இப்படி செய்தால் காய் சாப்பிடாத குழந்தையும் காய்கறிகள் சாப்பிடும்! இந்த யுக்திகளை யூஸ் பண்ணுங்க...

காய்கறிகள் குழந்தைகளின் வளர்ச்சிக்கும் ஆரோக்கியத்திற்கும் மிகவும் தேவையான உணவாகும். இதில் காணப்படும் வைட்டமின்கள், ஆன்டிஆக்ஸிடன்ட்கள், நார்ச்சத்து, நீர்ச்சத்து போன்றவை அவர்களின் உடலை பல நோய்களில் இருந்து பாதுகாக்க உதவுகின்றன. இதயநோய், பக்கவாதம், புற்றுநோய் போன்ற நோய்கள் வராமல் தடுக்கும் சக்தி காய்கறிகளில் உள்ளது.

பெற்றோர் முன்மாதிரியாக இருக்க வேண்டும்

பெரும்பாலான குழந்தைகள் பெற்றோர்களின் பழக்கங்களைப் பின்பற்றுவார்கள். எனவே பெற்றோர்கள் காய்கறிகளை விரும்பி சாப்பிடும் பழக்கத்தை காட்டினால், குழந்தைகளும் அவ்வழியில் செல்ல வாய்ப்பு அதிகம்.

குழந்தைகள் விரும்பாத காய்கறிகளை எளிதாக உணவாக்குவது

புடலங்காய், பீர்க்கங்காய், கத்திரிக்காய் போன்றவை சில குழந்தைகளுக்கு பிடிக்காமல் இருக்கலாம். இவற்றை,

சிறிய துண்டுகளாக வெட்டுங்கள்

வித்தியாசமான வடிவங்களில் பரிமாறுங்கள்

விளையாட்டு பொருட்கள் போல வடிவமைக்கவும்

குழந்தைகளுக்குப் பிடித்தமான வண்ணங்களில் பரிமாறவும்

தொடர்ந்து முயற்சி செய்யுங்கள்

ஒரு காய்கறியை குழந்தை விரும்பவில்லை என்றால் அதனை உடனே ஒதுக்க வேண்டாம். மீண்டும் மீண்டும் வெவ்வேறு வழிகளில் சமைத்து வழங்குங்கள். ஒரு கட்டத்தில் குழந்தைகள் பழகிவிட வாய்ப்பு உள்ளது.

இதையும் படிங்க: இந்த 2 நிலைகளில் நீங்கள் எந்த நிலையில் அதிகமாக தூங்குவீர்கள்? அதை பொறுத்து உங்கள் வாழ்க்கை எப்படிப்பட்டது என்பதை அறியலாம்!

குழந்தைகளை இறுதியில் ஈடுபடுத்துங்கள்

காய்கறிகளை வாங்கும் பொழுது, குழந்தைகளையும் கடைக்குத் அழைத்துச் செல்லுங்கள். அவற்றை தோல் கிழிக்க, தேர்ந்தெடுக்க  போன்ற சிறிய வேலைகளில் ஈடுபடுத்துங்கள். இது அவர்களுக்குள் ஆர்வத்தை உருவாக்கும்.

இதையும் படிங்க: அதிகாலையில் பிளாக் காபி அருந்தினால் உண்டாகும் ஆரோக்கிய நன்மைகள்! மேலும் ஆயுள் காலமும் அதிகரிக்கும் என ஆய்வில் வெளியீடு...