார் 4 முதல் 5 மணி நேரம் அனுமதி மறுக்கப்பட்டதாக கூறப்படுகிறது. அதன் பின்னரே அவர் உயிரிழந்துவிட்டதாக குடும்பத்தினரிடம் தெரிவிக்கப்பட்டதாக கணவர் தெரிவித்துள்ளார்.
மேலும், சங்கீதா கடுமையான ரத்த சோகையால் பாதிக்கப்பட்டிருந்ததாகவும், அறுவை சிகிச்சைக்கு முன்பு தேவையான மருத்துவப் பரிசோதனைகள் முறையாக மேற்கொள்ளப்படவில்லை என்றும் குடும்பத்தினர் குற்றம்சாட்டியுள்ளனர். உயிரிழப்புக்கான சரியான காரணம் குறித்து பிரேதப் பரிசோதனை அறிக்கைக்குப் பிறகே தெளிவான தகவல் கிடைக்கும் என எதிர்பார்க்கப்படுகிறது.
மருத்துவக் குழு விசாரணைக்கு உத்தரவு
புகாரைத் தொடர்ந்து போலீசார் வழக்குப்பதிவு செய்து சங்கீதாவின் உடலை பிரேதப் பரிசோதனைக்காக அனுப்பி வைத்துள்ளனர். இதற்கிடையில், கோண்டா மாவட்ட முதன்மை மருத்துவ அலுவலர் டாக்டர் சாந்த்லால் படேல், மருத்துவக் குழு மூலம் விரிவான விசாரணை நடத்த உத்தரவிட்டுள்ளார். மருத்துவமனை விசாரணை முடிவில் அறுவை சிகிச்சைக்கு முன்பும், பின்னரும் மேற்கொள்ளப்பட்ட சிகிச்சை முறைகள் குறித்து முக்கிய தகவல்கள் வெளியாகும் என அதிகாரிகள் தெரிவித்துள்ளனர்.
