விளையாடும்போது நொடியில் நடந்த விபரீதம்! ஒரே ஒரு சின்ன கிராம்பால் 6 மாத ஆண் குழந்தை பரிதாபமாக உயிரிழப்பு! நெஞ்சை உலுக்கும் சம்பவம்.!!!

உத்தரப் பிரதேச மாநிலம் அயோத்தி மாவட்டத்தில் 6 மாதக் குழந்தை வாயில் போட்ட கிராம்பு தொண்டையில் சிக்கி உயிரிழந்த சம்பவம் பெரும் சோகத்தை ஏற்படுத்தியுள்ளது. மூச்சுத்திணறலால் அவதிப்பட்ட குழந்தையை பெற்றோர் உடனடியாக மருத்துவமனைக்கு அழைத்துச் சென்றாலும், சிகிச்சை பலனளிக்கவில்லை.

அயோத்தி மாவட்டத்தின் பிகாபூர் பகுதியில் உள்ள குவாந்தாட் கிராமத்தைச் சேர்ந்த சோப்நாத் என்பவரின் 6 மாத மகன் ஆரவ், வீட்டில் விளையாடிக் கொண்டிருந்ததாக கூறப்படுகிறது. அப்போது வீட்டில் இருந்த ஒரு கிராம்பை எடுத்து வாயில் போட்டதாக தகவல் வெளியாகியுள்ளது.

இதையும் படிங்க: சேலையில் ஊஞ்சல் விளையாடிய 12 வயது சிறுவன்! நொடிப்பொழுத்தில் நடந்த விபரீதம்! பெரும் சோகம்!

தொண்டையில் சிக்கிய கிராம்பு

விளையாடிக் கொண்டிருந்தபோது வாயில் போட்ட கிராம்பு திடீரென குழந்தையின் தொண்டையில் மாட்டிக் கொண்டது. இதனால் மூச்சு விடுவதில் கடுமையான சிரமம் ஏற்பட்டதுடன், சிறிது நேரத்தில் குழந்தை தொடர்ந்து அழத் தொடங்கியுள்ளது. நிலைமை மோசமடைவதை உணர்ந்த பெற்றோர் உடனடியாக மருத்துவ உதவியை நாடினர்.

மருத்துவமனையில் பரிதாப முடிவு

இதையடுத்து குழந்தை பிகாபூர் சமூக சுகாதார மையத்திற்கு கொண்டு செல்லப்பட்டது. அங்கு மருத்துவர்கள் பரிசோதனை செய்தபோது, குழந்தை ஏற்கனவே உயிரிழந்துவிட்டதாக தெரிவித்தனர். மருத்துவர் அதுல் மிஸ்ரா இதை உறுதிப்படுத்தியதாக கூறப்படுகிறது.

மருத்துவர்களின் முக்கிய எச்சரிக்கை

ஆரவ் அந்த குடும்பத்தின் ஒரே ஆண் குழந்தை என்பதால், அவனது மரணம் குடும்பத்தினரையும் கிராம மக்களையும் சோகத்தில் ஆழ்த்தியுள்ளது. சிறிய குழந்தைகள் அருகில் சிறிய பொருட்கள் மற்றும் உணவுப் பொருட்களை வைக்காமல் இருக்க வேண்டும் என்றும், அவர்கள் விளையாடும் நேரங்களில் தொடர்ந்து கண்காணிப்பது அவசியம் என்றும் மருத்துவர்கள் அறிவுறுத்தியுள்ளனர்.

இதையும் படிங்க: குழந்தையின் தொண்டையில் சிக்கிய ஆப்பிள்.. பரிதவித்த பெற்றோர்.. இறுதியில் இன்ப அதிர்ச்சி.!