100 கோடி கொடுத்தாலும் அதை மட்டும் இனி செய்ய மாட்டேன்! கதறி அழுத பொன்னியின் செல்வன் நடிகை.... கலங்கும் ரசிகர்கள்...!!!
ஆபாச மார்பிங் மற்றும் இணையத் தொல்லைகளால் சமூக வலைத்தளங்களில் இருந்து முழுமையாக விலகியதாக நடிகை ஐஸ்வர்யா லட்சுமி தெரிவித்துள்ளார். அவரது கருத்து இணையத்தில் பரவலாக பேசப்படுகிறது.
by
சமூக வலைத்தளங்களில் ஏற்பட்ட மோசமான அனுபவங்களால் ஐஸ்வர்யா லட்சுமி முழுமையாக விலகியதாக தெரிவித்துள்ளார். தனது புகைப்படங்கள் ஆபாசமாக மார்பிங் செய்யப்பட்டு பரப்பப்பட்டதே அந்த முடிவுக்குக் காரணம் என்றும், சமூக வலைத்தளங்களை விட்டு வெளியேறிய பிறகே மன அமைதி கிடைத்ததாகவும் அவர் கூறியிருப்பது ரசிகர்கள் மத்தியில் கவனத்தை ஈர்த்துள்ளது.
மன வேதனையை பகிர்ந்த நடிகை
மருத்துவம் படித்துவிட்டு மாடலிங் மூலம் திரையுலகில் அறிமுகமான ஐஸ்வர்யா லட்சுமி, மலையாளம் மற்றும் தமிழில் பல வெற்றிப் படங்களில் நடித்துள்ளார். சமீபத்திய பேட்டியில் பேசிய அவர், தனது புகைப்படங்களை சிலர் அனுமதியின்றி ஆபாசமாகவும் தரக்குறைவாகவும் மார்பிங் செய்து இணையத்தில் பரப்பியதாக வேதனையுடன் தெரிவித்தார்.
இதையும் படிங்க: இந்த முறை நறுக்குன்னு பதிலடி கொடுத்த த்ரிஷா! திருமணம், குழந்தைகள், செட்டில்மென்ட் குறித்த இன்ஸ்டாகிராம் பதிவால் அதிர்ந்து போன ரசிகர்கள்!!!
“100 கோடி கொடுத்தாலும் திரும்ப மாட்டேன்”
யாராவது 100 கோடி ரூபாய் கொடுத்தாலும் இனி சமூக வலைத்தளங்களுக்கு திரும்பப் போவதில்லை என்று ஐஸ்வர்யா லட்சுமி உறுதியாகக் கூறினார். இன்ஸ்டாகிராம் உள்ளிட்ட சமூக வலைத்தளக் கணக்குகளில் இருந்து விலகிய பிறகே உண்மையான மனநிம்மதியை உணர்ந்ததாகவும் அவர் தெரிவித்துள்ளார்.
இணையத் தொல்லைகள் குறித்து மீண்டும் கவலை
பிரபலங்களின் புகைப்படங்களை அனுமதியின்றி மாற்றியமைத்து பரப்பும் செயல்கள் அதிகரித்து வருவது குறித்து பலரும் கவலை தெரிவித்து வருகின்றனர். Cyber Crime காவல்துறை நடவடிக்கை எடுத்தாலும், போலி கணக்குகள் மூலம் இதுபோன்ற செயல்கள் தொடர்வதாக கூறப்படுகிறது. ஐஸ்வர்யா லட்சுமியின் கருத்துக்கு ரசிகர்கள் ஆதரவு தெரிவித்து வரும் நிலையில், பெண்களின் கண்ணியத்தை பாதிக்கும் இணையக் குற்றங்களில் ஈடுபடுவோர் மீது கடுமையான நடவடிக்கை எடுக்க வேண்டும் என்ற கோரிக்கையும் வலுத்துள்ளது.
