ஐயோ... ஒரு நொடியில் உயிர் தப்பினாரா? நடிகர் கிரண் ராஜை கீழே தள்ளிய சிங்கம்! அதிர்ச்சி வீடியோ..!!!

கன்னட திரைப்படம் மற்றும் சின்னத்திரை நடிகர் கிரண் ராஜ், சிங்கங்களுடன் பயிற்சி மேற்கொள்ளும் வீடியோவை சமூக வலைதளத்தில் பகிர்ந்துள்ளார். அதில் ஒரு சிங்கம் திடீரென அவர் மீது பாய்ந்து கீழே தள்ளுவது போல் காட்சிகள் இடம்பெற்றுள்ளன. வீடியோ வேகமாக பரவியதால், ரசிகர்கள் அவரது பாதுகாப்பு குறித்து கவலை தெரிவித்தனர்.

சிங்கங்களுடன் பயிற்சி... வைரலான வீடியோ

“சிங்கங்களுக்குப் பயிற்சி அளிக்கக் கற்றுக்கொள்ளும் முதல் நாள்” என்ற தலைப்பில் கிரண் ராஜ் இந்த வீடியோவை வெளியிட்டுள்ளார். ராஜர், ராக்கி என பெயரிடப்பட்ட இரண்டு சிங்கங்களுடன் நட்பாகப் பழக விரும்புவதாகவும் அவர் தெரிவித்துள்ளார்.

இதையும் படிங்க: நெருக்கமான காட்சிகளா? ரவி மோகன் – கெனிஷா வீடியோ வைரல்!

வீடியோவில் கிரண் ராஜ் சிங்கங்களுடன் நெருக்கமாக இருக்கும் நிலையில், எதிர்பாராத நேரத்தில் ஒரு சிங்கம் அவர் மீது பாய்கிறது. இதனால் அவர் கீழே விழுவது போன்ற காட்சி பதிவாகியுள்ளது. இதைப் பார்த்த ரசிகர்கள் பலரும் அதிர்ச்சியடைந்து, அவரது உடல்நிலை குறித்து சமூக வலைதளங்களில் கேள்வி எழுப்பினர்.

“நான் பாதுகாப்பாக இருக்கிறேன்”

ரசிகர்களின் கவனத்தையும் கவலையையும் தொடர்ந்து, கிரண் ராஜ் தனது நிலை குறித்து விளக்கம் அளித்துள்ளார். “நான் பாதுகாப்பாக இருக்கிறேன். யாரும் கவலைப்பட வேண்டாம். நான் நலமாக இல்லை என்றால் இந்த வீடியோவையே பதிவிட்டிருக்க முடியாது” என்று அவர் தெரிவித்துள்ளார்.

ரசிகர்கள் விடுத்த எச்சரிக்கை

இதற்கிடையில், கிரண் ராஜ் பகிர்ந்த சிங்கம் பயிற்சி வீடியோ சமூக வலைதளங்களில் தொடர்ந்து கவனம் பெற்று வருகிறது. வனவிலங்குகளுடன் இதுபோன்ற ஆபத்தான சாகசங்களில் ஈடுபடுவதை தவிர்க்க வேண்டும் என ரசிகர்கள் பலரும் அவரிடம் அன்புடன் கேட்டுக்கொண்டுள்ளனர்.

இதையும் படிங்க: தீபாவளிக்கு ‘மூக்குத்தி அம்மன் 2’ ரிலீஸ்?… நயன்தாரா ரசிகர்களுக்கு வந்த முக்கிய தகவல்!