வீட்டின் அருகே விளையாடி கொண்டிருந்த சிறுமி! விளையாட்டு தனமாக கார் உள்ளே போனதால் நேர்ந்த விபரீதம்...! துடி துடித்து இறந்த பஞ்சாயத்து தலைவரின் மகள்...!!!

தெலங்கானா மாநிலம் பத்ராத்ரி கொத்தகூடெம் மாவட்டத்தில், நிறுத்தப்பட்டிருந்த காருக்குள் சிக்கிய 4 வயது சிறுமி மூச்சுத்திணறி பரிதாபமாக உயிரிழந்தார். ஜூலூருபாடு மண்டலம் வினோபா நகர் கிராமத்தில் இந்த துயர சம்பவம் நடந்துள்ளது. வீட்டின் அருகே விளையாடிக் கொண்டிருந்த சிறுமி தான்விஸ்ரீ, யாருக்கும் தெரியாமல் காருக்குள் சென்ற நிலையில் கதவு பூட்டிக்கொண்டதாக கூறப்படுகிறது.

நீண்ட நேரமாகியும் வீடு திரும்பாத சிறுமி

வினோபா நகர் கிராம பஞ்சாயத்து தலைவர் கங்காவத் நவீனின் மகளான தான்விஸ்ரீ, வீட்டின் அருகே விளையாடிக் கொண்டிருந்தார். சிறிது நேரத்தில் குழந்தையை காணாததால் பெற்றோர் மற்றும் குடும்பத்தினர் பதற்றமடைந்தனர். அக்கம் பக்கத்தில் தேடியும் தகவல் கிடைக்காததால், பல்வேறு இடங்களில் தீவிரமாக தேடினர்.

இதையும் படிங்க: பெத்து வளர்த்த 2 புள்ளையும் இப்போ இல்லையே...! 4 வயது தங்கையை காப்பாற்ற சென்ற அக்கா...! நொடிப்பொழுதில் நடந்த அதிர்ச்சி...! கதறும் குடும்பத்தினர்...!!!

காருக்குள் மயங்கிய நிலையில் மீட்பு

சுமார் இரண்டு மணி நேர தேடுதலுக்குப் பிறகு, அப்பகுதியினர் நிறுத்தப்பட்டிருந்த காரை சோதனையிட்டனர். அப்போது முன் இருக்கைகளுக்கு இடையில் சிறுமி மயங்கிய நிலையில் கிடந்தது தெரியவந்தது. உடனடியாக காரின் கண்ணாடிகளை உடைத்து குழந்தையை வெளியே கொண்டு வந்தனர். பின்னர் கொத்தகூடெம் அரசு மருத்துவமனைக்கு சிகிச்சைக்காக அழைத்துச் சென்றனர்.

ஆனால், சிறுமியை பரிசோதித்த மருத்துவர்கள் அவர் ஏற்கனவே உயிரிழந்துவிட்டதாக தெரிவித்தனர். காருக்குள் சிக்கிய சிறுமி மூச்சுத்திணறல் காரணமாக உயிரிழந்திருக்கலாம் என போலீசார் சந்தேகிக்கின்றனர்.

போலீசார் விசாரணை; பெற்றோருக்கு எச்சரிக்கை

இதுகுறித்து வழக்குப்பதிவு செய்துள்ள போலீசார் விசாரணை நடத்தி வருகின்றனர். நிறுத்தப்பட்ட வாகனங்களுக்கு அருகில் குழந்தைகளை தனியாக விளையாட விட வேண்டாம் என்றும், காரை பூட்டுவதற்கு முன்பு உள்ளே குழந்தைகள் யாரும் இருக்கிறார்களா என்பதை உறுதி செய்ய வேண்டும் என்றும் போலீசார் அறிவுறுத்தியுள்ளனர். தெலங்கானாவின் நல்கொண்டா, ரங்காரெட்டி மாவட்டங்களிலும் இதேபோன்ற சம்பவங்களில் குழந்தைகள் உயிரிழந்துள்ள நிலையில், தற்போது வினோபா நகரில் நிகழ்ந்துள்ள சிறுமி உயிரிழப்பு அப்பகுதி மக்களிடையே சோகத்தை ஏற்படுத்தியுள்ளது.

இதையும் படிங்க: என்கிட்டயே உன் வேலையை காட்டுறீயா...! சீறிய பாம்பை கடித்து குதறிய கீரி....! திகில் வீடியோ..!!!