இதுதான் சரியான நேரம்.....ஒரே நாளில் சவரனுக்கு ரூ.2,120 குறைந்த தங்கம் விலை.! நகைப்பிரியர்கள் மகிழ்ச்சி..!!!
சர்வதேச பொருளாதார அலைச்சல்களுக்கு மத்தியில் உயர்ந்திருந்த தங்கம் விலை சென்னையில் இன்று திடீரென குறைந்தது. ஒரு கிராம் ரூ.265 குறைந்து ரூ.15,200 ஆக விற்பனை.
- Mar 4, 2026 11:33:01 AM
by
Web Team
- #தமிழகம் #வர்த்தகம்
சர்வதேச அரசியல் மற்றும் பொருளாதார பதற்றங்கள் காரணமாக கடந்த சில மாதங்களாக தங்கத்தின் விலை தொடர்ந்து உயர்ந்து வந்தது. ஆனால் இன்று சென்னையில் தங்கம் விலை திடீரென குறைந்தது நகை வாங்க திட்டமிட்டிருந்தவர்களுக்கு சிறிய நிம்மதியை ஏற்படுத்தியுள்ளது.
சர்வதேச காரணங்களால் உயர்ந்த தங்கம்
ரஷ்யா – உக்ரைன் போர், மத்திய கிழக்கு நாடுகளில் நிலவும் பதற்றம் மற்றும் உலகளாவிய அரசியல் மாற்றங்கள் உள்ளிட்ட பல காரணங்களால் சர்வதேச பொருளாதாரத்தில் நிலையற்ற சூழல் உருவாகியுள்ளது. இதன் விளைவாக முதலீட்டாளர்கள் பாதுகாப்பான முதலீடாக தங்கத்தில் முதலீடு செய்ய அதிகம் முனைந்துள்ளனர். இதனால் தங்கம் பொதுமக்களுக்கு எட்டாத விலைக்கு உயர்ந்தது.
வரலாறு காணாத உயர்வு
கடந்த சில மாதங்களாக தங்கம் விலை தொடர்ந்து உயர்ந்து, இடையே சிறிய அளவில் குறையும் நிலை காணப்பட்டது. கடந்த டிசம்பர் 15ஆம் தேதி ஒரு சவரன் தங்கம் ரூ.1 லட்சத்தை தாண்டி விற்பனை செய்யப்பட்டு வரலாற்று சாதனை படைத்தது. பின்னர் சற்றே குறைந்தாலும், மீண்டும் ரூ.1 லட்சத்தை தாண்டி விற்பனை செய்யப்பட்டு வந்தது.
இதையும் படிங்க: BREAKING: அதிர்ச்சி மேல் அதிர்ச்சி! 2 முறை உயர்வு... ஒரே நாளில் சவரனுக்கு ரூ.2,560 உயர்ந்த தங்கம் விலை! வெள்ளி விலையும் அதிகரிப்பு!
சென்னையில் இன்று திடீர் சரிவு
இந்த நிலையில் இன்று சென்னையில் ஆபரணத் தங்கத்தின் விலை குறைந்துள்ளது. ஒரு கிராம் தங்கம் ரூ.265 குறைந்து ரூ.15,200 ஆக விற்பனை செய்யப்படுகிறது. இதனால் ஒரு சவரன் தங்கத்தின் விலை ரூ.2,120 குறைந்து ரூ.1,21,600 ஆக நிர்ணயிக்கப்பட்டுள்ளது.
வெள்ளி விலையும் குறைவு
தங்கத்துடன் சேர்த்து வெள்ளி விலையும் இன்று குறைந்துள்ளது. ஒரு கிராம் வெள்ளி ரூ.20 குறைந்து ரூ.295 ஆக விற்பனை செய்யப்படுகிறது. இதனால் ஒரு கிலோ வெள்ளியின் விலை ரூ.20,000 வரை குறைந்து சுமார் ரூ.2.95 லட்சமாக உள்ளது.
இன்று தங்கம் மற்றும் வெள்ளி விலையில் ஏற்பட்ட இந்த சரிவு, நகை வாங்க நினைக்கும் பொதுமக்களுக்கும் முதலீட்டாளர்களுக்கும் ஒரு வாய்ப்பாக பார்க்கப்படுகிறது. குறிப்பாக திருமணம் மற்றும் விழா காலங்களை முன்னிட்டு நகை வாங்க திட்டமிட்டிருந்தவர்கள் இந்த விலை மாற்றத்தை ஆர்வத்துடன் கவனித்து வருகின்றனர்.
இதையும் படிங்க: காலை, மாலை 2 முறையும் சரிவு..! ஒரே நாளில் சவரனுக்கு ரூ.1,560 குறைந்த தங்கம் விலை..!!! மகிழ்ச்சியில் மக்கள்....!!!
